தினகரன்

தமிழகம் முழுவதும் பறவைகள் கணக்கெடுப்பு தொடக்கம்: 2 நாள் பணியாக வனத்துறையினருடன் மாணவர்களும் பங்கேற்பு

கன்னியாகுமரி:  தமிழகம் முழுவதும் சரணாலயங்களில் பறவைகள் கணக்கெடுக்கும் பணிகள் தொடங்கியுள்ளன. வடகிழக்கு பருவமழை காலங்களில் நீர்நிலைகள் நிறைந்திருக்கும்போது ஏராளமான வெளிநாட்டு பறவைகள் தமிழகத்திற்கு வந்து இனப்பெருக்கம் செய்யும். பின்னர் தனது குஞ்சிகளுடன் நாடு திரும்புவது வழக்கம். இப்படி வந்துசெல்லும் பறவைகளுக்கான கணக்கெடுக்கும் பணியானது தமிழகம் முழுவதும் தொடங்கியுள்ளது. 2 நாட்கள் நடக்கும் பறவைகள் கணக்கெடுப்பில் பறவைகளின் வகைகள், எண்ணிக்கை போன்றவற்றை கண்டறியப்படுகின்றன. இதில் மாவட்ட வன அலுவலர் டாக்டர் செந்தில்குமார், வனச்சரகர் கருப்பையா, கால்நடை மருத்துவர் மனோகரன், ராணி அண்ணா அரசு கல்லூரி மாணவியர், இயற்கை ஆர்வலர்கள் ஆகிய 50 பேர் 10 குழுக்களாக பிரிந்து பறவைகள் கணக்கெடுக்கும் பணியை துவக்கினர்.கன்னியாகுமரி மாவட்டம்: கன்னியாகுமரியில் சுசீந்திரம், தேரூர், மாடிக்குச் தேரி, ராஜாக்கமங்கலம், சாமித்தோப்பு உள்ளிட்ட பல்வேறு பகுதிகளில் கணக்கெடுக்கும் பணிகள் தொடங்கியுள்ளன. இவற்றில் இதுவரை அரியவகை பறவைகளான கோழிக்கரா, பூ நாரை, வர்ணநாரை உள்ளிட்ட 80 வகையான பறவைகள் காணப்பட்டது. விழுப்புரம் மாவட்டம்: மரக்..
                 

செங்கல்பட்டு மாவட்டம் பரனூர் சுங்கச்சாவடி மார்ச் 1ம் தேதி முதல் இயங்கும் என்று அறிவிப்பு

செங்கல்பட்டு : செங்கல்பட்டு மாவட்டம் பரனூர் சுங்கச்சாவடி மார்ச் 1ம் தேதி முதல் இயங்கும் என்று அறிவிக்கப்பட்டுள்ளது.கடந்த மாதம் 26ம் தேதி அரசு பேருந்து ஓட்டுனரை சுங்கச்சாவடி ஊழியர் தாக்கியதால் பரனூர் சுங்கச்சாவடி அடித்து நொறுக்கப்பட்டது. மோதலால் இரு மாதமாக பரனூர் சுங்கச்சாவடி இயங்காமல் வாகனங்கள் கட்டணமின்றி இலவசமாக சென்று கொண்டிருந்தனர்...
                 

ஆலங்குளம் அருகே ஒரே குடும்பத்தைச் சேர்ந்த 3 பேரை கொலை செய்த வழக்கில் குற்றவாளிக்கு தூக்கு தண்டனை விதித்து தீர்ப்பு

தென்காசி : தென்காசி மாவட்டம் ஆலங்குளம் அருகே ஒரே குடும்பத்தைச் சேர்ந்த 3 பேரை கொலை செய்த வழக்கில் முத்துராஜ் என்பவருக்கு தூக்கு தண்டனை விதித்து தென்காசி நீதிமன்றம் தீர்ப்பு வழங்கியுள்ளது. ஆலங்குளம் அருகே நெட்டூரில் 2016ம் ஆண்டில் முன்விரோதத்தால் கோவிந்தசாமி, அவரது மனைவி பேச்சித்தாய், மகள் மாரியம்மாள் ஆகிய 3 பேரை வெட்டிக்கொலை செய்த குற்றவாளி முத்துராஜூக்கு தூக்கு தண்டனை விதித்து தென்காசி நீதிமன்றம் தீர்ப்பளித்தது..
                 

மதுரை அவனியாபுரத்தில் திமுக பிரமுகர் மகன் கொலை வழக்கில் 7 பேருக்கு ஆயுள் தண்டனை விதித்து உயர்நீதிமன்ற மதுரைக்கிளை தீர்ப்பு

மதுரை : மதுரை அவனியாபுரத்தில் திமுக பிரமுகர் மகன் முத்துக்குமார் என்பவர் கொலை செய்யப்பட்ட வழக்கில் 7 பேருக்கு ஆயுள் தண்டனை விதித்து உயர்நீதிமன்ற மதுரைக்கிளை தீர்ப்பு அளித்துள்ளது. கீழமை நீதிமன்றம் குற்றவாளிகளை விடுவித்த நிலையில், உயர்நீதிமன்ற மதுரைக் கிளை குற்றவாளிகளுக்கு ஆயுள் தண்டனை விதித்துள்ளது. 2007ம் ஆண்டு திமுக பிரமுகர் முருகன் என்பவரின் மகன் முத்துக்குமார் கொலை செய்யப்பட்டார்...
                 

கோழிக்கறி குறித்து சமூக வலைத்தளங்களில் தவறான தகவல் பரப்புவோர் மீது கடும் நடவடிக்கை எடுக்கப்படும் : அமைச்சர் உடுமலை ராதாகிருஷ்ணன்

திருப்பூர் : கோழிக்கறி குறித்து சமூக வலைத்தளங்களில் தவறான தகவல் பரப்புவோர் மீது கடும் நடவடிக்கை எடுக்கப்படும் என்று திருப்பூரில் கால்நடைத்துறை அமைச்சர் உடுமலை ராதாகிருஷ்ணன் தெரிவித்துள்ளார். கோழிக்கறி மூலம் கொரோனா வைரஸ் பரவுவதாக வதந்தி பரவிய நிலையில், அமைச்சர் இவ்வாறு எச்சரிக்கை விடுத்துள்ளார். தொடர்ந்து நிரூபர்களிடம் பேசிய அவர், கால்நடைத் துறை சார்பில் நோய் தடுப்புக்கான அனைத்து நடவடிக்கைகளும் எடுக்கப்பட்டு வருகின்றன என்றும் கூறினார்...
                 

பருவநிலை மாற்றத்தினால் தனுஷ்கோடி வந்திருக்கும் பிளமிங்கோ வெளிநாட்டு பறவைகள்: பார்வையாளர்கள் கண்டு ரசிப்பு

ராமேஸ்வரம்:  பருவகால மாற்றத்தின்போது மனிதர்கள் இடம்பெயர்ந்து புத்துணர்ச்சி பெறுவதைப்போல பறவைகளும் வலசை வருகின்றன. அதாவது தற்காலிகமாக இடம்பெயர்கின்றன. காலநிலை மாற்றத்தால் பிளமிங்கோ எனப்படும் வெளிநாட்டு நாரை வகை பறவைகள் தற்போது தனுஷ்கோடி பகுதியில் குவிந்துள்ளன. மனிதர்களைப்போல பறவைகளும் வெப்பநிலை மாறுபாட்டின்போது தங்களுக்கு இதமான, ஏதுவான வாழிடங்களுக்கு படையெடுக்கின்றன. பல நாட்கள், பல மாதங்கள் பயணித்து குறிப்பிட்ட இடங்களுக்கு வருடாவருடம் வலசை வருகின்றன. கோடை காலத்தில் குளிர் பிரதேசங்களுக்கும், குளிர் காலத்தில் இதமான தட்பவெட்ப நிலை,  நிலவும் பிரதேசங்களுக்கும் பல்லாயிரம் கிலோமீட்டர் கடந்து வருகின்றன. அந்த வகையில் தமிழகத்தின் தனுஷ்கோடி கடற்கரை பகுதிகளில் பிளமிங்கோ பறவைகள் லட்சக்கணக்கில் குவிந்துள்ளன. இவை பூநாரை அல்லது செந்நாரை என்றழைக்கப்படுகிறது. பிளமிங்கோ அலகானது நன்கு வளைந்தும், அகலமாகவும், அதன் நுனிப்பகுதியில் கருப்பு நிறத்திலும் காணப்படுகிறது. மேலும்,  நீளமான சிவப்பு கால்களும், செந்நிறத்தில் இறக்கைகளையும் கொண்டுள்ளன. இவை கரையோரத்தில் வாழும் பறவை என்பதால், சேறு, சகதி நிறைத்..
                 

உலக திறனாய்வு போட்டியில் காலணிகள் வழங்காததால் வீரர்கள் விழுந்து காயம்

மதுரை:  மதுரையில் நடந்த உலக திறனாய்வு போட்டியில் பங்கேற்ற மாணவ, மாணவிகளுக்கு காலணிகள் (ஷூ) வழங்காததால் ஓடும் போது பலரும் கீழே விழுந்து காயமடைந்தனர். மதுரை மாவட்டம் சார்பில்  உலகத்தரத்திற்கு இணையான விளையாட்டு வீரர்களை கண்டறியும் பொருட்டு பள்ளியில் 6, 7, 8ம் வகுப்பு மாணவ, மாணவிகளுக்கான உலகத் திறனாய்வு  திட்ட தடகள போட்டி ரேஸ்கோர்ஸ் மைதானத்தில் நடந்தது. தமிழ்நாடு விளையாட்டு மேம்பாட்டு ஆணைய மதுரை கிளை சார்பில் நடந்த போட்டியை மாவட்ட விளையாட்டு அலுவலர் லெனின் துவக்கி வைத்தார். பள்ளி கல்வித்துறையின் விளையாட்டுப் பிரிவை சேர்ந்த உடற்கல்வி ஆய்வாளர் (பொ) செங்கதீர் தலைமை வகித்தார். மதுரை, உசிலம்பட்டி, மேலூர் ஆகிய 3 கல்வி மாவட்டங்களுக்கு தடகள போட்டிகள் நடந்தன. மதுரை கல்வி மாவட்டத்திற்கு ரேஸ்கோர்ஸ் மைதானத்தில் துவங்கியது. உசிலம்பட்டி கல்வி மாவட்டத்திற்கு உசிலம்பட்டி அரசு மேல்நிலைப் பள்ளியிலும், மேலூர் கல்வி மாவட்டத்திற்கு மேலூர் அரசு ஆண்கள் மேல்நிலைப் பள்ளியிலும் நடந்தன. இதில் 100மீ., 200மீ., 400மீ., தூர ஓட்டப்பந்தயங்கள், நீளம் தாண்டுதல், உயரம் தாண்டுதல், குண்டு எறிதல் போன்ற தடகள ப..
                 

ராணிப்பேட்டை முத்துக்கடையில் மது ஒழிப்பு விழிப்புணர்வு பேரணி

ராணிப்பேட்டை:  ராணிப்பேட்டை முத்துக்கடையில் நடந்த மது ஒழிப்பு விழிப்புணர்வு பேரணியை கலெக்டர் திவ்யதர்ஷினி தொடங்கி வைத்தார். ராணிப்பேட்டை முத்துக்கடையில் மது ஒழிப்பு விழிப்புணர்வு பேரணி நேற்று நடந்தது. இதனை கலெக்டர் திவ்யதர்ஷினி கொடியசைத்து தொடங்கி வைத்தார். எஸ்பி  மயில்வாகனன் முன்னிலை வகித்தார். முத்துகடையில் தொடங்கிய இந்த பேரணியில் பள்ளி மாணவ, மாணவிகள் ஏராளமானோர் கலந்து கொண்டு மது அருந்துவதால் ஏற்படும் தீமைகள் குறித்த பதாகைகளை கையில் ஏந்தி ஊர்வலமாக சென்றனர். மேலும், பொதுமக்களுக்கு விழிப்புணர்வு துண்டு பிரசுரம் வழங்கப்பட்டது. இந்த பேரணியானது கிருஷ்ணகிரி டிரங்க் ரோடு, ரயில்வே ஸ்டேஷன் ரோடு, எம்.எப். ரோடு, நவல்பூர், எம்.சி.டி ரோடு வழியாக சென்று மீண்டும் முத்துக்கடை பேருந்து நிலையம் வந்து நிறைவடைந்தது. இதில், வருவாய் அலுவலர் ஜெயச்சந்திரன், சப்-கலெக்டர் இளம்பகவத், டிஎஸ்பி கீதா, சிஇஓ அருளரசு, வட்டாட்சியர் பாலாஜி, உதவி ஆணையர் (பொறுப்பு கலால்) தாரகேஸ்வரி, அலுவலக மேலாளர் (குற்றவியல்) பாபு, அரசு மேல்நிலைப்பள்ளி தலைமையாசிரியர் அன்பழகன் உட்பட பலர் கலந்துகொண்டனர்...
                 

குடியுரிமை திருத்த சட்டத்தை வாபஸ் பெறக்கோரி கண்டன பொதுக்கூட்டம்

கம்பம்: கம்பம் வ.உ.சி திடலில், ஒற்றுமை மேடை சார்பில் குடியுரிமை திருத்த சட்டத்தை வாபஸ் பெறக்கோரி, கண்டன பொதுக்கூட்டம் நடைபெற்றது. மாநில சிறுபான்மை குழு துணைச்செயலாளர் அக்பர் தலைமை வகித்தார். இதில் கலந்து கொண்ட திமுக மாநில பேச்சாளரும், மாநில செய்தி தொடர்பு இணைச் செயலாளருமான தமிழன் பிரசன்னா பேசுகையில், ‘தமிழ்நாட்டை மோடியின் காலடியில் தமிழக ஆட்சியர்கள் அடகு வைத்துவிட்டனர். இந்திய தேசிய கொடியை வடிவமைத்து, சுதந்திரத்திற்காக பெரிதும் பாடுபட்டவர்கள் இஸ்லாமியர்கள். இந்தியா ஒரு மதச்சார்பற்ற நாடு, இங்கு குறிப்பிட்ட ஒரு சமுதாயத்தை மட்டும் அனுமதிக்க முடியாது எனக்கூறுவது அரசியலமைப்புக்கு விரோதமானது. இந்த குடியுரிமையை திருத்த சட்டத்தை மத்திய அரசு வாபஸ் வாங்க வேண்டும்’ என்றார்.கூட்டத்தில், ‘திமுக நகர செயலாளர் துரை.நெப்போலியன், வாவேர் பள்ளி ஜமாத் தலைவர் பாபா பதுருதீன், இஸ்லாமிய கூட்டமைப்பு ஒருங்கிணைப்பாளர் அபுதாகிர், இந்திய ஜனநாயக வாலிபர் சங்க மாவட்ட தலைவர் லெனின் உள்ளிட்ட பலர் கலந்து கொண்டனர். தமிழர் வாழ்வுரிமை கட்சி மாவட்ட செயலாளர் தர்வேஸ் முஹைதீன் நன்றி தெரிவித்தார்...
                 

வாழப்பாடி அருகே தனியார் பேருந்தும் லாரியும் மோதிக் கொண்ட விபத்தில் 10 பேர் காயம்

சேலம் : சேலம் மாவட்டம் வாழப்பாடி அருகே தனியார் பேருந்தும் லாரியும் மோதிக் கொண்ட விபத்தில் 10 பேர் காயம் அடைந்துள்ளனர்.காட்டுவேப்பிலைப்பட்டி ஊராட்சியில் லாரி மீது தனியார் பேருந்து மோதி விபத்துக்குள்ளானது. இந்த விபத்தில் காயம் அடைந்தவர்கள் சேலம் அரசு மருத்துவமனையில் சிகிச்சை பெற்று வருகின்றனர்...
                 

குடியுரிமை திருத்த சட்டத்திற்கு எதிராக பட்டிமன்றம் நடத்தி நூதன போராட்டம்

முத்துப்பேட்டை: திருவாரூர் மாவட்டம், முத்துப்பேட்டையில் அனைத்து ஜமாஅத் மற்றும் அனைத்து இஸ்லாமிய அமைப்புகள் ஒருங்கிணைந்து, குடியுரிமை திருத்தச்சட்ட எதிர்ப்பு கூட்டமைப்பு சார்பில் புதுத்தெரு திடலில் தமிழக சட்டமன்றத்தில் குடியுரிமை திருத்த சட்டத்திற்கு எதிராக தீர்மானம் நிறைவேற்ற கோரி கடந்த 15ந்தேதி மாலை முதல் தொடர் காத்திருப்பு போராட்டத்தை துவங்கினர். இதில் 13வது நாளான நேற்று நடந்த போராட்டத்திற்கு குடியுரிமை திருத்தச்சட்ட எதிர்ப்பு கூட்டமைப்பு தலைவர் ஜெர்மன்அலி தலைமை வகித்தார்.ஒருங்கிணைப்பாளர்கள் கருத்தப்பா சித்திக், அன்சாரி, வக்கீல் தீன்முகமது, அபுபக்கர் சித்திக், சம்சுதீன் மற்றும் அனைத்து ஜமாஅத் நிர்வாகிகள் ஆகியோர் முன்னிலை வகித்தனர். இதில் இளைஞர்கள் சிறுவர்கள், பெண்கள் தனித்தனியாக பங்கேற்ற எதிர்ப்பு கோசங்கள், பெண்கள் பங்கேற்ற சிறப்பு சொற்பொழிவுகள் நடைபெற்றது. அதனை தொடர்ந்து நேற்றிரவு பெண்கள் குடியுரிமை திருத்த சட்டத்திற்கு எதிராக பட்டிமன்றம் நடத்தி நூதனப்போராட்டம் நடத்தினர். இதற்கு நடுவராக பேராசிரியர் இபுராஹீம் அன்சாரி கலந்துக்கொண்டு பேசினார்...
                 

நீடாமங்கலம் அடுத்த கடம்பூரில் பாமணியாற்று பாலம் படுமோசம் மரண பயத்தில் பொதுமக்கள்

நீடாமங்கலம்: நீடாமங்கலம் அருகே கடம்பூர் பாமணியாற்று பாலத்தில் கம்பிகள் இல்லாமல் மாணவர்களுக்கு அச்சத்தை ஏற்படுத்தும் நிலையில் உள்ளது. திருவாரூர் மாவட்டம் நீடாமங்கலம் அருகே உள்ள கடம்பூர் கிராமத்திலிருந்து பாமணியாற்றில், ஒரத்தூர் திருவள்ளுவர் நகர் தஞ்சை சாலையில் இணைகிறது. இந்த பாலம் வழியாக கடம்பூர், மேலகடம்பூர், பரப்பனாமேடு, வீரவநல்லூர், பூவனூர், மேலபூவனூர், மாங்குளம் உள்ளிட்ட பல்வேறு கிராமங்களிலிருந்து நீடாமங்கலம் கடை தெருவிற்கு வந்து செல்ல இப்பாலத்தைதான் பயன்படுத்தி வருகின்றனர். அதேபோல அந்த கிராமங்களை சேர்ந்த பள்ளி, கல்லூரி மாணவ, மாணவிகள் டூவீலர்களி வாகனங்களில் இந்த பாலத்தில்தான் சென்று வருகின்றனர். அருகில் பாமணியாற்று பாலம் ஒன்று சித்தமல்லி சாலை பிரியும் இடத்தில் உள்ளது. இந்த சாலை வழியாகவும் நீடாமங்கலம் வரலாம். இந்த சாலை சுற்று பாதை என்பதால் சைக்கிள், டூவீலர் மற்றும் நடந்து செல்பவர்கள் இந்த கம்பியில்லாத பாலத்தில்தான் ஏரி சென்று வருகின்றனர். ஆற்றில் தண்ணீர் வந்தால் இரவு நேரங்களில் இப்பாலத்தில் கடந்து செல்லும் மாணவர்கள், ஆற்றில் விழுந்து விடுவோமோ என்ற அச்சத்தில் சென்று வருகின்றனர். இந்த ..
                 

சிதம்பரம் அருகே உள்ள கிராமங்களில் சாமந்திப்பூ விளைச்சல் அமோகம்

சிதம்பரம்: சிதம்பரம் அருகே உள்ள சுற்று வட்டார கிராமங்களில் சாமந்தி பூக்கள் அதிக அளவில் பயிரிடப்பட்டுள்ளன. பூக்களின் தேவை அதிகரித்து வருவதால் உள்ளூரில் பூக்கும் பூக்கள் மக்களின் தேவையை பூர்த்தி செய்ய முடியவில்லை.இதனால் சேலம், பெங்களூர் போன்ற நகரங்களில் இருந்து சிதம்பரத்திற்கு தினமும் பூக்கள் இறக்குமதி செய்யப்படுகிறது. இந்நிலையில்தான் சிதம்பரம் சுற்று வட்டார கிராமங்களில் சாமந்திப் பூக்கள் அதிக அளவில் பயிரிடப்பட்டு உள்ளது. சிதம்பரம் அருகே உள்ள ஜெயங்கொண்டபட்டினம், திட்டுக்காட்டூர், பெராம்பட்டு, சிவபுரி உள்ளிட்ட பல்வேறு கிராமங்களில் சாமந்திப் பூக்கள் விளைச்சல் அதிகரித்து உள்ளது. இந்த பகுதிகளில் சாமந்தி பயிரிட்ட விவசாயிகள் அந்த செடிகளை பாதுகாப்பாக பராமரித்து, வளர்த்து வருகின்றனர். இதனால் சாமந்தி பூக்கள் அதிகளவில் பூத்து குலுங்குகிறது. சாமந்தி பூக்கள் அதிகம் பூத்திருப்பதால் இப்பகுதி விவசாயிகள் மகிழ்ச்சி அடைந்துள்ளனர்...
                 

திருப்பதி நகரில் அமைக்கப்பட்டு வரும்கருடா மேம்பால தூணில் வரையப்பட்டு சர்ச்சையான திருநாமம் அகற்றம்

திருமலை: திருப்பதி நகரில் ஏற்படும் போக்குவரத்து நெரிசலை சமாளிப்பதற்காக ஸ்மார்ட் சிட்டி திட்டத்தின் கீழ் சில்பாராமம் முதல்  நந்தி சந்திப்பு வரை 6 கிலோ மீட்டருக்கு கருடா மேம்பாலம் அமைக்க முடிவு செய்யப்பட்டது.  திருப்பதி ஆன்மிக நகரம் என்பதால் இந்த பாலம் அமைக்கும் பணியில் எங்கு பார்த்தாலும் ஆன்மிக சிந்தனையை ஏற்படுத்தும் விதமாக  அமைக்க முடிவு செய்யப்பட்டது. இதற்காக மேம்பாலத்திற்காக அமைக்கும் தூணில் ஏழுமலையானின் அடையாளமாக விளங்கும் திருநாமம் அச்சாக பொருத்தப்பட்டது. இந்த திருநாமம் குறித்து சமூக வலைதளங்களில் பல்வேறு சர்ச்சைகள் எழுந்தது.அதில் தென்கலை நாமம் வரையப்பட்டதாக கூறி வடகலை நாமம் அணிபவர்கள் எதிர்ப்பு தெரிவித்தனர். பின்னர் இருதரப்பினருக்கும் பொதுவான ஏழுமலையானுக்கு அணிவிக்கப்படும் பா நாமம் கடந்த மாதம் அனைத்து தூணிலும் வரையப்பட்டது. இதற்கு சில பிரிவினர் எதிர்ப்பு தெரிவித்தனர். அதில் ஏழுமலையானின் புனிதமாக கருதக்கூடிய  நாமத்தை தூணில் அமைத்துள்ளதால் அதன்மேல் வாகனங்கள் செல்வதால் நாமத்தின் புனிதத்தன்மை கெட்டுவிடும் என்றனர். இதுகுறித்து பல்வேறு புகார்களை தேவஸ்தான தலைமை செயல் அ..
                 

விழுப்புரம் மாவட்டம் மரக்காணத்தில் உள்ள கழுவேலி ஏரியை மேம்படுத்த ரூ.161 கோடி ஒதுக்கீடு

விழுப்புரம் : விழுப்புரம் மாவட்டம் மரக்காணம் வட்டத்தில் உள்ள கழுவேலி ஏரியை மேம்படுத்த ரூ.161 கோடி ஒதுக்கீடு செய்யப்பட்டுள்ளது.கடல்நீர் உப்புகுவதைத் தடுக்கவும் கழுவேலி ஏரியில் தடுப்பணைக் கட்டவும் மதகுகளை புதிதாக அமைக்கவும் முடிவு செய்யப்பட்டுள்ளது.கழுவேலி ஏரியில் மழைநீரை சேகரித்து சென்னையின் குடிநீர் தேவைக்குப் பயன்படுத்தவும் ஆலோசனை மேற்கொள்ளப்பட்டு வருகிறது...
                 

காஞ்சிபுரம் சரவண பவன் மேலாளர் தூக்கிட்டு தற்கொலை: விசாரணை நடத்த வேண்டுமென ஊழியர்கள் போராட்டம்

காஞ்சிபுரம்:  காஞ்சிபுரத்தில் சரவண பவன் மேலாளர் தூக்கிட்டு தற்கொலை செய்துகொண்டதால் ஊழியர்கள் போராட்டத்தில் ஈடுபட்டுள்ளனர். சரவண பவன் உணவகத்தின் 3 கிளைகளில் சுமார் 300க்கும் மேற்பட்ட பணியாளர்கள் பணியாற்றி வருகின்றனர். கடந்த சில மாதங்களாக, ஊழியர்களுக்கு சரவண பவன் நிர்வாகம் சரியாக சம்பளம் கொடுக்கவில்லை. இதையடுத்து, பழனியப்பன் சென்னையில் உள்ள தலைமை அலுவலகத்தில் பேசியுள்ளார். தற்போது நிர்வாகத்தில் சில பிரச்னைகள் இருப்பதால், சம்பளம் கொடுக்க முடியவில்லை. அடுத்த மாதம் சேர்த்துக் கொடுத்துவிடலாம் என நிர்வாகத்தினர் பழனியப்பனிடம் தெரிவித்திருக்கிறார்கள். இதை ஊழியர்களிடம் பழனியப்பன் தெரிவித்திருக்கிறார். ஊழியர்கள், பழனியப்பன் சொல்வதை ஏற்காமல் போராட்டம் நடத்தப்போவதாக அறிவித்திருக்கிறார்கள். போராட்டத்தைத் தடுப்பதற்காக,  600 ஊழியர்களுக்கும் கொடுக்கவேண்டிய சம்பளத்தொகையில் முன்பணமாக 5000 ரூபாய் கொடுத்திருக்கிறார். முன்பணம் கொடுத்ததையடுத்து, சென்னை வடபழனியில் இருக்கும் தலைமை அலுவலகத்திலிருந்து பழனியப்பனை நேரில் அழைத்திருக்கிறார்கள். இது தொடர்பாகக் கடுமையான வார்த்தைகளால் திட்டியும் மிரட்டியும் இ..
                 

கடலாடியில் ஜெயலலிதா அறிவித்த 500 மெகாவாட் சூரியமின்சக்தி உற்பத்தி திட்டத்தை ரத்து செய்த மத்திய எரிசக்தி துறை

புதுடெல்லி: ராமநாதபுரம் மாவட்டம் கடலாடியில் அமைக்க திட்டமிடப்பட்டிருந்த 500 மெகாவாட் சூரியமின்சக்தி உற்பத்தி திட்டத்தை மத்திய எரிசக்தி துறை அமைச்சகம் ரத்து செய்துள்ளது. கடந்த 2016-ம் ஆண்டு 1,500 ஏக்கரில் திட்டம் செயல்படுத்தப்படும் என்று சட்டப்பேரவையில் ஜெயலலிதா அறிவித்திருந்தார். 3 ஆண்டுகளாக எந்தவித முன்னேற்றமும் இல்லாத காரணத்தால் சூரியமின்சக்தி உற்பத்தி திட்டத்தை மத்திய எரிசக்தி துறை அமைச்சகம் ரத்து செய்வதாக அறிவித்துள்ளது. இதற்கு விளக்கமளித்துள்ள மின்சார வாரியம் சூரிய மின்சக்தி நிலையத்தை அமைப்பதற்கான ஏற்பாடுகள் 3 ஆண்டுகளாக நடைபெற்று வருவதாக தெரிவித்துள்ளது. 1,500 ஏக்கர் நிலம் கண்டறியப்பட்டுள்ளதால் திட்டத்தை செயல்படுத்த மத்திய அரசிடம் மீண்டும் விண்ணப்பிக்கப்படும் என்று மின்சார வாரியம் தெரிவித்துள்ளது. ராமநாதபுரம் மாவட்டம் கடலாடியில் ஏற்கனவே அமையவிருந்த 4,000 மெகாவாட் அனல்மின்நிலைய திட்டமும் கைவிடப்பட்டது குறிப்பிடத்தக்கது...
                 

சாலை முழுமையாக அமைக்கப்படும் முன் சுங்கக்கட்டணம் வசூலிப்பதற்கு எதிரான வழக்கு : மத்திய அரசுக்கு நோட்டீஸ்

மதுரை : சாலை முழுமையாக அமைக்கப்படும் முன் சுங்கக்கட்டணம் வசூலிப்பதை எதிர்த்து உயர்நீதிமன்ற மதுரைக் கிளையில் வழக்கு தொடரப்பட்டது.பரமக்குடி - ராமநாதபுரம் சாலையில் உள்ள போகலூர் சுங்கச் சாவடியில் கட்டணம் வசூல் செய்ய தடை கோரி வழக்கறிஞர் முகமது ரஃபி மனு தாக்கல் செய்திருந்தார்.சாலைப்பணி முழுமையாக முடியாமலேயே சுங்கக்கட்டணம் வசூலிப்பதாக அந்த மனுவில் குற்றம் சாட்டப்பட்டுள்ளது.இந்த மனு தொடர்பாக மத்திய அரசும், சுங்கச் சாவடியில் பணம் வசூல் செய்து வரும் கே.என்.ஆர். நிறுவனமும் பதில் தர உத்தரவிட்டு விசாரணை 4 வாரங்களுக்கு ஒத்திவைக்கப்பட்டது. ..
                 

கொரோனா வைரஸ் தாக்கம் எதிரொலி தூத்துக்குடி துறைமுகம் வந்த ஹாங்காங் கப்பல் நிறுத்தி வைப்பு

தூத்துக்குடி: தூத்துக்குடி துறைமுகத்திற்கு வந்த ஹாங்காங் ஆயில் டேங்கர் கப்பல் எம்டி ஹன்னா கடலில் நிறுத்தி வைக்கப்பட்டுள்ளது. கப்பலில் சுகாதார துறையினர் தீவிர மருத்துவ பரிசோதனை நடத்தினர். தற்போது உலகை அச்சுறுத்தி வரும் கொரோனா வைரஸ் காரணமாக தூத்துக்குடி துறைமுகம் வரும் அனைத்து கப்பல்களின் ஊழியர்களுக்கும் சுகாதார துறையினர் பல்வேறு பரிசோதனைகள் செய்த பின்னரே கப்பல்கள் சரக்கு தளத்திற்கு வர அனுமதிக்கப்படுகின்றன.இந்நிலையில் தூத்துக்குடி துறைமுகத்திற்கு ஹாங்காங்கில் பதிவு செய்யப்பட்ட எம்டி ஹன்னா என்ற ஆயில் டேங்கர் கப்பல் வந்துள்ளது. இந்தோனேசிய தீவான பாடம் துறைமுகத்தில் இருந்து வந்த இந்த கப்பலில் மாலுமிகள் உள்பட 21 பேர் இருந்துள்ளனர்.இந்த கப்பல் நேற்று துறைமுகத்தின் 2வது தளத்திற்கு வருவதற்காக கடந்த 26ம்தேதி இரவு முதலே வெளித் துறைமுகத்தில் காத்திருந்தது. இதையடுத்து நேற்று துறைமுக மருத்துவகுழு  மாலை வரை கப்பலில் ஆய்வு மேற்கொண்டனர்.மருத்துவ அதிகாரிகளின் சான்று அளித்த பின்னரே அந்த கப்பல் துறைமுகத்தின் 2வது தளத்திற்கு செல்ல அனுமதிக்கப்படும் என்று தெரிகிறது. அந்த கப்பலில் உள்ளவர்களுக்கு கொரோனா தொ..
                 

திருவாரூரில் விவசாயிகள் ஆர்ப்பாட்டம் ஹைட்ரோ கார்பன் திட்டத்தை முற்றிலும் தடுத்து நிறுத்த வேண்டும்: முதல்வரை வலியுறுத்தி கோஷம்

மன்னார்குடி: திருவாரூரில் ஆர்ப்பாட்டம் நடத்திய விவசாயிகள், ஹைட்ரோ கார்பன் திட்டத்தை முதல்வர் முழுமையாக தடுத்து நிறுத்த வேண்டும் என வலியுறுத்தி கோஷமிட்டனர்.திருவாரூர் மாவட்டம் கோட்டூர் அருகே சோழங்கநல்லூர் கிராமத்தில் கடந்த வருடம் ஜூலை 7ம் தேதி ஓஎன்ஜிசி சார்பில் புதிய எண்ணெய் கிணறு அமைக்கும் பணிகள் துவங்கின. தங்கள் பகுதிக்குள் புதிய கிணறு அமைக்க கூடாது என  அப்பகுதி விவசாயிகள் எதிர்ப்பு தெரிவித்தனர். இருப்பினும் பணிகள் விறுவிறுப்பாக நடந்தன. இதனால் அதிர்ச்சியடைந்த விவசாயிகள் நிலம் பாதிக்கப்படுவதாக கூறி பல கட்ட போராட்டங்களை நடத்தினர். இதற்கு தீர்வு காணும் வகையில், நேற்றுமுன்தினம் மன்னார்குடி ஆர்டிஓ அலுவலகத்தில் விழிப்புணர்வு கூட்டம் ஆர்டிஓ  புண்ணியக்கோட்டி தலைமையில் நடைபெற்றது. அங்கு வந்த தமிழக காவிரி விவசாயிகள் சங்க பொதுச் செயலாளர் பி.ஆர்.பாண்டியன், அரசு கொண்டு வந்துள்ள காவிரி டெல்டா வேளாண் பாதுகாப்பு சட்டம் அமலான பிறகு இக்ககூட்டம் நடை பெறுவதை அனுமதிக்க முடியாது. கூட்டத்தை  ஆர்டிஓ உடனே கைவிட வேண்டும்மென வாக்குவாதம் செய்தார். இதன்பின், கூட்டம் கைவிடப்பட்டதாக அறிவிக்கப்பட்டது...
                 

திருப்புவனத்தில் பொதுமக்கள் எதிர்ப்பால் அரசுப்பணிக்கான கல்வெட்டில் அதிமுக சின்னம் அதிரடி அகற்றம்

திருப்புவனம்: திருப்புவனத்தில் அரசு பணி கல்வெட்டில் அதிமுக சின்னம் பொறிக்கப்பட்டு இருந்தது. பொதுமக்கள் எதிர்ப்பு தெரிவிக்கவே  உடைத்து அகற்றப்பட்டது.சிவகங்கை மாவட்டம், திருப்புவனம் நெல்முடிகரை கூட்டுறவு சங்கத்திற்காக ரூ.19 லட்சம் செலவில் புதிய கிட்டங்கி கட்டப்பட உள்ளது. இதற்கான அடிக்கல் நாட்டு விழா நேற்று நடந்தது. கூட்டுறவுத்துறை அமைச்சர் செல்லூர் ராஜூ தலைமை  வகித்தார். கதர்வாரிய தொழில் துறை அமைச்சர் பாஸ்கரன், கலெக்டர் ஜெயகாந்தன், தாசில்தார் மூர்த்தி உள்ளிட்டோர் பங்கேற்றனர்.இதற்காக வைக்கப்பட்ட கல்வெட்டின் மேல் பகுதியில், அதிமுகவின் இரட்டை இலை சின்னம் பொறிக்கப்பட்டிருந்தது. கூட்டுறவுத்துறை சார்பில் நடந்த இந்த விழாவில், கூட்டுறவுத்துறையில் இருந்துதான் பணம் செலவழிக்கப்பட்டது. அதிமுக  கட்சி சார்பாக விழா நடத்தப்படவில்லை. இந்த சூழலில் அரசுப்பணிக்கான கல்வெட்டில் அதிமுகவின் சின்னத்தை பொறித்ததற்கு, அப்பகுதி மக்கள் கடும் எதிர்ப்பு தெரிவித்தனர். இதனால் சலசலப்பு ஏற்பட்டது. இதையடுத்து விழா முடிந்து  அமைச்சர்கள் சென்றவுடன் கல்வெட்டில் இருந்த இரட்டை இலை சின்னத்தை அதிகாரிகள் உடைத்து..
                 

சார்... பா.ஜ. பேரணி நடக்க போகுது... பிரியாணி அண்டாவுக்கு பாதுகாப்பு குடுங்க...: கடை உரிமையாளர்கள் போலீசில் மனு

திருப்பூர்: திருப்பூர் பா.ஜ.பேரணியின் போது பிரியாணி அண்டாக்களுக்கு பாதுகாப்பு கேட்டு  கடை உரிமையாளர்கள் திருப்பூர் தெற்கு போலீஸ் நிலையத்தில் மனு அளித்துள்ளனர்.திருப்பூர் பெரிய கடை வீதியில் உள்ள அனைத்து பிரியாணி கடை உரிமையாளர்கள் சார்பாக நேற்று முன்தினம் இரவு திருப்பூர் தெற்கு போலீஸ் நிலையத்தில் மனு ஒன்றை அளித்தனர். அந்த மனுவில் கூறியிருப்பதாவது: நாங்கள் பல ஆண்டுகளாக திருப்பூர் பெரிய கடை வீதியில் பிரியாணி கடைகள் வைத்து நல்ல முறையில் நடத்தி வருகிறோம். இந்நிலையில் வெள்ளிக்கிழமை (இன்று) பாரதிய ஜனதா கட்சியினர் சிடிசி கார்னரில் இருந்து பெரிய கடை வீதி  வழியாக ஊர்வலம் செல்ல இருக்கிறார்கள். அதனால் பேரணி செல்லும் வழியில் இருக்கும் எங்கள் பிரியாணி கடைகளுக்கும், பிரியாணி அண்டாக்களுக்கும் பாதுகாப்பு தருமாறு பெரிய கடை வீதி பிரியாணி கடை சங்கம் சார்பாக  கேட்டுக்கொள்கிறோம். இவ்வாறு கூறியுள்ளார்கள்...
                 

புழல் சிறைக்கு மாற்றக்கோரி நளினி மனு: வழக்கறிஞர் தகவல்

வேலூர்: ராஜிவ்ெகாலை வழக்கில் முருகன், அவரது மனைவி நளினி, வேலூர் மத்திய சிறையில் அடைக்கப்பட்டுள்ளனர். இந்நிலையில் நளினி, உடல்நலம் பாதிக்கப்பட்டு சென்னையில் உள்ள பெற்றோரை பார்க்கும் வகையில்  தன்னையும் கணவர் முருகனையும் சென்னை புழல் சிறைக்கு மாற்றக்கோரி சிறைத்துறை ஏடிஜிபிக்கு, சிறை நிர்வாகம் மூலம் மனு  அளித்துள்ளார். இந்த தகவலை அவரை  நேற்று சந்தித்து பேசிய பின் அவரது வழக்கறிஞர் புகழேந்தி தெரிவித்தார்...
                 

குமரி மாவட்டத்தை சேர்ந்தவர்கள் உட்பட இந்திய மீனவர்கள் 800 பேர் ஈரானில் பரிதவிப்பு : கொரோனாவால் விமான சேவை நிறுத்தம் உதவி கோரி வீடியோ, ஆடியோ வெளியீடு

நாகர்கோவில்: ஈரானில் விமான சேவை நிறுத்தப்பட்டதால், குமரி மாவட்ட மீனவர்கள் உள்ளிட்ட 800 இந்தியர்கள் சொந்த ஊருக்கு திரும்ப முடியாமல் தவித்துவருவதாக வீடியோ, ஆடியோக்களை வெளியிட்டு உதவி கோரியுள்ளனர். கொரோனா வைரஸ், சீனாவில் இருந்து உலகின் பல நாடுகளுக்கும் பரவியிருக்கிறது. ஈரானில் கொரோனா நோய் பாதிப்பு அதிகரித்துள்ளது. இதனால் ஈரானில் விமான சேவைகள் நிறுத்தப்பட்டுள்ளன. இதனை தொடர்ந்து அங்கு தொழில், வேலை விஷயமாக சென்றுள்ள மீனவர்கள் உள்ளிட்டோர் பீதியடைந்துள்ளனர். இந்தநிலையில் குமரி மாவட்டம் கடியப்பட்டணத்தை சேர்ந்த ஜாண் என்பவருக்கு ஈரானில் இருந்து மீனவர்கள் வீடியோ, ஆடியோக்களை அனுப்பி தங்களை சொந்த ஊருக்கு மீட்டுவர நடவடிக்கை எடுக்க வேண்டும் என்று தெரிவித்துள்ளனர். இதுதொடர்பாக ஈரானில் உள்ள மீனவர்கள் கூறியிருப்பதாவது: நாங்கள் ஈரானில் சீரா என்ற இடத்தில் தங்கியுள்ளோம். கொரோனா பாதிப்பால்  மற்ற நாடுகளுக்கு செல்லக்கூடிய விமானங்கள், கப்பல் போக்குவரத்து தடை செய்யப்பட்டுள்ளது. இதனால் நாங்கள் இந்தியாவுக்கு வர முடியவில்லை. நாங்கள் எங்கள் முதலாளியிடம் ஊர் திரும்ப வேண்டும் என்று கேட்டபோது அவர்கள் அனுமதி வழங்கி..
                 

வில்லுக்குறியில் சுகாதார சீர்கேடு: தொற்றுநோய் பீதியில் பொதுமக்கள் அவதி

திங்கள்சந்தை: குமரி மாவட்டத்தில் சமீபகாலமாக மர்ம காய்ச்சல் மற்றும் கண் நோய் அதிவேகமாக பரவி வருகிறது. இதை தடுக்க சுகாதாரத்துறையும், மாவட்ட நிர்வாகமும் பல்வேறு நடவடிக்கைகளை மேற்கொண்டு வருகின்றன. இந்நிலையில் வில்லுக்குறி பேரூராட்சிக்கு உள்பட்ட பல்வேறு பகுதிகளில் சாலையோரங்களிலும், வர்த்தக நிறுவனங்களின் முன்பும் குப்பைகள் குவித்து வைக்கப்படுகின்றன. இதனால் கடும் சுகாதார சீர்கேடுகள் ஏற்பட்டு வருகிறது. குறிப்பாக வில்லுக்குறி-மாந்தோப்பு சாலை, மாடத்தட்டுவிளை - அந்திக்கடை சாலை  மற்றும் சிஎஸ்ஐ சர்ச் அருகில் உள்ளிட்ட பல்வேறு இடங்களில் குப்பைகள் குவிந்து கிடக்கிறது. குறிப்பாக மாந்தோப்பு சாலையில் மூட்டை மூட்டையாக கோழி கழிவுகள் மற்றும் கழிவு பொருட்களை சிலர் தொடர்ந்து கொட்டி வருகின்றனர். இதனால் அப்பகுதியில் துர்நாற்றமும், சுகாதாரக்கேடும் ஏற்படுகிறது. அந்த பகுதியில் கொசுக்கள் உற்பத்தியாகி கொடிய நோய் பரவும் அபாயம் உள்ளது. எனவே பொதுமக்கள் நலன் கருதி பேரூராட்சி நிர்வாகம் வில்லுக்குறி சுற்றுவட்டார பகுதிகளில் சுகாதார பணியை முடுக்கி விட வேண்டும் என பொதுமக்கள் கோரிக்கை விடுத்துள்ளனர்...
                 

காதல் விவகாரத்தில் முக்கூடல் கல்லூரி மாணவி மர்மச்சாவு: அடுத்தடுத்த புகார்களால் பரபரப்பு

நெல்லை: காதல் விவகாரத்தில் முக்கூடலில் மர்மமான முறையில் இறந்த கல்லூரி மாணவி குறித்து போலீசார் பல்வேறு கோணங்களில் விசாரணை நடத்தி வருகின்றனர். நெல்லை மாவட்டம் முக்கூடலை சேர்ந்தவர் செல்வகுமார் (55). அப்பகுதியில் ஸ்டேஷனரி கடை நடத்தி வருகிறார். இவரது முதல் மனைவி கடந்த 25 ஆண்டுகளுக்கு முன்பு இறந்து விட்டார். இதனால் அவர் அதே பகுதியை சேர்ந்த சீதா என்பவரை இரண்டாவதாக திருமணம் செய்து கொண்டார். இவர்களுக்கு மகள்கள் செரீனாமதி (18), செலீனாமதி (16) ஆகியோர் உள்ளனர். இதனிடையே கடந்த 10 ஆண்டுகளுக்கு முன்பு செல்வகுமாருக்கும், சீதாவிற்கும் இடையே குடும்ப தகராறு காரணமாக கணவரை பிரிந்து அதே ஊரில் வாழ்ந்து வந்தார். இதனால் இரு பெண் குழந்தைகளும் தந்தையுடன் வசித்து வந்தனர். மேலும் கணவன், மனைவி இருவரும் விவகாரத்து கேட்டு நெல்லை நீதிமன்றத்தில் வழக்கு தொடுத்தனர். கடந்த 7 ஆண்டுகளுக்கு முன்பு சீதாவும் உடல் நலமில்லாமல் இறந்தார். செரீனாமதி, அம்பை அருகே மதபோதனை கற்பித்து வரும் கல்லூரியில் இரண்டாம் ஆண்டு படித்து வந்தார். இவரது தங்கை செலீனாமதி அங்குள்ள பள்ளியில் 11ம் வகுப்பு படித்து வருகிறார்.இந்நிலையில் செரீனாமதி கல்லூரிக்க..
                 

தமிழகம் முழுவதும் 1400 கேன் குடிநீர் நிறுவனங்கள் உற்பத்தியை நிறுத்தி போராட்டம்

சென்னை: தமிழகம் முழுவதும் 1400 கேன் குடிநீர் நிறுவனங்கள் உற்பத்தியை நிறுத்தி போராட்டம் நடத்துகின்றன. நாள்தோறும் தமிழகம் முழுவதும் 20 லட்சம் வாட்டர் கேன் விநியோகம் பாதிக்கும் அபாயம் ஏற்பட்டுள்ளது. சென்னை , காஞ்சிபுரம், திருவள்ளூர் மாவட்டத்தில் 5 லட்சம் வாட்டர் கேன் விநியோகம் பாதிக்கும் அபாயம் ஏற்பட்டுள்ளது...
                 

மேலாளர் பழனியப்பன் தற்கொலை: காஞ்சிபுரத்தில் சரவணபவன் ஓட்டல் ஊழியர்கள் ஆர்ப்பாட்டம்

                 

தஞ்சையில் இருந்து வெளிமாவட்டங்களுக்கு அடிமாட்டு விலைக்கு வாங்கி செல்லும் வைக்கோல்: கட்டு ரூ.20க்கு விற்பனை

கும்பகோணம்: தஞ்சை மாவட்டத்தில் இருந்து வெளிமாவட்டங்களுக்கு அடிமாட்டு விலைக்கு வைக்கோல் கட்டுகளை வாங்கி செல்கின்றனர். ஒரு கட்டு வைக்கோல் ரூ.20க்கு விற்பனை செய்யப்படுகிறது. தஞ்சை மாவட்டத்தில் 4 லட்சம் ஏக்கரில் சம்பா சாகுபடி நடந்தது. இதில் 50 சதவீதம் சம்பா அறுவடை முடிந்த நிலையில் தற்போது கோடைமற்றும் தாளடி சாகுபடி பணி துவங்கப்பட்டுள்ளது. இந்நிலையில் கடந்தாண்டுகளில் தர்மபுரி, கிருஷ்ணகிரி, சேலம், நாமக்கல், கோவை, திருப்பூர் உள்ளிட்ட பகுதிகளில் கால்நடைகளுக்கு தேவைப்படும் வைக்கோல் தட்டுப்பாடு ஏற்பட்டதால் ஒரு கட்டு ரூ.300 வரை விற்பனை செய்யப்பட்டது.ஆனால் தற்போது காவிரி டெல்டா மாவட்டங்களான தஞ்சை, திருவாரூர், நாகை மாவட்டங்களில் சம்பா அறுவடை பணி ஒரே நேரத்தில் துவங்கியதால் வைக்கோல் கட்டுகள் வரத்து அதிகமானதால் ஒரு கட்டின் விலை ரூ.20க்கு விற்பனை செய்யப்படுகிறது. கடந்தாண்டு தமிழகம் முழுவதும் வைக்கோல் தட்டுப்பாடு ஏற்பட்டதால் அறுவடை இயந்திரத்தை கொண்டு வந்து வயலில் அறுவடை செய்து நெல்களை கொடுத்து விட்டு வைக்கோல்களை எடுத்து சென்றனர். இந்தாண்டு வாய்க்கால், ஆறுகளில் தண்ணீர் வரத்து அதிகமானதால் தஞ்சை மாவட்டத்தி..
                 

கொள்முதல் நிலையங்களில் விவசாயிகள் அலைக்கழிப்பு: இடைத்தரகர்களுக்கு முன்னுரிமை

உடுமலை:  கொள்முதல் நிலையங்களில் அதிகாரிகள் நெல் கொள்முதல் செய்யாமல் விவசாயிகளை அலைக்கழிப்பதாக குற்றச்சாட்டு எழுந்துள்ளது. உடுமலை, மடத்துக்குளம் பகுதியில் தற்போது நெல் அறுவடை நடந்து வருகிறது. இதையொட்டி, மடத்துக்குளம், குமரலிங்கம், கணியூர் உள்ளிட்ட இடங்களில் அரசு நெல் கொள்முதல் மையங்கள் திறக்கப்பட்டுள்ளன. இங்கு நெல்லுக்கு கிலோவுக்கு ரூ.19.15 வழங்கப்படுகிறது. ஆனால் விவசாயிகள் நெல்லை கொண்டு சென்றால் அதிகாரிகள் உடனடியாக வாங்குவதில்லை. ஈரப்பதமாக இருப்பதாக கூறி, உலர வைக்க வேண்டும் என காலதாமதம் செய்கின்றனர். பணமும் உடனடியாக தருவதில்லை. இதனால் விவசாயிகள் மீண்டும் மீண்டும் செல்ல வேண்டி உள்ளது.தொலைவில் இருந்து வாகனங்களை வாடகைக்கு எடுத்து நெல் கொண்டு வரும் விவசாயிகளுக்கு இதனால் அலைக்கழிப்பும், கூடுதல் செலவும் ஏற்படுகிறது. இது குறித்து விவசாயிகள் கூறியதாவது: ஏதாவது ஒரு காரணம் கூறி நெல்கொள்முதல் செய்வதை அதிகாரிகள் தட்டிக்கழிக்கின்றனர். ஆனால் இடைத்தரகர்கள் கொண்டு வந்தால் உடனடியாக கொள்முதல் செய்து, அப்போதே பணமும் பட்டுவாடா செய்கின்றனர். மாவட்ட கலெக்டர் இதில் தலையிட்டு நடவடிக்கை எடுக்க வேண்டு..
                 

ஒட்டன்சத்திரத்தில் மக்களை அச்சுறுத்திய பன்றிகள் பிடிப்பு: நகராட்சி நடவடிக்கை

ஒட்டன்சத்திரம்: ஒட்டன்சத்திரத்தில் பொதுமக்களை அச்சுறுத்திய பன்றிகள் பிடித்து அப்புறப்படுத்தப்பட்டன. ஒட்டன்சத்திரம் நகராட்சியில் 1 முதல் 18 வார்டுகள் உள்ளன. இப்பகுதியில் பன்றிகள் தொல்லை அதிகரித்து குடியிருப்புகளில் புகுந்து பொதுமக்களை அச்சுறுத்தி வந்தது. இதுகுறித்து பொதுமக்கள் ஒட்டன்சத்திரம் நகராட்சியில் புகார் அளித்தனர். அதன்பேரில் ஆணையாளர் தேவிகா ஆலோசனையின்பேரில், நேற்று சுகாதார ஆய்வாளர் வீரபாகு தலைமையிலான ஊழியர்கள் பன்றிகளை பிடிக்கும் பணியில் ஈடுபட்டனர். ஒட்டன்சத்திரம் நகர் 3வது வார்டு நாகணம்பட்டி மற்றும் அருகிலுள்ள பகுதிகளில் சுற்றித்திரிந்த 23 பன்றிகளை பிடித்து அப்புறப்படுத்தினர். இப்பணியின் போது சுகாதார மேற்பார்வையாளர்கள் காமராஜ், வீரப்பன் ஆகியோர் உடனிருந்தனர்...
                 

சாணார்பட்டி அருகே பழமை மரங்கள் வெட்டி கடத்தல்: பொதுமக்கள் புகார்

கோபால்பட்டி: சாணார்பட்டி அருகே தவசிமடையில் அனுமதியின்றி பழமையான மரங்களை வெட்டி வருவதாக பொதுமக்கள் புகார் தெரிவிக்கின்றனர். சாணார்பட்டி அருகேயுள்ளது தவசிமடை கிராமம். இங்கு 1000க்கும் மேற்பட்டோர் வசித்து வருகின்றனர். சிறுமலை அடிவாரத்தில் உள்ள இவ்வூர் பசுமையான பகுதியாகும். இங்கு மா, தென்னை, புளி, வேம்பு, அலம், அரச மரங்கள் அதிகளவில் உள்ளன. பருவமழை காலங்களில் சிறுமலையில் உற்பத்தியாகும் ஆறுகள் தவசிமடை மட்டுமின்றி சுற்றுவட்டார பகுதிகளுக்கு குடிநீர் ஆதாரமாகவும், விவசாயத்தை செழிப்படையவும் செய்கின்றன.இந்நிலையில் அரசு அனுமதி பெறாமல் இப்பகுதியில் மரங்களை வெட்டி கடத்தி வருவதாக புகார் எழுந்துள்ளது. குறிப்பாக சிறுமலை ஓடை, சடையன்குளம் பகுதிகளில் உள்ள சுமார் 50 ஆண்டுகள் பழமைவாய்ந்த புளிய மரங்களை சிலர் பகல், இரவு பாராமல் வெட்டி கடத்தி வருகின்றனர். இவ்வாறு மரங்கள் வெட்டப்படுவதால் மழைவளம் குறைந்து இப்பகுதியில் குடிநீர் பஞ்சம் ஏற்படும் அபாயம் உள்ளது. மரங்களை நடுவதற்காக பல்வேறு நடவடிக்கை எடுத்து வரும் மாவட்ட நிர்வாகம் பழமை வாய்ந்த மரங்களை வெட்டுபவர்கள் மீது உரிய நடவடிக்கை எடுக்க வேண்டும் என இப்பகுதி மக்கள் ..
                 

காரியாபட்டி அருகே வாறுகால் அடைப்பால் சாலையில் தேங்கிய கழிவுநீர்: குடிநீர் குழாயிலும் கழிவுநீர் கலப்பு

காரியாபட்டி: காரியாபட்டி அருகே உள்ள கிராமத்தில் கழிவுநீர் கால்வாய் தூர்வாரும் பணி மற்றும் மாற்றுப்பாதை அமைக்க பொதுமக்கள் கோரிக்கை விடுத்துள்ளனர். காரியாபட்டி அருகே வலுக்குலொட்டி கிராமத்தின் மேற்கு பகுதியில் கிராமத்தின் மொத்த கழிவுநீரும் பெரிய கால்வாய் வழியாக வந்து வெளியே செல்ல வழியில்லாமல் குளம்போல் தேங்கியுள்ளது. அதே இடத்தில் அனைத்து வீதியில் உள்ள கழிவுநீரும் வந்து ஒன்று சேரும் இடமாக உள்ளது. இப்பகுதிக்கு துப்புரவு பணியாளர்கள் மாதம் ஒரு முறை மட்டுமே வந்து தூர்வாருகின்றனர். கழிவுநீர் கால்வாயின் கடைசி பகுதியில் தனியாருக்கு சொந்தமான நிலங்கள் இருப்பதால், அவர்களது நிலங்களுக்கு கழிவுநீர் வராத அளவுக்கு வாய்க்கால்களை அடைத்துவிட்டனர். இதனால் தெருவில் கழிவுநீர் குளம்போல் தேங்கி நிற்கிறது. இதனால் அந்த இடத்தில் உள்ள குடிநீர் குழாய்கள் மூழ்கிவிட்டன. இந்த குழாய்களில் கழிவுநீரும் கலந்துவிடுவதால் கழிவுநீர் கலந்த தண்ணீரை தான் கிராம மக்கள் பிடித்துச் செல்கின்றனர். இந்த நீரை அருந்துபவர்களுக்கு காய்ச்சல், சளி போன்ற தொற்றுகள் ஏற்படுவதாக கிராமத்தினர் புகார் தெரிவித்துள்ளனர். மேலும் சாக்கடை நீர் தேங்கி நிற்ப..
                 

திருமயம், அரிமளம் பகுதியில் கடலை சாகுபடியில் விவசாயிகள் மும்முரம்: பாத்திகளில் தண்ணீர் பாச்சி தட்டுகளில் இறைக்கும் பெண்கள்

திருமயம்: திருமயம், அரிமளம் பகுதி விவசாயிகள் கோடை விவசாயத்தில் மும்முரம்,தண்ணீர் பற்றாக்குறையை சமாளிக்க பல்வேறு முயற்சிகளை மேற்கொண்டு வருகின்றனர். புதுக்கோட்டை மாவட்டம் திருமயம், அரிமளம் பகுதிகளில் கடந்த 15 ஆண்டுகளாக தண்ணீர் பற்றாக்குறையால் விவசாய நிலப்பரப்பு குறைந்து கொண்டே வந்தாலும், இன்றளவும் விவசாயத்தை கைவிடாமல் சில விவசாயிகள் பல்வேறு முயற்சிகளை மேற்கொண்டு வருகின்றனர். பெரும்பாலும் திருமயம், அரிமளம் பகுதியில் பருவ காலங்களில் நெல் விவசாயமும், கோடை காலத்தில் ஒருசில விசாயிகள் கோடை நெல், சிலர் எள், உளுந்து, கடலை உள்ளிட்ட பயிர்களை விவசாயம் செய்வது வழக்கம். இந்நிலையில் கடந்த சில ஆண்டுகளாக பருவமழை பொய்த்து போனதால் பருவ விவசாயத்திற்கே தண்ணீர் பற்றாக்குறை உள்ள நிலையில், கோடை விவசாயம் என்பது கேள்வி குறியாகி போனது.மேலும் பல ஆண்டுகளாக விவசாயம் செய்யாமல் விளைநிலங்கள் தரிசாக உள்ளதால் வயல்களில் புதர் செடிகள், கருவேல மரங்கள் மண்டி தண்ணீர் இருந்தாலும், விவசாயம் செய்ய முடியாத நிலைக்கு சென்றுவிட்டது. இதனிடையே கடந்த வருடம் திருமயம், அரிமளம் பகுதியில் பெய்த மழை ஓரளவுக்கு பருவ விவசாயத்திற்கு கை கொடுத்த ..
                 

அயோடின் கலந்த உப்பையே விற்க வேண்டும் என மத்திய அரசு உத்தரவிட்ட வழக்கு: சுகாதாரத்துறை பதிலளிக்க உத்தரவு

தூத்துக்குடி: அயோடின் கலந்த உப்பையே விற்க வேண்டும் என மத்திய அரசு உத்தரவிட்ட வழக்கில் சுகாதாரத்துறை பதிலளிக்க உத்தரவிட்டுள்ளது. தூத்துக்குடியைச் சேர்ந்த ஜெயபாலன் தாக்கல் செய்த மனுவுக்கு உணவு பாதுகாப்புத்துறையும் பதில்தர ஆணையிட்டுள்ளது. தூத்துக்குடியில் பல ஆண்டுகளாக இயற்கை முறையில் உப்பு உற்பத்தி செய்யப்படுவதாக மனு அளித்தார்...
                 

புதுக்கோட்டையில் மாயமான +2 மாணவரை கண்டுபிடித்துத் தரக்கோரிய வழக்கு: சி.பி.சி.ஐ.டி.க்கு மாற்றி மதுரைக் கிளை உத்தரவு

                 

மருத்துவர்களே இல்லாமல் பிணவறை ஊழியர்களே உடற்கூறாய்வு: தருமபுரி அரசு மருத்துவமனையில் அதிர்ச்சி

தருமபுரி: தருமபுரி அரசு மருத்துவக்கல்லூரி மருத்துவமனையில் மருத்துவர்களே இல்லாமல் பிணவறை ஊழியர்கள் உடற்கூறாய்வு செய்யும் காட்சிகள் சமூகவலைத்தளங்களில் வெளியாகி அதிர்ச்சியை ஏற்படுத்தியுள்ளது. இறந்துபோன ஒருவரின் உடலை ஆட்டு இறச்சியை அறுப்பது போல ஊழியர்கள் இரண்டு பேர் பிணவறையில் அங்குலம் அங்குலமாக கிழித்து உடற்கூறாய்வு செய்கின்றனர். மருத்துவர்கள் யாருமே இல்லாமல் ஊழியர்கள் தனியாக உடற்கூறாய்வு செய்யும் இந்த வீடியோ காட்சிகள் சமூகவலைத்தங்களில் வேகமாக பரவி வருகிறது. விபத்து, கொலை உள்ளிட்ட வழக்குகளில் மருத்துவர்களால் வழங்கப்படும் உடற்கூறாய்வு அறிக்கை மிகவும் முக்கிய சான்றாக உள்ளது. இந்த நிலையில், மருத்துவர்கள் யாரும் இல்லாமல் ஊழியர்களை உடற்கூறாய்வு செய்ய அனுமதித்தது யார் என்பது தெரியாத நிலையில், இச்சம்பவம் பல்வேறு தரப்பினரையும் அதிர்ச்சியில் ஆழ்த்தியுள்ளது. பணிச்சுமையால் பாதிக்கப்பட்ட சில மருத்துவமனை ஊழியர்களே இந்த வீடியோவை வெளியிட்டார்களா என்பது விசாரணைக்கு பின்னரே தெரியவரும் என கூறப்படுகிறது...
                 

கடலூர் சுற்றுவட்டாரத்தில் அனுமதி பெறாமல் இயங்கி வந்த 13 குடிநீர் ஆலைகளுக்கு சீல் வைப்பு

                 

மத்திய அரசு முன்னெச்சரிக்கை நடவடிக்கை எடுத்திருந்தால் டெல்லி வன்முறையை தவிர்த்திருக்கலாம்: திருநாவுக்கரசர் பேட்டி

திருச்சி: மத்திய அரசு முன்னெச்சரிக்கை நடவடிக்கை எடுத்திருந்தால் டெல்லி வன்முறையை தவிர்த்திருக்கலாம் என காங்கிரஸ் எம்பி திருநாவுக்கரசர் தெரிவித்துள்ளார். ராணுவம் போலீசாரை வைத்து எந்த போராட்டத்தையும் அரசு ஒடுக்க முடியாது. சிஏஏ-வில் பிரச்சனை உள்ளது என்பதைத்தான் மக்கள் போராட்டம் காட்டுகிறது எனவும் கூறியுள்ளார்...
                 

கும்பகோணம் ராமலிங்கம் கொலை வழக்கு தொடர்பாக என்.ஐ.ஏ அதிகாரிகள் 2 பேரிடம் விசாரணை

                 

மாவட்ட தலைநகரான திருவாரூரில் கட்டண கொள்ளையை தடுக்க ஷேர் ஆட்டோக்கள்: நுகர்வோர் அமைப்பு வலியுறுத்தல்

திருவாரூர்: மாவட்ட தலைநகரான திருவாரூரில் ஆட்டோ கட்டண கொள்ளையினை தடுப்பதற்கும், ஷேர் ஆட்டோக்கள் இயக்கப்படவும் மாவட்ட நிர்வாகம் உரிய நடவடிக்கை எடுக்க வேண்டும் என நுகர்வோர் அமைப்பு கோரிக்கை விடுத்துள்ளது. 30 வார்டுகளை கொண்ட திருவாரூர் நகராட்சி பகுதியில் கடந்த 2011ம் ஆண்டு மக்கள் தொகை கணக்கெடுப்பின்படி 55 ஆயிரம் மக்கள் வசித்து வருகின்றனர். அதன் பின்னர் தற்போது 8 ஆண்டு காலத்தில் இந்த மக்கள்தொகை என்பது அதிகரித்துள்ள நிலையில், மாவட்டத் தலைநகராக திருவாரூர் இருந்து வருவதால் இங்குள்ள கலெக்டர் அலுவலகம், எஸ்பி அலுவலகம் என அரசின் அனைத்து துறை அலுவலகங்கள் மற்றும் அரசு மருத்துவக் கல்லூரி மருத்துவமனை மற்றும் மத்திய பல்கலைகழகம் போன்றவை இருந்து வருவதன் காரணமாக நாள் ஒன்றுக்கு சுமார் ஒரு லட்சம் பேர்கள் வரையில் இந்த நகரத்தை பயன்படுத்தி வருகின்றனர்.இந்நிலையில் தற்போதைய சூழலில் மக்கள் தொகை பெருக்கத்திற்கு ஏற்ப நகரங்களும் விரிவாக்கம் பெற்றுக் கொண்டே செல்கிறது. இந்நிலையில் திருவாரூர் நகரத்தில் மக்களுடைய நீண்ட நாள் கோரிக்கையை ஏற்று புதிய பேருந்து நிலையம் அமைக்கப்பட்டது. ஆனால் திருவாரூர் நகரின் மையப்பகுதியில் இர..
                 

புதுக்கோட்டை நகரில் ஆம்னி பேருந்துகள் நிறுத்த தனி இடம் ஒதுக்க வேண்டும்

புதுக்கோட்டை: புதுக்கோட்டையில் ஆம்னி பேருந்துகளுக்கு தனியே பேருந்து நிலையத்து நிலையம், பயணிகளை இறக்கிவிட வரும் வாகனங்கள் நிறுத்துவத தனியே இடவசதியை ஏற்படுத்தி தரவேண்டும் பயணிகள் மற்றும் பொதுமக்கள் வேண்டுகோள் விடுத்துள்ளனர். புதுக்கோட்டை நகராட்சியில் கடந்த 1981ம் ஆண்டு புதிய பேருந்து நிலையம் கட்டி முடிக்கப்பட்டு பொதுமக்கள் பயன்பாட்டிற்கு வந்தது. இந்நிலையில் பெருகி வரும் சாலை போக்குவரத்தால் தனியார், அரசு பேருந்துகளின் இயக்கம் அதிகரித்தது. இதனால் இந்த பகுதியில் இருந்து ஆம்னி பேருந்துகள் அதிகரித்து விட்டது. இதன் காரணமாக பேருந்து நிலையத்துக்குள் இடநெருக்கடி ஏற்பட்டு உள்ளே நுழையும் பேருந்துகள் மிகவும் தாமதமாக வெளியேறும் நிலை ஏற்பட்டது.இந்நிலையில், பேருந்து நிலையத்தின் தரைப்பகுதிகள், வணிக வளாகங்கள் ஆகியவை சிதிலமடைந்தன. அதில், கான்கிரீட் தரைத்தளம் குண்டும் குழியுமாக மாறியது. இதனால் பொதுமக்களும், பயணிகளும் சிரமப்படும் நிலை ஏற்பட்டது. இதையடுத்து பல காலகட்டங்களில் கோடிக்காணக்கான ரூபாய் செயலவு செய்து புதிய பேருந்து நிலையம் புதிப்பிக்கும் பணிகள் தொடர்ந்து நடைபெற்றது. சில நேரங்கள் மராமத்து பணிகளும் ந..
                 

ராஜபாளையத்தில் உழவர் கடன் அட்டை விவசாயிகள் பெறலாம்

ராஜபாளையம்:  ராஜபாளையம் விவசாயிகள் உழவர் கடன் அட்டை பெற்று பயனடையுமாறு வேளாண் உதவி இயக்குனர் அழைப்பு விடுத்துள்ளார். வேளாண் உதவி இயக்குனர் சுப்பையா வெளியிட்டுள்ள அறிவிப்பு வருமாறு: பிரதமரின் விவசாயிகள் கவுரவ திட்டத்தில் பயன்பெறும் விவசாயிகள் மற்றும்  தகுதியுள்ள அனைத்து  விவசாயிகளும் உழவர் கடன் அட்டை பெற  விண்ணப்பிக்கலாம்.விவசாய கடன் அட்டை மூலம்  ரூ.1.60 லட்சம் வரை கடன் தொகையை எந்தவித பிணையம் இல்லாமல் பெற்றுக்கொள்வதுடன், தங்கள் சாகுபடிக்கு தேவையான இடுபொருட்கள் வாங்க தேவையான தொகையை வங்கியில் உடனடி கடனாக பெற்றுக் கொள்ள முடியும். இதை பெற தேவையான ஆவணங்கள் சிட்டா(10 (1)), ஆதார், புகைப்படம், பேங்க் பாஸ் புக் ஆகியவற்றின் நகல்கள் ஆகும். தற்போது கடன் அட்டை பெறுவதற்கான சிறப்பு முகாம் நடத்தப்பட்டு விண்ணப்பங்கள் பெறப்பட்டு வருகிறது.  விவசாயிகள் அனைவரும் அந்தந்த உதவி வேளாண்மை  அலுவலர்களை சந்தித்து விண்ணப்பங்கள் கேட்டு பெறலாம். இதுவரை பெறாதவர்கள் தங்களது  விண்ணப்பங்களை வேளாண்மை உதவி இயக்குனர் அலுவலகத்தில் இன்று, நாளை இரு தினங்களுக்குள்  காலை 10 மணி முதல் ..
                 

திருவில்லிபுத்தூர் அருகே வீட்டிற்குள் புகுந்த 5 அடி கருநாகம்

திருவில்லிபுத்தூர்:  திருவில்லிபுத்தூர் அருகே வீட்டிற்குள் 5 அடி நீள கருநாகம் புகுந்ததால் பரபரப்பு ஏற்பட்டது. திருவில்லிபுத்தூர் அருகே உள்ளது ராஜீவ் காந்தி நகர். இங்கு இரண்டாவது தெருவில் உள்ள சாராள் என்பவரது வீட்டிற்குள் சுமார் 5 அடி நீளமுள்ள கருநாகம் ஒன்று நுழைந்தது. இதனால் வீட்டில் இருந்தவர்கள் அதிர்ச்சியடைந்தனர். உடனடியாக திருவில்லிபுத்தூர் தீயணைப்பு நிலையத்திற்கு தகவல் கொடுத்தனர். திருவில்லிபுத்தூர் தீயணைப்புத் துறை அதிகாரி ராஜமாணிக்கம் தலைமையில் வீரர்கள் விரைந்து வந்தனர். வீட்டுக்குள் புகுந்த கருநாகத்தை பிடிக்க முற்பட்டனர். அப்போது அங்குமிங்கும் ஓடி வீட்டில் இருந்த மோட்டார் அறைக்குள் சென்று மறைந்துகொண்டது. சுமார் 20 நிமிட போராட்டத்திற்கு பின்னர் கருநாகத்தை பிடித்த தீயணைப்புத் துறையினர் ஊருக்கு ஒதுக்குப்புறம் உள்ள கண்மாய் பகுதியில்  விட்டனர். இந்த சம்பவத்தால் அப்பகுதியில் சிறிதுநேரம் பரபரப்பு நிலவியது...
                 

உத்தமபாளையம் அருகே போதிய பஸ் வசதியின்றி மாணவ, மாணவியர் அவதி

உத்தமபாளையம்: ராயப்பன்பட்டியில் படிக்கும் மாணவ, மாணவியரின் நலன்கருதி, கம்பம் மற்றும் உத்தமபாளையத்திலிருந்து ராயப்பன்பட்டி வழியாக அதிக அரசு பஸ்களை இயக்க வேண்டும் என மாணவர்களும், அவர்களது பெற்றோர்களும் கோரிக்கை விடுத்துள்ளனர். உத்தமபாளையம் அருகே, ராயப்பன்பட்டியில் அரசு உதவி பெறும் பள்ளிகள் உள்ளன. இப்பள்ளிகளில் சுற்றுப்புற கிராமங்களைச் சேர்ந்த மாணவ, மாணவியர் அதிகமாக படிக்கின்றனர். இந்நிலையில், உத்தமபாளையத்திலிருந்து கோகிலாபுரம், ராயப்பன்பட்டி, கே.கே.பட்டி வழியாக கம்பத்திற்கும், கம்பத்திலிருந்து கே.கே.பட்டி, அணைப்பட்டி, ராயப்பன்பட்டி, கோகிலாபுரம் வழியாக உத்தமபாளையத்திற்கும் காலை மற்றும் மாலை நேரங்களில் ஒரு சில அரசு பஸ்கள் இயக்கப்படுகின்றன.இந்நிலையில், ராயப்பன்பட்டி  வழியாக போதிய பஸ் வசதி இல்லாததால், அங்குள்ள அரசு உதவிபெறும் பள்ளிகளில் படிக்கும் வெளியூர் மாணவ, மாணவியர் காலை நேரங்களில் பள்ளிகளுக்கு செல்லவும், மாலையில் பள்ளி விட்டு வீடு திரும்பவும் அவதிப்படுகின்றனர். மேலும், ராயப்பன்பட்டி மார்க்கத்தில் உள்ள கோகிலாபுரம், ஆனைமலையன்பட்டி, காமயகவுண்டன்பட்டி உள்ளிட்ட பகுதியைச் சேர்ந்த மாணவ, ம..
                 

காரிமங்கலம், பாலக்கோட்டில் குடிநீர் பற்றாக்குறையை போக்க வலியுறுத்தல்

தர்மபுரி: காரிமங்கலம், பாலக்கோட்டில் ஏற்பட்டுள்ள கடும் குடிநீர் பற்றாக்குறையை உடனே போக்க நடவடிக்கை எடுக்க வேண்டும் என, தமிழ் மாநில விவசாய தொழிலாளர் சங்கம் வலியுறுத்தியுள்ளது. தர்மபுரி மாவட்ட தமிழ் மாநில விவசாய தொழிலாளர் சங்கத்தின், மாவட்ட நிர்வாகக்குழு கூட்டம் நேற்று தர்மபுரியில் நடந்தது. கூட்டத்திற்கு சங்க மாவட்ட தலைவர் மாதையன் தலைமை வகித்தார். கூட்டத்தில், மகாத்மா காந்தி தேசிய ஊரக வேலை உறுதியளிப்பு சட்டத்தின் கீழ் வேலை செய்த தின பணியாளர்கள், கடந்த 4 மாதங்களாக தின சம்பளம் கிடைக்காமல் அவதிபட்டு வருகின்றனர். எனவே தர்மபுரி மாவட்ட நிர்வாகம் உடனே தின சம்பளம் வட்டியுடன் கிடைக்க நடவடிக்கை உடனே எடுக்க வேண்டும். தர்மபுரி மாவட்டம் முழுவதும் குடிநீர் பற்றாக்குறை ஏற்பட்டு வருகிறது. குறிப்பாக காரிமங்கலம், பாலக்கோடு வட்டத்தில் கடும் பற்றாக்குறையை உடனே போக்க வேண்டும். கடந்த 3 வருடங்களாக, தர்மபுரி மாவட்டத்தில் வறட்சின் காரணமாக தென்னை உள்ளிட்ட பல் வகை மரங்கள் முழுமையாக காய்ந்துவிட்டன. இதற்கு இதுவரை இழப்பீடு வழங்கவில்லை. எனவே காய்ந்த தென்னை மரங்களுக்கு இழப்பீடு உடனே வழங்க வேண்டும் என்பன உள்ளிட்ட தீர்மா..
                 

வேலூர் மாநகராட்சியில் திடக்கழிவு மேலாண்மை மூலம் கிடைக்கக்கூடிய ஒரு கிலோ இயற்கை உரத்தை ஒரு ரூபாய்க்கு கூட வாங்க ஆளில்லை

வேலூர்:  வேலூர் மாநகராட்சியில் உள்ள 60 வார்டுகளில் இருந்து தினமும் 200டன் வரையில் மக்கும் மக்காத குப்பைகள் சேகரிக்கப்படுகிறது. இந்த குப்பைகளை திடக்கழிவு மேலாண்மை திட்டத்தின் மூலமாக மக்கும் குப்பைகளை இயற்கை உரமாகவும், மக்காத பிளாஸ்டிக் குப்பைகளை சிமென்ட் கம்பெனிகளுக்கும், கண்ணாடி பாட்டில்களை தார் சாலைகள் அமைக்கவும் பயன்படுத்தப்பட்டு வருகிறது. மேலும் எலக்டரானிக் கழிவுகள் தனியார் கம்பெனிக்கு விற்பனை செய்யப்படுகிறது. இதில் திடக்கழிவு மேலாண்மை திட்டத்தின் மூலம் ரசாயன கலப்பின்றி காய்கறிகள், உணவுக்கழிவுகள், இலை தழைகள் போன்றவற்றை 90 நாட்கள் வரையில் மக்க வைக்கப்படுகிறது. பின்னர் உரமாக மாற்றப்படுகிறது. இந்த இயற்கை உரத்தை மாநகராட்சிக்கு உட்பட்ட விவசாயிகள் ஒரு கிலோவுக்கு ஒரு ரூபாய் கொடுத்து பெற்றுக்கொள்ளலாம் என்று மாநகராட்சி சார்பில் அறிவிக்கப்பட்டது. தொடர்ந்து கலெக்டர் அலுவலகங்களிலும் ஆரம்பத்தில் விளம்பர பேனர் வைத்து இயற்கை உரம் விற்பனை செய்யப்பட்டது. பின்னர் விவசாயிகள், ஆர்வத்துடன் வாங்கிச்சென்றனர். இந்நிலையில் சமீபகாலமாக, மாநகராட்சியில் திடக்கழிவு மேலாண்மை மையங்களில் இயற்கை உரம் தயாரிக்கப்..
                 

காரைக்குடியில் 10 நாளில் பல்லை காட்டும் தார்ச்சாலை

காரைக்குடி: காரைக்குடியில் பாதாள சாக்கடை திட்டம் முடிந்த பகுதிகளில் சாலை அமைக்கும் பணிகள் நடந்து வருகிறது. இவை தரமாக போடாததால் சாலை போட்ட சில நாட்களிலேயே பிளவுபட்டும், பள்ளம் விழுந்தும் வருவதாக பொதுமக்கள் புகார் தெரிவிக்கின்றனர். காரைக்குடி நகராட்சிக்கு உட்பட்ட 36 வார்டுகளிலும் பாதாள சாக்கடை திட்டம் செயல்படுத்தப்பட்டு வருகிறது. இத்திட்டத்திற்கு அரசு ரூ.112 கோடியே 53 லட்சம் ஒதுக்கி உள்ளது. வீடுகள், வணிக நிறுவனங்களில் இருந்து நபர் ஒருவருக்கு தினமும் 115 லிட்டர் கழிவுநீர் என கணக்கிடப்பட்டு கழிவுநீர் சேகரிப்பு குழாய்கள் அமைக்க திட்டமிடப்பட்டுள்ளது. கழிவுநீர் சேகரிக்க 5559 ஆள்நுழைவு தொட்டிகள் கட்டப்பட உள்ளன. 151.525 கி.மீ நீளத்திற்கு குழாய்கள் பதிக்கப்பட உள்ளன. 31 ஆயிரத்து 725 வீடுகள் மற்றும் வணிக நிறுவனங்கள் இணைக்கப்பட உள்ளன. 100 மீட்டர் நீளத்திற்கு கழிவுநீர் குழாய்கள் அமைக்கப்பட உள்ளன. கழிவுநீர் தேவகோட்டை ரஸ்தா சாலையில் உள்ள நகராட்சி குப்பை கிடங்கிற்கு எதிரே அமைக்கப்பட உள்ள சுத்திகரிப்பு நிலையத்திற்கு கொண்டு செல்ல திடமிடப்பட்டுள்ளது. 16 எம்.எல்.டி கழிவு நீர் சுத்திகரிக்க திட்டமிடப்பட்டுள்..
                 

அதிகாரிகள், அர்ச்சகர்கள் வரவேற்றனர் தெலங்கானா கவர்னர் தமிழிசை திருவக்கரையில் சாமி தரிசனம்

வானூர்: வானூர் தாலுகா திருவக்கரையில் உள்ள சந்திர மவுலீஸ்வரர் வக்கிரகாளியம்மன் கோயிலில் தெலங்கானா ஆளுநர் தமிழிசை சவுந்தரராஜன் நேற்று மதியம் சாமி தரிசனம் செய்தார்.  அவரை விழுப்புரம் பயிற்சி ஆட்சியர் ஸ்ரேயா பீ சிங், கோட்டாட்சியர் ராஜேந்திரன், அறநிலையத்துறை இணை ஆணையர் செந்தில்வேலன், உதவி ஆணையர் தேவி, எஸ்பி ஜெயக்குமார், தாசில்தார் தங்கமணி, வட்டார வளர்ச்சி அலுவலர் நடராஜன் ஆகியோர் வரவேற்றனர். பின்னர் தலைமை அர்ச்சகர் சேகர் தலைமையில் ஆளுநருக்கு பூரண கும்ப மரியாதை வரவேற்பு அளிக்கப்பட்டது. அங்கு சாமிதரிசனம் செய்த அவர் அங்கிருந்து புறப்பட்டு சென்றார். ஏற்கனவே தமிழிசை சவுந்தரராஜன் தமிழக பாஜக தலைவராக இருந்தபோது இந்த கோயிலுக்கு அவ்வப்போது வந்து செல்வது உண்டு.  ஆனால் ஆளுநராக பதவியேற்றபின் முதன்முதலாக நேற்று அவர் இக்கோயிலுக்குவந்து சாமிதரிசனம் செய்தது குறிப்பிடத்தக்கது.விக்கிரவாண்டி: மயிலம் முருகன் கோயிலுக்கு வந்த தெலங்கானா கவர்னர் தமிழிசை சவுந்தரராஜனுக்கு மயிலம் பொம்மபுர ஆதீனம் 20ம் பட்டம் சிவஞான பாலய சுவாமிகள் தலைமையில், மயிலம் திருமட நிர்வாகிகள் விஸ்வநாதன், ராஜீவ்குமார், ராஜேந்திரன் ஆகியோர..
                 

குடியுரிமை சட்டத் திருத்ததிற்கு ஆதரவாக மாவட்ட தலைநகரங்களில் பாஜகவினர் பேரணி

தூத்துக்குடி : குடியுரிமை சட்டத் திருத்ததிற்கு ஆதரவாக மாவட்ட தலைநகரங்களில் பாஜகவினர் பேரணி நடத்தி வருகின்றனர்.தூத்துக்குடி , தேனி, ஈரோடு, தலைநகரங்களில் பாஜகவினர் பேரணி நடத்தி வருகின்றனர். தூத்துக்குடியில் சிஏஏ-க்கு ஆதரவு தெரிவித்து பொன் ராதாகிருஷ்ணன் தலைமையில் பாஜகவினர் பேரணி நடைபெற்று வருகிறது...
                 

டெல்லி கலவரம் தொடர்பாக முறையான நடவடிக்கை எடுக்காத மத்திய அரசைக் கண்டித்து மதுரைக் கிளை வழக்கறிஞர்கள் போராட்டம்

மதுரை : டெல்லி கலவரத்தைக் கண்டித்து உயர்நீதிமன்ற மதுரைக் கிளை நுழைவாயில் முன்பாக வழக்கறிஞர்கள் போராட்டம் நடத்தினர். டெல்லி கலவரம் தொடர்பாக முறையான நடவடிக்கை எடுக்காத மத்திய அரசைக் கண்டித்து அவர் முழக்கம் எழுப்பி வருகின்றனர்.டெல்லி உயர்நீதிமன்ற நீதிபதி முரளிதர் பணியிட மாறுதலைக் கண்டித்தும் ஆர்ப்பாட்டத்தில் ஈடுபட்டனர்.டெல்லி கலவரத்திற்கு காரணமானவர்கள் மீது கடுமையான நடவடிக்கை எடுக்க மத்திய அரசுக்கு வழக்கறிஞர்கள் வலியுறுத்தி வருகின்றனர்.   ..
                 

கால்நடை மருந்தகங்களுக்கு புதிய கட்டிடங்கள் கட்ட ரூ.43 கோடி நிதி ஒதுக்கி அரசாணை வெளியீடு

சென்னை : கால்நடை மருந்தகங்களுக்கு புதிய கட்டிடங்கள் கட்ட ரூ.43 கோடி நிதி ஒதுக்கி அரசாணை வெளியிடப்பட்டது.102 கால்நடை மருந்தகங்களுக்கு நவீன வசதிகளுடன் கூடிய கட்டிடங்களை கட்ட நிதி ஒதுக்கப்பட்டுள்ளது.நாமக்கல், திருவாரூரில் கால்நடை நோய் ஆய்வு பிரிவுக்கு புதிய கட்டிடங்கள் கட்ட ரூ.2 கோடி நிதி ஒதுக்கீடு செய்யப்பட்டுள்ளது...
                 

ராசிபுரம் அருகே வெள்ளக்கல்பட்டியில் உள்ள கோழிப்பண்ணையில் வருமானவரி சோதனை

                 

சேலம் அருகே நூற்பாலை நிர்வாகம் டார்ச்சர் வேலைக்கு சென்ற தொழிலாளி கிணற்றில் குதித்து தற்கொலை

ஜலகண்டாபுரம்: சேலம் அருகே நூற்பாலை நிர்வாகத்தினரின் டார்ச்சரால், கிணற்றில் குதித்து தொழிலாளி தற்கொலை செய்து கொண்டார். இதையடுத்து, அவரது உறவினர்கள் ஆலையை முற்றுகையிட்டதால் பரபரப்பு நிலவியது. இதனால் அங்கு போலீசார் குவிக்கப்பட்டனர். சேலம் மாவட்டம், ஜலகண்டாபுரம் ஏரிக்கரை பகுதியைச் சேர்ந்தவர் வெங்கடேஷ்(45). இவருக்கு தேவகி(40) என்ற மனைவியும், ஒரு மகனும் உள்ளனர். இவர் ஜலகண்டாபுரம் அடுத்த காப்பரத்தான்பட்டி பகுதியில் செயல்பட்டு வரும் தனியார் நூற்பாலையில், கடந்த 25 வருடமாக வேலை பார்த்து வந்தார். இந்நிலையில், கடந்த 10 ஆண்டுக்கு முன்பு, ஆலை நிர்வாகத்திற்கு எதிராக செயல்பட்டதாக கூறி, சஸ்பெண்ட் செய்யப்பட்டார். இதனை எதிர்த்து, வெங்கடேஷ் நீதிமன்றத்தில் வழக்கு தொடுத்தார். இதில், அவருக்கு சாதகமாக தீர்ப்பு வந்தது. இதையடுத்து, மீண்டும் பணியில் சேர்ந்து, கடந்த 9 மாதமாக வேலை பார்த்து வந்தார். ஆனால், நிர்வாகத்திற்கு எதிராக செயல்பட்டதாலும், நீதிமன்றத்தில் வழக்கு தொடுத்ததாலும், ஆலை நிர்வாகத்தினர் அவரை பல விதமாக டார்ச்சர் செய்து வந்தாக தெரிகிறது. இதனால், வெங்கடேஷ் மன உளைச்சலுக்குள்ளானதாக கூறப்படுகிறது. இதுகுறித்..
                 

திருச்செந்தூர் சுப்பிரமணியசுவாமி கோயிலில் மாசி திருவிழா இன்று கொடியேற்றத்துடன் துவக்கம்

திருச்செந்தூர்: திருச்செந்தூர் சுப்பிரமணியசுவாமி கோயிலில் மாசித் திருவிழா இன்று கொடியேற்றத்துடன் தொடங்குகிறது. இதையொட்டி நேற்று மாலையில் கொடிப்பட்டம் வீதிஉலா நடந்தது. அறுபடை வீடுகளில் 2வது படைவீடான திருச்செந்தூர் சுப்பிரமணியசுவாமி கோயிலில் மாசித் திருவிழா இன்று அதிகாலை 5.30 மணிக்கு கொடியேற்றத்துடன் தொடங்குகிறது. திருவிழா தொடர்ந்து 10ம் தேதி வரை நடக்கிறது. 10ம் திருவிழாவான மார்ச் 8ம் தேதி தேரோட்டம் நடக்கிறது.கொடியேற்றத்தை முன்னிட்டு நேற்று மாலை 4.30 மணிக்கு கொடிப்பட்ட வீதிஉலா நடந்தது. 12ம் திருவிழா மண்டகப்படி மண்டபத்தில் வைத்து பூஜை செய்யப்பட்ட கொடிப்பட்டத்தை 4ம்படி செப்பு ஸ்தலத்தார் சின்னசுப்பிரமணிய அய்யர் யானை மீது கையில் ஏந்தியவாறு முக்கிய வீதிகள் வழியே வீதிஉலா வந்து கோயில் சேர்ந்தது. இதில் கோயில் கண்காணிப்பாளர்கள் ஆனந்தன், மாரிமுத்து, மேலாளர் விஜயன், அலுவலர் சித்தையா, மணியம் ரமேஷ், சாவடி சங்கரன், செல்லப்பா மற்றும் 14 ஊர் செங்குந்த முதலியார் உறவின் முறை நிர்வாகிகள் உள்ளிட்ட திரளான பக்தர்கள் கலந்து கொண்டனர்...
                 

மோசடி நிறுவனத்திடம் பணம் பெற்று தரக்கோரி சேலம் பொருளாதார குற்றப்பிரிவு ஆபீசில் 300 பேர் திடீர் முற்றுகை

* குற்றவாளிக்கு ஆதரவாக செயல்படுவதாக புகார் * 2 பெண்கள் மயக்கம்; ஒருவர் தீக்குளிக்க முயற்சிசேலம்: வின்ஸ்டார் நிறுவனத்தில் முதலீடு செய்த பணத்தை திரும்ப பெற்று தரக்கோரி, சேலம் பொருளாதார குற்றப்பிரிவு அலுவலகத்தை பாதிக்கப்பட்ட 300 பேர் முற்றுகையிட்டதால் பரபரப்பு ஏற்பட்டது. சேலம் புதிய பஸ் ஸ்டாண்ட் அருகே வின் ஸ்டார் இந்தியா நிறுவனம் கடந்த 5ஆண்டுகளுக்கு முன்பு செயல்பட்டு வந்தது. இந்த நிறுவனத்தின் உரிமையாளரான சிவக்குமார், ரியல் எஸ்டேட், ஜவுளி கடை, வீட்டு உபயோக  பொருட்கள்,நெல்லிச்சாறு உள்ளிட்ட பல்வேறு பொருட்களை விற்பனை செய்து வந்தார். ஒரு லட்சம் ரூபாய் முதலீடு செய்தால் ₹2 லட்சமும், ₹5லட்சம் முதலீடு செய்தால் ₹10 லட்சமும் என இரட்டிப்பாக வழங்கப்படும் என அறிவித்தார். இதனை  நம்பி சேலம், தர்மபுரி, நாமக்கல், ஈரோடு உள்ளிட்ட பகுதிகளை சேர்ந்த ஏராளமான மக்கள் ₹400 கோடிக்கு மேல் முதலீடு செய்தனர். ஆனால், கால அவகாசம் முடிந்தும் வாடிக்கையாளர்களுக்கு பணம் வழங்கவில்லை. இதுகுறித்து சேலம் பொருளாதார குற்றப்பிரிவில் பாதிக்கப்பட்டவர்கள் புகார் அளித்தனர். அதன்பேரில் சிவக்குமாரை போலீசார் கைது செய்தனர். தற்போ..
                 

மீன் வளர்ப்புக்காக நீர்நிலைகளில் இருந்து தண்ணீரை வெளியேற்றினால் சட்ட நடவடிக்கை: கலெக்டர்களுக்கு ஐகோர்ட் கிளை உத்தரவு

மதுரை:  மீன் வளர்ப்புக்காக நீர்நிலைகளில் இருந்து தண்ணீரை வெளியேற்றுவோர் மீது, சட்டரீதியாக நடவடிக்கை எடுக்க கலெக்டர்களுக்கு ஐகோர்ட் கிளை உத்தரவிட்டுள்ளது. மதுரை மாவட்டம், மேலூரைச் சேர்ந்த வக்கீல் அருண்நிதி, ஐகோர்ட் மதுரை கிளையில் தாக்கல் செய்த மனு: மதுரை மாவட்டத்தில் ஏராளமான நீர்நிலைகள் உள்ளன. நீர்நிலைகளும், நீர்வழித் தடங்களும் தற்போது ஆக்கிரமிப்பில் உள்ளன. ஆக்கிரமிப்பாலும், தண்ணீரை தேக்க முடியாததாலும் நிலத்தடி நீர்மட்டம் குறைந்து கொண்டே போகிறது.  வண்டியூர் கண்மாய் போன்ற இடங்களில் ஆக்கிரமிப்பாளர்களுக்கு பட்டா வழங்கப்பட்டுள்ளது. எனவே, மாவட்டத்திலுள்ள நீர்நிலைகள், நீர்வழித்தடங்களிலுள்ள ஆக்கிரமிப்பை அகற்றவும், தூர்வாரி தண்ணீரை தேக்கவும் உரிய நடவடிக்கை எடுக்க  உத்தரவிட வேண்டும்.  இவ்வாறு மனுவில் கூறியிருந்தார். இதேபோல் சமூக ஆர்வலர் கே.கே.ரமேஷ் உள்ளிட்ட சிலர், ஐகோர்ட் கிளையின் எல்லைக்கு உட்பட்ட பல்வேறு பகுதியிலுள்ள நீர்நிலைகள் ஆக்கிரமிப்பு தொடர்பாக பல்வேறு மனுக்கள் தாக்கல் செய்திருந்தனர். இந்த மனுக்கள் ஏற்கனவே விசாரணைக்கு வந்தபோது, நீர்நிலை பாதுகாப்பு தொடர்பாக பல்வேறு உத்..
                 

கடனுக்காக தனியார் வங்கி நோட்டீஸ் ஜப்தி அச்சத்தில் விவசாயி தற்கொலை: மயிலாடும்பாறை அருகே பரபரப்பு

வருசநாடு: மயிலாடும்பாறை அருகே கடனைக் கட்டச்சொல்லி தனியார் வங்கி நோட்டீஸ் அனுப்பியதால், ஜப்தி அச்சத்தில் விவசாயி பூச்சி மருந்து குடித்து தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.தேனி மாவட்டம், மயிலாடும்பாறை அருகே‌ சிறப்பாறை கிராமத்தைச் சேர்ந்தவர் தர்மலிங்கம் (50). விவசாயி. இவர், தனியார் வங்கியில் விவசாயத்திற்காக கடன் வாங்கியதாக கூறப்படுகிறது. இதனிடையே, முறையாக கடனை கட்டாததால்,  வங்கியிலிருந்து பலமுறை பணம் கட்டச்சொல்லி நோட்டீஸ் அனுப்பியுள்ளனர். இதனால், விவசாய நிலத்தை ஜப்தி செய்து விடுவார்களோ என அச்சமடைந்த தர்மலிங்கம், வீட்டில் விவசாயத்திற்காக வைத்திருந்த பூச்சி மருந்தை குடித்து  மயக்கம் அடைந்தார். உடனடியாக அவரது மகன் விவேக் மற்றும் அக்கம்பக்கத்தினர், தேனியில் உள்ள மருத்துவக்கல்லூரி மருத்துவமனையில் சேர்த்தனர். ஆனால், அங்கு சிகிச்சை பலனின்றி நேற்று அவர் இறந்தார். இதுகுறித்து  கடமலைக்குண்டு போலீசார் வழக்குப்பதிந்து விசாரித்து வருகின்றனர்...
                 

மேலூர் தம்பதி மகன் என உரிமை கோரிய வழக்கு தனுஷ் பிறப்பு சான்றிதழை தாக்கல் செய்ய வேண்டும் : சென்னை மாநகராட்சிக்கு உத்தரவு

மதுரை:  நடிகர் தனுஷ் தங்களது மகன் என உரிமை கோரி, மதுரை மாவட்டம், மேலூரைச் சேர்ந்த கதிரேசன் - மீனாட்சி தம்பதியினர், மேலூர் நீதிமன்றத்தில் வழக்கு தொடர்ந்தனர். இந்த வழக்கில் நடிகர் தனுஷ் ஆஜராக வேண்டுமென நீதிமன்றம் உத்தரவிட்டது. இதை எதிர்த்து நடிகர் தனுஷ், ஐகோர்ட் மதுரை கிளையில் மனு செய்தார். இந்த மனுவை விசாரித்த நீதிமன்றம், மேலூர் நீதிமன்றத்திலுள்ள வழக்கை ரத்து செய்தது.இந்த வழக்கில் நடிகர் தனுஷ் தனது கல்வி மற்றும் பிறப்பு சான்றிதழ்களை போலியாக தாக்கல் செய்துள்ளார். எனவே, அவர் மீது குற்றவியல் சட்டப்படி நடவடிக்கை எடுக்க வேண்டுமெனக் கூறி, கதிரேசன் மதுரை ஜேஎம் 6ம் நீதிமன்றத்தில் மனு தாக்கல்  செய்திருந்தார். இந்த மனு மாஜிஸ்திரேட் முத்துராமன் முன் நேற்று மீண்டும் விசாரணைக்கு வந்தது. அப்போது மாஜிஸ்திரேட், மனுதாரர் மற்றும் எதிர் தரப்பில் பல்வேறு ஆவணங்கள் தாக்கல் செய்யப்பட்டுள்ளது. அவற்றின் உண்மைத்தன்மையை சரி பார்க்க வேண்டியுள்ளது. எனவே, நடிகர் தனுஷின் பிறப்புச் சான்றிதழை சென்னை மாநகராட்சி தரப்பில் தாக்கல் செய்ய வேண்டும் என உத்தரவிட்டார். பின்னர் மனு மீதான விசாரணையை ஏப்ரல் முதல் வாரத்திற்..
                 

வியாபாரிகளை மிரட்டி பறிமுதல் கல் உப்பு பயன்பாட்டை தடுக்கும் சட்ட திருத்தத்தை எதிர்த்து வழக்கு : மத்திய அரசு செயலர்களுக்கு நோட்டீஸ்

மதுரை: கல் உப்பு பயன்பாட்டை தடுக்கும் சட்ட திருத்தத்தை ரத்து செய்யக் கோரிய வழக்கில், மத்திய அரசு செயலர்களுக்கு நோட்டீஸ் அனுப்ப ஐகோர்ட் கிளை உத்தரவிட்டுள்ளது. தூத்துக்குடியைச் சேர்ந்த ஜெயபாலன், ஐகோர்ட் மதுரை கிளையில் தாக்கல் செய்த மனு: தூத்துக்குடி மாவட்டத்திலுள்ள ஏராளமான உப்பளங்களில் இயற்கை முறையில் கல் உப்பு உற்பத்தி செய்யப்படுகிறது. இதை நம்பி ஆயிரக்கணக்கான குடும்பங்கள் உள்ளன. இந்நிலையில், உணவு பாதுகாப்பு மற்றும் தர நிர்ணய ஒழுங்கு முறை சட்ட விதிகளில் கடந்த ஜூலை 31ல் திருத்தம் செய்யப்பட்டது. அதில், சாதாரண கல் உப்பை விற்பனை செய்யக்கூடாது. அயோடின் கலந்த உப்பு மட்டுமே விற்க வேண்டும் என கூறப்பட்டுள்ளது. இதைத்தொடர்ந்து, உணவு பாதுகாப்புத்துறை அதிகாரிகள் இயற்கை முறையில் தயாரிக்கப்படும் கல் உப்புகளை பறிமுதல் செய்கின்றனர். உப்பு வியாபாரிகளையும் மிரட்டி வருகின்றனர்.இதனால் பல ஆண்டுகளாக கல் உப்பு உற்பத்தியிலும், விற்பனையிலும்  ஈடுபட்டுள்ளோர் பெரிதும் பாதிக்கப்பட்டுள்ளனர். இயற்கை முறையில் தயாரிக்கப்படும் கல் உப்பால் எந்தவித பாதிப்பும் இல்லை. பாதிப்பு என்பதை அறிவியல்பூர்வமாக நிரூபிக்கவில்லை. எ..
                 

வால்பாறையில் ரேஷன் கடை, டீக்கடைகளை உடைத்து யானைகள் அட்டகாசம்

வால்பாறை: வால்பாறையை அடுத்து உள்ள தாய்முடி மத்திய பிரிவு எஸ்டேட்டில் நேற்று அதிகாலை புகுந்த 3 காட்டு யானைகள் ரேஷன் கடை மற்றும் டீக்கடையை உடைத்து சேதப்படுத்தின. கோவை மாவட்டம் வால்பாறையை அடுத்துஉள்ளது தாய்முடி எஸ்டேட். இங்குள்ள தோட்ட தொழிலாளர்கள் குடியிருப்பு பகுதியின் மையத்தில் ரேஷன் கடை அமைந்துள்ளது. கடந்த சில மாதங்களாக அப்பகுதிக்கு வரும் காட்டு யானைகள் ரேஷன் கடையை உடைத்து அங்குள்ள அரிசி, பருப்பு, சர்க்கரையை தின்றும், மிதித்தும் சேதப்படுத்தி வருகின்றன. கடந்த 4 மாதங்களில் மட்டும் 10க்கும் மேற்பட்ட முறை காட்டு யானைகள் இக்கடையை உடைத்து சேதப்படுத்தியுள்ளன. இந்நிலையில் நேற்று அதிகாலை இந்த ரேஷன் கடைக்கு வந்த யானைகள் கடையின் சுற்று சுவரை இடித்து சேதப்படுத்தி உள்ளே இருந்த பொருட்களை சேதப்படுத்தின. மேலும் அருகே இருந்த டீக்கடையை உடைத்தன. நேற்று காலை இப்பகுதி மக்கள் வந்து பார்த்த பிறகே  யானைகள் வந்து சென்றது தெரியவந்தது. குடியிருப்புகள்   நிறைந்த பகுதியில் உள்ள ரேஷன் கடையை அடிக்கடி யானைகள் சேதப்படுத்தி வருவதால் இப்பகுதி மக்கள்   உடைமைகளுக்கும், உயிருக்கும் பாதுகாப்பு இல்லா..
                 

கீழடி அருகே கொந்தகையில் முதுமக்கள் தாழி கண்டெடுப்பு

திருப்புவனம்: கீழடி அருகே கொந்தகையில் அகழாய்வு பணிக்காக சுத்தம் செய்தபோது முதுமக்கள் தாழி தென்பட்டது. சிவகங்கை மாவட்டம், திருப்புவனம் அருகே கீழடியில் தமிழக தொல்லியல் துறை சார்பில் ஆறாம் கட்ட அகழாய்வு பணி கடந்த 19ம் தேதி தொடங்கியது. கீழடி மட்டுமின்றி அதனை சுற்றியுள்ள கொந்தகை, அகரம், மணலூர் என 4 இடங்களில் அகழாய்வு செய்யப்படுவதாக அறிவிக்கப்பட்டது. இதில் கொந்தகை ஈமக்காட்டில் நேற்று அகழாய்வு பணி தொடங்கியது.தமிழக தொல்லியல் துறை உதவி இயக்குநர் சிவானந்தம் தலைமையில் தொல்லியல் அலுவலர் ஆசைத்தம்பி, காப்பாட்சியர் பாஸ்கரன் ஆகியோருடன் தொல்லியல் மாணவர்கள் ஆய்வுப் பணிகளை துவக்கினர். ஆய்வு நடக்கும் இடத்திற்கு அருகே சீமைக்கருவேல மரங்கள் வளர்ந்து புதராக இருந்தன. அந்த இடத்தை சுத்தம் செய்வதற்காக மரங்களை வெட்டி புதர்களை அகற்றினர். அப்போது நான்கு இடங்களில் முதுமக்கள் தாழிகள் தென்பட்டன. இதனால் தொல்லியல் அதிகாரிகள் ஆச்சரியமடைந்தனர்.இந்த இடத்தில் இன்னும் முழு அளவில் அகழாய்வு துவங்கப்படவில்லை. இங்கு அகழாய்வு செய்யும் போது ஏராளமான அடையாள சின்னங்கள் கிடைக்கலாம் என கூறப்படுகிறது. இதே இடத்தில்தான் 20 ஆண்டுகளுக்கு முன..
                 

காஞ்சிபுரம் மாவட்டத்தில் அனுமதி இல்லாமல் செயல்பட்டுவந்த 4 குடிநீர் ஆலைகளுக்கு சீல்

காஞ்சிபுரம்: காஞ்சிபுரம் மாவட்டம் அனுமதி இல்லாமல் செயல்பட்டுவந்த 4 குடிநீர் ஆலைகளுக்கு சீல் வைக்கப்பட்டுள்ளது. மேலும் காஞ்சிபுரம் மாவட்டம் முழுவதிலும் அனுமதியில்லாமல் செயல்பட்டு வரும் ஆலைகளை மூடவும் உத்தரவு பிறப்பிக்கப்பட்டுள்ளது. அங்கீகரிக்கப்படாத குடிநீர் ஆலைகளை மூட நடவடிக்கை எடுக்க ஐகோர்ட் உத்தரவிட்ட நிலையில் காஞ்சிபுரம் ஆட்சியர் நடவடிக்கை எடுத்துள்ளார்...
                 

இந்திய விண்வெளித்துறை சார்பில் மதுரையில் விழிப்புணர்வு கண்காட்சி: ராக்கெட், செயற்கைகோள் மாதிரிகள் காட்சிக்கு வைப்பு!

மதுரை: இந்திய விண்வெளித்துறை சார்பில் மதுரையில் 3 நாட்கள் நடைபெறும் விழுப்புணர்வு கண்காட்சி தொடங்கியுள்ளது.  இந்தியாவின் வளர்ச்சிக்கு விண்வெளித்துறையானது மிக முக்கிய பங்கு வகிக்கிறது. இந்நிலையில், மதுரை விரகனூரில் உள்ள வேலம்மாள் பொறியியல் கல்லூரியில் இந்திய விண்வெளித்துறை சார்பாக 3 நாட்கள் கண்காட்சியானது தொடர்ந்து நடைபெற்று கொண்டிருக்கிறது. இந்த கண்காட்சியில் இதுவரை இந்தியா கண்டறிந்துள்ள, விண்ணில் ஏவப்பட்ட செயற்கைக் கோள்கள் மற்றும் ராக்கெட்டுகள் குறித்து முழு தகவல்களும், அதனுடைய மாதிரிகளும் வைக்கப்பட்டிருக்கிறது. குறிப்பாக இதுவரை இந்தியா விண்ணில் ஏவியிருக்கக்கூடிய ராக்கெட், செயற்கைகோள் உடைய முக்கியத்துவம் என்ன? என்பது குறித்து விளக்கப்பட்டுள்ளது. மேலும் செயற்கைகோள்களில் பயன்படுத்திய இன்ஜின்கள் மற்றும் அதன் உதிரி பாகங்களை தற்போது மாதிரியாக வைக்கப்பட்டிருக்கிறது. முக்கியமாக சந்திரயான், மங்கள்யான் செயற்கைகோள் மாதிரி வைக்கப்பட்டுள்ளது. பள்ளி மாணவர்கள், கல்லூரி மாணவர்கள், இளைஞர்கள் மற்றும் பொதுமக்களிடம் இந்திய விண்வெளித்துறையின் சாதனைகளை கொண்டு சேர்ப்பதற்காக இந்த கண்காட்சியானது நடத்தப்..
                 

வெங்கட்ரமணன் வீதியில் விதிமீறி செல்லும் வாகனங்களால் போக்குவரத்து நெரிசல்: பொதுமக்கள் வேதனை

பொள்ளாச்சி:  பொள்ளாச்சி  வெங்கட்ரமணன் வீதியில் விதிமீறி செல்லும் வாகனங்களால், போக்குவரத்து  பாதிக்கப்படுவதாக பொதுமக்கள் வேதனை தெரிவித்தனர். பொள்ளாச்சி நகரில்  மார்க்கெட் ரோடு, ராஜாமில் ரோடு, நியூஸ்கீம் ரோடு, உடுமலை ரோடு தேர்நிலை,  பாலக்காடு ரோடு பஸ்நிலைய பகுதி, கோவை ரோடு, வெங்கட்ரமணன் வீதி உள்ளிட்ட  இடங்களில் பகல் மற்றும் இரவு நேரங்களில் வாகன போக்குவரத்து தொடர்ந்துள்ளது. ஆனால், இந்த வழித்தடங்களில் அடிக்கடி விதிமுறை மீறி செல்லும் வாகனங்களால்  போக்குவரத்து நெரிசல் ஏற்படுகிறது. இதில் வாகன போக்குவரத்து மற்றும் மக்கள் நடமாட்டம் மிகுந்த வெங்கட்ரமணன் வீதி ஒரு வழிப்பாதையாக உள்ளது. தெப்பக்குளம் வீதி மற்றும் மார்க்கெட் ரோட்டிலிருந்து வரும் வாகனங்கள், வெங்கட்ரமணன் வீதி வழியாக பாலக்காடு ரோட்டை சென்றடைவதால். அப்பகுதி எப்போதும் பரபரப்புடன் இருக்கும். மேலும், லாரி உள்ளிட்ட கனரக வாகனங்கள்  விதிமுறை மீறி செல்வதை தவிர்க்க, போலீஸ் சார்பில் அறிவிப்பு பலகை வைக்கப்பட்டுள்ளது. ஆனால், வெங்கட்ரமணன் வீதியில் வரும் கனரக வாகங்கள் பெரும்பாலும், உடுமலை ரோட்டிற்கு செல்வதற்காக ..
                 

உசிலம்பட்டி அருகே மாட்டுப் பண்ணையில் ஏற்பட்ட பயங்கர தீ விபத்து : 40 மாடுகள் உடல் கருகி பலியான சோகம்

மதுரை : மதுரை மாவட்டம் உசிலம்பட்டி அருகே மாட்டுப் பண்ணையில் ஏற்பட்ட தீ விபத்தில் 40 மாடுகள் உயிரிழந்தது சோகத்தை ஏற்படுத்தியுள்ளது. நடுபட்டியைச் சேர்ந்த மனோகரன் என்பவருக்கு சொந்தமான பண்ணையில், தீ விபத்து நிகழ்ந்துள்ளது. இவர் 40 மாடுகள், 150 ஆடுகள் மற்றும் கோழிகள் வைத்து பண்ணை நடத்தி வந்தார். பண்ணை அருகில் மாட்டுத்தீவனமான வைக்கோல், சோளத்தட்டை, தவிடு போன்றவற்றை வைத்துள்ளார். இந்நிலையில் இன்று காலை மின்கசிவு காரணமாக பண்ணையில் தீப்பிடித்தது. காற்று வீசியதால் தீ மளமளவென பரவி வைக்கோல், சோளத்தட்டைகள் பற்றி எரிந்தன. ஆடு, மாடுகள் கத்தின. அக்கம்பக்கத்தினர் ஓடி வந்து பண்ணையில் இருந்த ஆடு, மாடு, கோழிகளை திறந்து விட்டன.இதுகுறித்து தீயணைப்பு துறையினருக்கு தகவல் கொடுக்கப்பட்டது. தீயணைப்பு வீரர்கள் விரைந்து வந்து 1 மணிநேரம் போராடி தீயை அணைத்தனர். இந்த விபத்தில் 40 மாடுகள் கருகி பலியாகின. பண்ணை அருகே நிறுத்தியிருந்த காரும் எரிந்து நாசமானது.இந்த தீ விபத்து குறித்து உசிலம்பட்டி கோட்டாட்சியர் சவுந்தர்யா நேரில் சென்று விசாரணை நடத்தினார். இந்த தீ விபத்தில் 40 மாடுகள் உயிரிழந்தது மக்களிடையே சோகத்தை ஏற்படுத்தி..
                 

கொடைக்கானலில் கஜாவால் சேதமான சாலைக்கு இதுவரை நிரந்தர சீரமைப்பு இல்லை

* மழை கொட்டினால் மீண்டும் நிலச்சரிவு அபாயம்* சீசனுக்குள் பணிகளை நடத்தி முடிக்க கோரிக்கைகொடைக்கானல்: கொடைக்கானலில் கஜா புயலினால் சேதமடைந்த சாலை இதுவரை நிரந்தரமாக சீரமைக்கப்படாமல் உள்ளது. இதனால் பலத்த மழை பெய்தால் மீண்டும் நிலச்சரிவு ஏற்பட்டு போக்குவரத்து துண்டிக்கப்படும் அபாயம் உள்ளது. எனவே கோடை சீசனுக்குள் பணிகளை விரைந்து நடத்தி முடிக்க வேண்டும் என கோரிக்கை எழுந்துள்ளது. கொடைக்கானலில் கஜா புயல் 2018ம் ஆண்டு கோர தாண்டவம் ஆடியது. இதில் ஆயிரத்திற்கும் மேற்பட்ட மரங்களும், நூற்றுக்கணக்கான மின்கம்பங்களும் சாய்ந்தன. குறிப்பாக கொடைக்கானல்- வத்தலக்குண்டு சாலையில் பெருமாள் மலையை அடுத்த குருசடி பகுதியில் ஏற்பட்ட நிலச்சரிவு காரணமாக போக்குவரத்து துண்டிக்கப்பட்டது. பின்னர் சீரமைப்புக்கு பின் இலகுரக வாகனங்கள் மட்டும் அனுமதிக்கப்பட்டது. தொடர்ந்து சில நாட்கள் கழித்து தற்காலிகமாக மண் மூடைகள் அடுக்கப்பட்டு போக்குவரத்து சீர்செய்யப்பட்டது.இப்படி தற்காலிகமாக அமைக்கப்பட்ட இச்சாலையின் வழியேதான் தற்போது வரை போக்குவரத்து நடந்து வருகிறது. இந்த பகுதியை கனரக வாகனங்கள் கடக்கும் போதெல்லாம் அதிர்வு ஏற்பட்டு வருகிறது...
                 

விருதுநகர் அரசு மருத்துவமனையில் அனுமதியின்றி மனைவிக்கு ‘குக’ கணவர் பரபரப்பு புகார்

விருதுநகர்: விருதுநகர் அரசு தலைமை மருத்துவமனையில் பிரசவித்த பெண், கணவர், பெற்றோர் அனுமதியின்றி குடும்ப கட்டுப்பாடு அறுவை சிகிச்சை செய்யப்பட்டு விட்டதாக புகார் எழுந்துள்ளது. விருதுநகர் மாவட்டம், திருச்சுழி அருகே உள்ள பனையூரை சேர்ந்த கூலித்தொழிலாளி ஆயிராம். இவருக்கும், அதே ஊரைச் சேர்ந்த வெங்கடேஸ்வரிக்கும் 4 ஆண்டுகளுக்கு முன் திருமணம் நடந்து விஸ்வகாமாட்சி (2 1/2) என்ற பெண் குழந்தை உள்ளார். இரண்டாவது குழந்தை பிரசவத்திற்காக பிப்.23ந்தேதி அதிகாலை விருதுநகர் அரசு தலைமை மருத்துவமனையில் சேர்ந்துள்ளார். அவருக்கு காலை 6.45 மணிக்கு அறுவை சிகிச்சை மூலம் ஆண் குழந்தை பிறந்துள்ளது. பிரசவத்தின் போது மயக்க ஊசி மற்றும் அறுவை சிகிச்சை மூலம் குழந்தையை எடுப்பதற்கு ஆயிராமின் தாயிடம் கைரேகை பெற்றுள்ளனர். குழந்தை பிறந்த நிலையில் நேற்று முன்தினம் செவிலியர் மூலம் தனக்கு குடும்ப கட்டுப்பாடு அறுவை சிகிச்சையும் சேர்த்து செய்யப்பட்ட தகவலை வெங்டேஸ்வரி அறிந்துள்ளார். உடன் மருத்துவர்களிடம் ஆயிராம் மற்றும் வெங்கடேஸ்வரி அனுமதியின்றி எப்படி குடும்ப கட்டுப்பாடு அறுவை சிகிச்சை செய்தீர்கள் என கேட்டபோது உரிய பதிலை அளிக்கவில்ல..
                 

ராஜபாளையம் நகர் பகுதியில் குழாய் உடைந்து சாலையில் வீணாக ஓடிய குடிநீர்: தட்டுப்பாடு ஏற்படும் அபாயம்

ராஜபாளையம்: கடந்த சில மாதங்களுக்கு முன் பெய்த மழையால் நீர்த்தேக்கங்களில் ஓரளவு குடிநீருக்கு தேவையான நீர் தேக்கி வைக்கப்பட்டு நகர் பகுதியில் குடிநீர் வழங்கப்பட்டு வருகிறது. தற்போது வெயில் காலம் தொடங்கிவிட்டதால் கோடை காலத்தில் குடிநீர் பற்றாக்குறை ஏற்படும் நிலை உள்ளது. இந்நிலையில் நகரில் ஆங்காங்கே குடிநீர் குழாய்களில் உடைப்பு ஏற்பட்டு சாலையில் ஓடுகிறது. சேதமடைந்த குடிநீர் குழாய்களில் குடிநீர் செல்லாதவாறு வால்வுகள் அடைக்கும்போது  வெளியேறுதட குடிநீர் அனைத்தும் சாலைகளிலும், கழிவுநீர் ஓடைகளிலும் பலமணிநேரம் ஆறாக ஓடி மீண்டும் சேதமடைந்த குழாய் வழியாக குடியிருப்பு பகுதிகளுக்கு வீட்டு குழாய்களில் போய் சேருகிறது. இதனால் மாவட்ட நிர்வாகம் பலமுறை குடிநீரை ஆய்வு செய்து புகார் கூறியும் எந்த ஒரு பாதுகாப்பும் இல்லாமல் பணிகளை மேற்கொண்டு வருகின்றனர். எனவேபொதுமக்களின் நலன் கருதி குடிநீர் குழாய்களில் உடைப்பு ஏற்பட்டு கழிவுநீர் கலப்பதை தடுக்க மாவட்ட கலெக்டர் உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர். இது குறித்து நகராட்சி அதிகாரிகளிடம் கேட்டபோது, ‘நகரில் ஒரேநேரத்தில் அனைத்து பக..
                 

புதுக்கோட்டை அடுத்த களமாவூரில் ரயில்வே பாலப்பணி முடிவதற்குள் சுங்க கட்டணம் வசூல்: வாகன ஓட்டிகள் புலம்பல்

புதுக்கோட்டை: சுமார் 14 ஆண்டுகளாக களமாவூர் ரயில்வே மேம்பாலக் கட்டுமானப் பணிகள் முடிவடையாமல் இருக்கும் நிலையில், நெடுஞ்சாலைக்கான சுங்கக் கட்டணம் வசூலித்து வருவது நியாயமா என வாகன ஓட்டிகள் கேள்வி எழுப்புகின்றனர். திருச்சி- காரைக்குடி தேசிய நெடுஞ்சாலையில் (என்எச் 120) 19வது கிமீ தொலைவில் உள்ளது லெட்சுமணம்பட்டி சுங்கசாவடி. என்எச் 210ல் சுமார் 44 கிமீ தொலைவில் ரூ.361 கோடி மதிப்பில் சாலை அமைக்கப்பட்டு முழுமையாக பொதுமக்களின் பங்களிப்பின்படி (சுங்க கட்டண வசூல்) சாலை 2014ல் அமைக்கப்பட்டது. அப்போதில் இருந்து லெட்சுமணம்பட்டியில் சுங்கச்சாவடி அமைக்கப்பட்டு வாகன கட்டணம் வசூலிக்கப்பட்டு வருகிறது. நாளொன்றுக்கு சராசரியாக 15 ஆயிரம் வாகனங்கள் இச்சாவடியை கடந்து செல்கின்றன. இப்போதைய நிலவரப்படி கார், வேன், ஜீப் உள்ளிட்ட வாகனங்களுக்கு ஒரு முறை பயணிக்க ரூ.35, இருமுறை பயணிக்க ரூ.55 வசூலிக்கப்படுகிறது. இதுதவிர, பேருந்துகள், டிரக்குகளுக்கு ஒரு முறை பயணிக்க ரூ.125, இரு முறை பயணிக்க ரூ.185ம் வசூலிக்கப்படுகிறது. இந்தக் கட்டணம் வரும் மார்ச் 31ம் தேதியுடன் நிறைவுபெறவுள்ள நிலையில், ஏப்ரல் 1ம் தேதி முதல் புதிய கட்டணம் ..
                 

அந்தியூர் பெரிய ஏரியிலிருந்து பொதுப்பணித்துறை 120 நாட்களுக்கு நீர் திறப்பு

அந்தியூர்: அந்தியூர் பெரிய ஏரியிலிருந்து பொதுப்பணித்துறை தண்ணீர் திறந்து விட்டது. பெரிய ஏரியிலிருந்து 120 நாட்களுக்கு நீர் திறக்கப்படும் என்று பொதுப்பணித்துறை அறிவித்துள்ளது. பெரிய ஏரியிலிருந்து திறக்கப்படும் தண்ணீரால் சுமார் 440 ஏக்கர் விவசாய நிலங்கள் பாசன வசதி பெறும். பெரிய  ஏரியில் தண்ணீர் இல்லாததன் காரணமாக கடந்த 9 ஆண்டுகளாக தண்ணீர் திறக்கப்படவில்லை...
                 

ஈரோடு பரணி டெக்ஸ் நிறுவனத்தில் ஐடி ரெய்டு

                 

சேலத்தில் காவல்நிலையம் முன்பு பெண் தீக்குளிக்க முயற்சி

சேலம்: சேலத்தில் பொருளாதார குற்றப்பிரிவு காவல்நிலையம் முன்பு பெண் தீக்குளிக்க முயற்சி செய்துள்ளதால் பெரும் பரபரப்பு நிலவி வருகிறது. வின் ஸ்டார் நிறுவன உரிமையாளரிடம் இருந்து தங்களது பணத்தை மீட்டுத் தரக்கோரி பாதிக்கப்பட்டவர்கள் காவல் நிலையத்தை புகார் அளித்தனர். வின் ஸ்டார் நிறுவனம் பொதுமக்களிடம் சுமார் 500 கோடி வசூலித்து மோசடி செய்ததாக புகார் தெரிவிக்கப்பட்டது...
                 

நம்பியூர் புதுசூரிபாளையத்தில் உறவினரை கொலை செய்த வழக்கில் குற்றவாளிக்கு ஆயுள் தண்டனை

கோபிசெட்டிப்பாளையம்: கோபிசெட்டிப்பாளையம் அருகே நம்பியூர் புதுசூரிபாளையத்தில் உறவினரை கொலை செய்த வழக்கில் அம்மாசை என்பவருக்கு ஆயுள் தண்டனை வழங்கப்பட்டுள்ளது. பணம் கொடுக்கல் வாங்கல் தகராறில் உறவினர் கிருபாகரனை கடந்த மார்ச் 27-ல் அம்மாசை வெட்டிக் கொன்றதாக வழக்கு தொடரப்பட்டது. வழக்கை விசாரித்த கோபி 3-வது கூடுதல் அமர்வு நீதிமன்றம் அம்மாசைக்கு ஆயுள் தண்டனையும், ரூ.1000 அபராதமும் விதித்து தீர்ப்பு வழங்கினார்...
                 

காங்கயம் பகுதியில் கெட்டுப்போன ஆவின் தீவனம் விற்பனை: மாடுகளுக்கு நோய் ஏற்படும் அபாயம்

காங்கயம்: காங்கயம் பால் உற்பத்தியாளர்கள் கூட்டுறவு சங்கங்கள் மூலம் வழங்கப்படும் ஆவின் கலப்பு தீவனம் கெட்டுப்போன நிலையில் உள்ளதால், மாடுகளுக்கு நோய் ஏற்படும் அபாயம் உள்ளது.  காங்கயம் பகுதியில் சுமார் 100பால் உற்பத்தியாளர்கள், கூட்டுறவு சங்கங்கள் செயல்பட்டு வருகின்றன. இந்த சங்கங்களில் உறுப்பினர்களாக உள்ள கறவை மாடுகள் வளர்ப்போர் தாங்கள் உற்பத்தி செய்யும் பாலை இந்த சங்கங்களுக்கு சப்ளை செய்து வருகின்றனர். மேலும் இந்த சங்கங்கள் ஆவின் கலப்பு தீவனத்தை பால் உற்பத்தியாளர்களுக்கு விற்பனை செய்து வருகின்றனர். ஈரோடு பால் உற்பத்தியாளர்கள் கூட்டுறவு ஒன்றியத்தின் மூலம் இந்த பகுதிகளுக்கு கலப்பு தீவனம் சப்ளை செய்யப்படுகிறது.இந்த நிலையில் காங்கயம் அடுத்துள்ள மரவபாளையம் பால் உற்பத்தியாளர்கள் கூட்டுறவு சங்கத்தில் வழங்கப்பட்டு வரும் கலப்பு தீவன மூட்டைகளில் பல மூட்டைகளில் அடைக்கப்பட்டுள்ள கலப்பு தீவனம் பூஞ்சானம் பிடித்து கெட்டுபோயுள்ளதாக பால் உற்பத்தியாளர்கள் குற்றம்சாட்டுகின்றனர்.  இது குறித்து பால் உற்பத்தியாளர்கள் கூறியதாவது: தற்போது எங்களுக்கு வழங்கப்பட்ட ஆவின் கலப்பு தீவன மூட்டைகளில் பல மூட்டைக..
                 

3 மொழி பேசும் மக்கள், இயற்கை சூழல் நிறைந்த தொழில் நகரம் மாநகராட்சியாக தரம் உயர்த்தப்பட்ட ஓசூர் மேலும் வளம் பெற வாய்ப்பு

ஓசூர்: கிருஷ்ணகிரி மாவட்டத்திலுள்ள ஓசூர், தமிழக- கர்நாடக மாநில எல்லையில் உள்ள ஒரு முக்கிய நகரம். மாவட்ட தலைநகரமான கிருஷ்ணகிரியில் இருந்து 51 கிலோ மீட்டர் தொலைவிலும், கர்நாடக மாநிலம் பெங்களூரு நகரில் இருந்து 40 கிலோ மீட்டர் தொலைவிலும் ஓசூர் அமைந்துள்ளது. தொழிற்சாலைகள் மிகுந்த இந்த நகரம் தொழில் நகரம் என்றும் அழைக்கப்படுகிறது. குளிர்ந்த தட்பவெப்ப நிலை பெரும்பாலான நாட்கள் உள்ள பகுதியாக ஓசூர் உள்ளது. கடல் மட்டத்தில் இருந்து சுமார் 879 மீட்டர் உயரத்தில் அமைந்துள்ள ஓசூர்,  பழங்காலத்தில் செவிடப்பாடி என்று அழைக்கப்பட்டது  11ம் நூற்றாண்டு சோழர் கால கல்வெட்டுகள் மூலம் தெரியவந்துள்ளது.13ம் நூற்றாண்டில் ஒய்சாள மன்னன் வீர நாமநாதன் ஆட்சி கால கல்வெட்டில் சூடவாடி என்று குறிப்பிடப்பட்டுள்ளது.பின்னர் கி.பி.1674ல் மைசூர் மன்னர்கள் காலத்தில் ஹொசாவூரு என்று அழைக்கப்பட்டது. இந்த  ஹொசவூரு என்பது பின்னாளில் மருவி ஓசூர் என்று அழைக்கப்படுவதாக ஆராய்ச்சியாளர்கள் கூறுகின்றனர். பிரிட்டிஷ் ஆட்சி காலத்தில் சேலம் கலெக்டராக இருந்த வால்டன் லலியட் ஓசூரை சேலம் மாவட்ட தலைமையிடமாக அறிவித்தார். 1902ல் ஓசூர் ஊரா..
                 

வேலூர் கஸ்பாவில் ஆபத்தான நிலையில் தண்டவாளம் கடந்து செல்லும் பள்ளி மாணவர்கள்: மேம்பாலத்தில் படிக்கட்டு அமைக்க கோரிக்கை

வேலூர்: வேலூர் கஸ்பாவில் ஆபத்துடன் தண்டவாளத்தை பள்ளி மாணவர்கள் கடக்கின்றனர். எனவே, மேம்பாலத்தின் பக்கவாட்டில் படிக்கட்டு அமைக்க வேண்டும் என்று கோரிக்கை எழுந்துள்ளது. வேலூர் கஸ்பா ரயில்வே மேம்பாலத்தில் ஏராளமான வாகனங்கள் சென்று வருகின்றன. இந்நிலையில், நடந்து செல்பவர்கள் ஆபத்தான நிலையில் தண்டவாளத்தை கடக்கின்றனர். ரயில் செல்லும்போதும், பள்ளி மாணவர்கள், வேலைக்கு செல்பவர்கள் அவசர அவசரமாக ஓடி தண்டவாளத்தை கடந்து செல்கின்றனர். எனவே, அசம்பாவிதங்கள் ஏற்படுவதற்கு ரயில்வே மேம்பாலத்தையொட்டி பக்கவாட்டில் படிக்கட்டு அமைக்க வேண்டும் என்று கோரிக்கை எழுந்துள்ளது.இதுகுறித்து பொதுமக்கள் கூறுகையில், ‘வேலூர் கஸ்பா, சதுப்பேரி, பர்மா காலனி மற்றும் சுற்றுப்பகுதிகளில் உள்ள மக்கள் கஸ்பா ரயில்வே மேம்பாலம் அருகே தண்டவாளத்தை கடந்து செல்கிறோம். பல ஆண்டுகள் கோரிக்கைகளுக்கு பிறகு கடந்த 6 மாதத்துக்கு முன்புதான் கஸ்பா ரயில்வே மேம்பாலம் கட்டப்பட்டது. ஆனால் நடந்து செல்பவர்களுக்கு ரயில்வே மேம்பாலத்தின் பக்கவாட்டில் படிக்கட்டுகள் அமைக்கப்படவில்லை. இதனால், பள்ளி மாணவர்கள் ரயில்கள் செல்லும்போதும் அவசர அவசரமாக தண்டவாளத்தை கடக்க..