தினமலர் FilmiBeat BoldSky GoodReturns DriveSpark தினகரன் சமயம் One India புதிய தலைமுறை Polimer News

கொரோனா வைரஸ் எதிரொலி: 2020 டோக்கியோ ஒலிம்பிக் ரத்தாக வாய்ப்பு

                 

ஜிம்பாப்வே அணியுடன் டெஸ்ட் வங்கதேசம் இன்னிங்ஸ் வெற்றி

தாக்கா: ஜிம்பாப்வே அணியுடன் நடந்த டெஸ்ட் போட்டியில், வங்கதேச அணி இன்னிங்ஸ் மற்றும் 106 ரன் வித்தியாசத்தில் அபாரமாக வென்றது. மிர்பூர் தேசிய ஸ்டேடியத்தில் கடந்த 22ம் தேதி தொடங்கிய இப்போட்டியில், டாசில் வென்று பேட் செய்த ஜிம்பாப்வே அணி முதல் இன்னிங்சில் 265 ரன் குவித்து ஆல் அவுட்டானது. பிரின்ஸ் 64, கேப்டன் கிரெய்க் எர்வின் 107, ரெஜிஸ் சகாப்வா 30 ரன் எடுத்தனர். வங்கதேச பந்துவீச்சில் அபு ஜாயித், நயீம் ஹசன் தலா 4, தைஜுல் இஸ்லாம் 2 விக்கெட் வீழ்த்தினர். அடுத்து களமிறங்கிய வங்கதேசம், முதல் இன்னிங்சில் 6 விக்கெட் இழப்புக்கு 560 ரன் குவித்து டிக்ளேர் செய்தது. தமிம் 41, ஷான்டோ 132, தாஸ் 53, முஷ்பிகுர் ரகிம் 203* ரன் (318 பந்து, 28 பவுண்டரி) விளாசினர். இதைத் தொடர்ந்து, 295 ரன் பின்தங்கிய நிலையில் 2வது இன்னிங்சை தொடங்கிய ஜிம்பாப்வே அணி 3ம் நாள் முடிவில் 2 விக்கெட் இழப்புக்கு 9 ரன் எடுத்திருந்தது.நேற்று நடந்த 4ம் நாள் ஆட்டத்தில் அந்த அணி 189 ரன்னுக்கு சுருண்டு இன்னிங்ஸ் மற்றும் 106 ரன் வித்தியாசத்தில் தோல்வியைத் தழுவியது. கேப்டன் எர்வின் 43, டிமிசென் மருமா 41, சிக்கந்தர் 37, சகாப்வா 18, பிரெண்டன் டெ..
                 

துளித் துளியாய்

* ‘நியூசிலாந்து அணிக்கு எதிராக நடக்கும் டெஸ்ட் தொடருக்கான இந்திய அணியில் லோகேஷ் ராகுல் இடம் பெறாதது ஆச்சரியமாக உள்ளது. நாங்கள் விளையாடியபோது இருந்த நிலையே வேறு. ஒரு அணியை உருவாக்கும்போது வீரர்களுக்கு நம்பிக்கையை ஏற்படுத்த வேண்டியது அவசியம். அணியில் ஒரேயடியாக பல மாற்றங்களை மேற்கொள்வதில் அர்த்தமில்லை. ஒவ்வொரு வகை கிரிக்கெட் போட்டிக்கும் தனிச்சிறப்பான வீரர்கள் தேர்வில் அணி நிர்வாகம் நம்பிக்கை கொண்டுள்ளது. ஆனால், கே.எல்.ராகுல் தற்போது மிகச் சிறப்பான பார்மில் இருக்கிறார். அவர் கண்டிப்பாக டெஸ்ட் தொடரில் விளையாடி இருக்க வேண்டும்’ என்று முன்னாள் கேப்டன் கபில்தேவ் கூறியுள்ளார்.* டோக்கியோ ஒலிம்பிக்சில் இந்திய துப்பாக்கிசுடுதல் வீரர், வீராங்கனைகள் அதிக அளவில் பதக்கங்களை வெல்வார்கள் என ஒலிம்பிக் சாம்பியன் அபினவ் பிந்த்ரா நம்பிக்கை தெரிவித்துள்ளார்.* ‘சர்வதேச கிரிக்கெட்டில் சச்சின் 200 டெஸ்ட், 463 ஒருநாள் மற்றும் ஒரு டி20 போட்டியில் விளையாடி மொத்தம் 34,357 ரன் குவித்து படைத்த சாதனையை யார் முறியடிக்கப் போகிறார்கள் என்பதை ஆவலோடு எதிர்பார்க்கிறேன்’ என்று பாகிஸ்தான் அணி முன்னாள் கேப்டன் இன்சமாம் உல் ஹக..
                 

உலக லெவனுக்கு எதிராக டி20 ஆசிய லெவனில் கோஹ்லி

தாக்கா: வங்கதேசத்தில் நடைபெற உள்ள ‘பங்காபந்து நூற்றாண்டு விழா’ டி20 போட்டியில் களமிறங்கும் ஆசிய லெவன் அணியில் விராத் கோஹ்லி இடம் பெற்றுள்ளார். வங்கதேச அதிபர் மற்றும் பிரதமராக இருந்த முஜிபுர் ரகுமான் நூற்றாண்டு விழாவையொட்டி ஆசியா லெவன் - உலக லெவன் அணிகள் மோதும் பங்காபந்து டி20 தொடர் (3 போட்டிகள்) அடுத்த மாதம் நடைபெற உள்ளது. இதில் பங்கேற்கும் இரு அணிகளின் வீரர்கள் பட்டியலை வங்கதேச கிரிக்கெட் வாரியம் நேற்று அறிவித்தது. ஆசியா லெவன் அணியில் இந்திய வீரர்கள் விராத் கோஹ்லி, கே.எல்.ராகுல், ஷிகர் தவான், ரிஷப் பன்ட், குல்தீப் யாதவ், முகமது ஷமி ஆகியோர் இடம் பெற்றுள்ளனர். கோஹ்லி முதல் போட்டியில் மட்டும் விளையாட உள்ளதாகத் தெரிகிறது. மார்ச் மாதம் பாகிஸ்தான் சூப்பர் லீக் போட்டிகள் நடைபெற உள்ளதால், பாகிஸ்தான் வீரர்கள் யாரும் இந்த தொடரில் பங்கேற்கவில்லை.உலக லெவன் அணியில் அதிரடி வீரர் கிறிஸ் கேல் இடம் பெற்றுள்ளார். ‘மேலும் பல வீரர்களுடன் பேசி வருகிறோம். இரு அணிகளிலுமே கடைசி நேர மாற்றங்கள் இருக்கலாம்’ என வங்கதேச கிரிக்கெட் வாரியத் தலைவர் நஜ்முல் ஹசன் கூறியுள்ளார். ஆசியா லெவன்: விராத் கோஹ்லி, கே.எல்.ராகுல்..
                 

மகளிர் உலக கோப்பை டி20 இந்திய அணிக்கு 2வது வெற்றி: ஷபாலி, பூனம் அசத்தல்

பெர்த்: ஐசிசி மகளிர் உலக கோப்பை டி20 தொடரின் ஏ பிரிவில், 18 ரன் வித்தியாசத்தில் வங்கதேசத்தை வீழ்த்திய இந்திய அணி தொடர்ச்சியாக 2வது வெற்றியை பதிவு செய்தது.வாகா மைதானத்தில் நேற்று நடந்த இப்போட்டியில், டாசில் வென்ற வங்கதேசம் முதலில் பந்துவீசியது. இந்திய அணி 20 ஓவரில் 6 விக்கெட் இழப்புக்கு 142 ரன் குவித்தது. தொடக்க வீராங்கனை ஷபாலி வர்மா அதிகபட்சமாக 39 ரன் (17 பந்து, 2 பவுண்டரி, 4 சிக்சர்) விளாசினார். ஜெமிமா ரோட்ரிகியூஸ் 34 ரன் (37 பந்து, 2 பவுண்டரி, 1 சிக்சர்), தீப்தி 11, ரிச்சா 14 ரன் எடுத்து பெவிலியன் திரும்பினர்.வேதா கிருஷ்ணமூர்த்தி 20 ரன் (11 பந்து, 4 பவுண்டரி), ஷிகா பாண்டே 7 ரன்னுடன் ஆட்டமிழக்காமல் இருந்தனர். வங்கதேச பந்துவீச்சில் சல்மா, பன்னா கோஷ் தலா 2 விக்கெட் வீழ்த்தினர். அடுத்து 20 ஓவரில் 143 ரன் எடுத்தால் வெற்றி என்ற இலக்குடன் வங்கதேசம் களமிறங்கியது.பூனம் யாதவ், ஷிகா பாண்டே இருவரும் துல்லியமாகப் பந்துவீசி நெருக்கடி கொடுக்க, வங்கதேசம் 20 ஓவரில் 8 விக்கெட் இழப்புக்கு 124 ரன் மட்டுமே எடுத்து 18 ரன் வித்தியாசத்தில் தோல்வியைத் தழுவியது. நிகர் சுல்தானா 35, முர்ஷிதா கதுன் 30 ரன் எடுக்க..
                 

வெலிங்டனில் தரமான சிறப்பான சம்பவம் நம்பர் 1 இந்திய அணியை ‘வச்சு செஞ்ச’ நியூசிலாந்து: 10 விக்கெட் வித்தியாசத்தில் பந்தாடியது

வெலிங்டன்: இந்திய அணியுடனான முதல் டெஸ்ட் போட்டியில், நியூசிலாந்து அணி 10 விக்கெட் வித்தியாசத்தில் அபாரமாக வென்று 1-0 என முன்னிலை பெற்றது.பேசின் ரிசர்வ் மைதானத்தில் நடந்த இப்போட்டியில், டாசில் வென்ற நியூசிலாந்து அணி முதலில் பந்துவீசியது. சவுத்தீ மற்றும் அறிமுக வேகம் ஜேமிசனின் துல்லியமான பந்துவீச்சை சமாளிக்க முடியாமல் திணறிய இந்தியா, முதல் இன்னிங்சில் 165 ரன்னுக்கு சுருண்டது. ரகானே 46, அகர்வால் 34, ஷமி 21, பன்ட் 19, பிரித்வி 16 ரன் எடுத்தனர். நியூசி. பந்துவீச்சில் சவுத்தீ, ஜேமிசன் தலா 4 விக்கெட் கைப்பற்றினர்.அடுத்து களமிறங்கிய நியூசிலாந்து, முதல் இன்னிங்சில் 348 ரன் குவித்து ஆல் அவுட்டானது. கேப்டன் கேன் வில்லியம்சன் 89 ரன், டெய்லர், ஜேமிசன் தலா 44 ரன், கிராண்ட்ஹோம் 43, போல்ட் 38 ரன் விளாசினர். இந்திய பந்துவீச்சில் இஷாந்த் 5, அஷ்வின் 3, பூம்ரா, ஷமி தலா 1 விக்கெட் எடுத்தனர்.இதைத் தொடர்ந்து, 183 ரன் பின்தங்கிய நிலையில் 2வது இன்னிங்சை தொடங்கிய இந்தியா 3ம் நாள் ஆட்ட முடிவில் 4 விக்கெட் இழப்புக்கு 144 ரன் எடுத்திருந்தது. பொறுப்புடன் விளையாடிய அகர்வால் 58 ரன் எடுத்தார். பிரித்வி 14, புஜாரா 11, ..
                 

இந்திய அணிக்கு எதிரான முதல் டெஸ்ட் போட்டியில் நியூசிலாந்து அணி 10 விக்கெட்டுகள் வித்தியாசத்தில் வெற்றி

வெலிங்டன்: இந்தியா மற்றும் நியூசிலாந்து அணிகள் இடையிலான முதலாவது டெஸ்ட் கிரிக்கெட் போட்டி வெலிங்டனில் கடந்த 21ந்தேதி தொடங்கியது. டாஸ் வென்ற நியூசிலாந்து கேப்டன் கேன் வில்லியம்சன் பந்து வீச்சை தேர்வு செய்தார். அதன்படி களம் இறங்கி விளையாடிய இந்தியாவின் தொடக்க ஆட்டக்காரர்களான மயங்க் அகர்வால் (34), பிரித்வி ஷா (16) ரன்கள் எடுத்து ஆட்டமிழந்தனர். தொடர்ந்து இந்திய அணி குறைந்த ரன்களில் விக்கெட்டுகளை இழந்தது. இந்திய அணி தேனீர் இடைவேளையின் போது முதல் இன்னிங்சில் 55 ஓவர்களில் 5 விக்கெட்டுகளுக்கு 122 ரன்கள் எடுத்திருந்தனர். அப்போது ரஹானே 38 ரன்களுடனும் (122 பந்து, 4 பவுண்டரி), ரிஷாப் பண்ட் 10 ரன்களுடனும் (37 பந்து) களத்தில் இருந்தனர். அதன் பிறகு மழை கொட்டியதால் அத்துடன் முதல் நாள் ஆட்டம் முடிவுக்கு வந்தது.தொடர்ந்து நேற்று முன்தினம் 2வது நாள் போட்டி நடைபெற்றது.  அதன் முடிவில் இந்திய அணி 68.1 ஒவர்களில் அனைத்து விக்கெட்டுகளையும் இழந்து 165 ரன்கள் எடுத்தது. நியூசிலாந்து அணியின் சார்பில் டிம் சவுதி, கைல் ஜாமிசன் ஆகியோர் தலா 4 விக்கெட்டுகளும், டிரன்ட் போல்ட் ஒரு விக்கெட்டும் வீழ்த்தினர். பின்னர் கள..
                 

நியூசிலாந்து 348 ரன் குவிப்பு: 2வது இன்னிங்சிலும் இந்தியா திணறல்

வெலிங்டன்: நியூசிலாந்து அணியுடனான முதல் டெஸ்ட் போட்டியில், இந்திய அணி 2வது இன்னிங்சில் 144 ரன்னுக்கு 4 விக்கெட் இழந்து போராடி வருகிறது. பேசின் ரிசர்வ் மைதானத்தில் நடந்து வரும் இப்போட்டியில், டாசில் வென்ற நியூசிலாந்து அணி முதலில் பந்துவீசியது. சவுத்தீ மற்றும் அறிமுக வேகம் ஜேமிசன் பந்துவீச்சை சமாளிக்க முடியாமல் திணறிய இந்திய அணி முதல் இன்னிங்சில் 165 ரன்னுக்கு ஆல் அவுட்டானது (68.1 ஓவர்). ரகானே 46, அகர்வால் 34, ஷமி 21, பன்ட் 19, பிரித்வி 16 ரன் எடுத்தனர். நியூசி. பந்துவீச்சில் ஜேமிசன், சவுத்தீ தலா 4 விக்கெட், போல்ட் 1 விக்கெட் வீழ்த்தினர். இதைத் தொ டர்ந்து, முதல் இன்னிங்சை தொடங்கிய நியூசிலாந்து அணி 2ம் நாள் ஆட்ட முடிவில் 5 விக்கெட் இழப்புக்கு 216 ரன் எடுத்திருந்தது. பிளண்டெல் 30, டெய்லர் 44, வில்லியம்சன் 89, நிகோல்ஸ் 17 ரன் எடுத்து பெவிலியன் திரும்பினர். வாட்லிங் 14, கிராண்ட்ஹோம் 4 ரன்னுடன் நேற்று 3ம் நாள் ஆட்டத்தை தொடங்கினர்.வாட்லிங் மேற்கொண்டு ரன் ஏதும் எடுக்காமல் பூம்ரா வேகத்தில் பன்ட் வசம் பிடிபட்டார். சவுத்தீ 6 ரன்னில் வெளியேறினார். 8வது விக்கெட்டுக்கு கிராண்ட்ஹோமுடன் இணைந்த கைல் ஜேம..
                 

நியூசிலாந்துக்கு எதிரான முதல் டெஸ்ட் போட்டியின் 2வது இன்னிங்சில் மயங்க் அகர்வால் அரை சதம் விளாசல்

வெலிங்டன்: நியூசிலாந்துக்கு எதிரான முதல் டெஸ்ட் போட்டியின் 2வது இன்னிங்சில் மயங்க் அகர்வால் அரை சதம் விளாசியுள்ளார். இந்தியா மற்றும் நியூசிலாந்து அணிகள் இடையிலான முதலாவது டெஸ்ட் கிரிக்கெட் போட்டி வெலிங்டனில் நேற்று முன்தினம் தொடங்கியது.  ‘டாஸ்’ ஜெயித்த நியூசிலாந்து கேப்டன் கேன் வில்லியம்சன் பந்து வீச்சை தேர்வு செய்தார். அதன்படி களம் இறங்கி விளையாடிய இந்தியாவின் தொடக்க ஆட்டக்காரர்களான மயங்க் அகர்வால் (34), பிரித்வி ஷா (16) ரன்களும் எடுத்து ஆட்டமிழந்தனர்.  தொடர்ந்து இந்திய அணி குறைந்த ரன்களில் விக்கெட்டுகளை இழந்தது. இந்திய அணி தேனீர் இடைவேளையின் போது முதல் இன்னிங்சில் 55 ஓவர்களில் 5 விக்கெட்டுக்கு 122 ரன்கள் எடுத்திருந்தது. அப்போது ரஹானே 38 ரன்களுடனும் (122 பந்து, 4 பவுண்டரி), ரிஷாப் பண்ட் 10 ரன்களுடனும் (37 பந்து) களத்தில் இருந்தனர். அதன் பிறகு மழை கொட்டியதால் அத்துடன் முதல் நாள் ஆட்டம் முடித்து கொள்ளப்பட்டது. தொடர்ந்து நேற்று 2வது நாள் ஆட்டம் நடந்தது.  அதன் முடிவில் இந்திய அணி 68.1 ஒவர்களில் அனைத்து விக்கெட்டுகளையும் இழந்து 165 ரன்கள் எடுத்தது. நியூசிலாந்து அணியின் சார்ப..
                 

இந்தியாவுக்கு எதிரான முதல் டெஸ்ட் கிரிக்கெட் போட்டியின் முதல் இன்னிங்சில் நியூசிலாந்து அணி 348 ரன்களுக்கு ஆட்டமிழப்பு

                 

இலங்கைக்கு எதிராக நியூசிலாந்து அசத்தல்

பெர்த்: மகளிர் உலக கோப்பை டி20 தொடரின் ஏ பிரிவில் இலங்கை அணியுடன் மோதிய நியூசிலாந்து 7 விக்கெட் வித்தியாசத்தில் எளிதாக வென்றது. வாகா மைதானத்தில் நேற்று நடந்த இப்போட்டியில், டாசில் வென்ற நியூசிலாந்து முதலில் பந்துவீசியது. இலங்கை அணி 20 ஓவரில் 7 விக்கெட் இழப்புக்கு 127 ரன் குவித்தது. கேப்டன் ஜெயாங்கனி அதிகபட்சமாக 41 ரன் விளாசினார். ஹாசினி 20, சஞ்சீவனி 15, மாதவி 27* ரன் எடுத்தனர். நியூசி. பந்துவீச்சில் ஹேலி ஜென்சன் 4 ஓவரில் 16 ரன் விட்டுக்கொடுத்து 3 விக்கெட் கைப்பற்றினார். அடுத்து களமிறங்கிய நியூசிலாந்து 17.4 ஓவரில் 3 விக்கெட் இழப்புக்கு 131 ரன் எடுத்து வென்றது. பிரீஸ்ட் 6, பேட்ஸ் 13, கிரீன் 29 ரன் எடுத்து பெவிலியன் திரும்பினர். கேப்டனும் தொடக்க வீராங்கனையுமான சோபி டிவைன் 75 ரன் (55 பந்து, 6 பவுண்டரி, 2 சிக்சர்), கேத்தி மார்டின் 4 ரன்னுடன் ஆட்டமிழக்காமல் இருந்தனர். ஹேலி ஜென்சன் சிறந்த வீராங்கனை விருது பெற்றார். நியூசி. அணி 2 புள்ளிகளை தட்டிச் சென்றது. ஏ பிரிவில் ரன் ரேட் அடிப்படையில் நியூசிலாந்து (1.065) முதலிடத்திலும், இந்தியா (0.85) 2வது இடத்திலும் உள்ளன...
                 

வில்லியம்சன் 89 ரன் விளாசினார் முதல் இன்னிங்சில் நியூசிலாந்து முன்னிலை: இஷாந்த் அபார பந்துவீச்சு

வெலிங்டன்: இந்திய அணியுடனான முதல் டெஸ்ட் போட்டியில், நியூசிலாந்து அணி முதல் இன்னிங்சில் முன்னிலை பெற்றது. பேசின் ரிசர்வ் மைதானத்தில் நடந்து வரும் இப்போட்டியில், டாசில் வென்ற நியூசிலாந்து அணி முதலில் பந்துவீசியது. அறிமுக வேகம் ஜேமிசன் பந்துவீச்சை சமாளிக்க முடியாமல் திணறிய இந்திய அணி முதல் நாள் ஆட்ட முடிவில் 5 விக்கெட் இழப்புக்கு 122 ரன் எடுத்திருந்தது. ரகானே 38 ரன், பன்ட் 10 ரன்னுடன் நேற்று 2ம் நாள் ஆட்டத்தை தொடங்கினர். பன்ட் 19 ரன் எடுத்த நிலையில் துரதிர்ஷ்டவசமாக ரன் அவுட்டாகி வெளியேறினார். அடுத்து வந்த அஷ்வின் முதல் பந்திலேயே டக் அவுட்டாகி ஏமாற்றமளித்தார். ஓரளவு தாக்குப்பிடித்த ரகானே 46 ரன் எடுத்து (138 பந்து, 5 பவுண்டரி) சவுத்தீ வேகத்தில் விக்கெட் கீப்பர் வாட்லிங் வசம் பிடிபட்டார். இஷாந்த் 5 ரன்னில் பெவிலியன் திரும்பினார். ஷமி 21 ரன் எடுத்து சவுத்தீ பந்துவீச்சில் பிளண்டெல் வசம் கேட்ச் கொடுத்து வெளியேற, இந்தியா முதல் இன்னிங்சில் 165 ரன்னுக்கு ஆல் அவுட்டானது. இந்திய அணி 33 ரன்னுக்கு கடைசி 5 விக்கெட்டை பறிகொடுத்தது குறிப்பிடத்தக்கது. பூம்ரா (0) ஆட்டமிழக்காமல் இருந்தார். நியூசி. பந்துவீச..
                 

மாவட்ட த்ரோபால்: வேலம்மாள் சாம்பியன்

திருவள்ளூர்: திருவள்ளூர் மாவட்ட பள்ளிகளுக்கு இடையிலான 4வது த்ரோபால் போட்டி மீஞ்சூரில் உள்ள  தனியார் பள்ளியில் நடைபெற்றது. போட்டியில் மாணவ, மாணவிகள் பிரிவில் தலா 25 அணிகள் பங்கேற்றன.மாணவர்கள் இறுதிப் போட்டியில் வேலம்மாள் வித்யாஸ்ரமம் அணி 15-7, 15-12 என்ற நேர் செட்களில்  மீஞ்சூர்  டிவிஎஸ்ஆர் பள்ளியை வீழ்த்தி சாம்பியன் ஆனது. அதுபோல், மாணவிகள் பிரிவில் முகப்பேர் வேலம்மாள் பள்ளி 15-8, 15-6 என்ற நேர் செட்களில் ஸ்பார்டன் மெட்ரிக் பள்ளியை வென்று சாம்பியன் பட்டம் கைப்பற்றியது.வெற்றிபெற்ற அணிகளுக்கு தமிழ்நாடு எறிபந்து சங்கத்தின் தலைவர் பாலவிநாயகம், டிவிஎஸ்ஆர் பள்ளி தலைமை ஆசிரியர் டி.ராமமூர்த்தி, கவுன்சிலர் வசுமதி ஆகியோர் பரிசுகளை வழங்கினர்...
                 

நியூசிலாந்து உடனான முதல் டெஸ்ட் கிரிக்கெட் போட்டி: 165 ரன்களில் ஆட்டமிழந்த இந்திய அணி

                 

அச்சுறுத்தும் கொரோனா - சீனாவில் கொரோனா பலி 2,239 ஆனது

பிஜீங்: சீனாவில் வேகமாக பரவிவரும் கொரோனா வைரஸ் பாதிப்பால் இறந்தவர்களின் எண்ணிக்கை நேற்று நள்ளிரவு வரை 2,239 பேராக அதிகரித்தது. ஒரே இரவில் 120 இறப்புகள் பதிவாகியுள்ளன. நோய்த்தொற்றுகளின் எண்ணிக்கை 75,500 ஆக உள்ளது. தேசிய சுகாதார ஆணையம் (என்எச்சி) நாடு முழுவதும் 889 புதிய நோயாளிகளை அடையாளம் கண்டுள்ளதாக தெரிவித்துள்ளது. இந்நிலையில், கிழக்கு சீனாவின் ஜெஜியாங் மாகாணத்தில் உள்ள சிறையில், குறைந்தது 27 கைதிகளுக்கு கொரோனா வைரஸ் தாக்குதல் பதிவாகியுள்ளன. ஜைனிங்கில் உள்ள ரென்செங் சிறையில் கிட்டத்தட்ட 450 கைதிகள் பாதிக்கப்பட்டுள்ளனர்.சீனாவில் ஹுபெய் மாகாணம் வுகான் நகரில் இருந்து கடந்த டிசம்பர் மாதம் பரவத் தொடங்கிய கொரோனா வைரஸ் நாடு முழுவதிலும் பரவி, பெருமளவிலான உயிரிழப்பை ஏற்படுத்தி உள்ளது. இந்த வைரசுக்கு பாதிக்கப்படுபவர்களின் எண்ணிக்கை தினமும் அதிகரித்தபடி உள்ளது. வைரசை கட்டுப்படுத்த முடியாததால் உயிரிழப்பவர்களின் எண்ணிக்கையும் கூடிக்கொண்டே செல்கிறது...
                 

நியூசியின் மிரட்டல் பந்து வீச்சு; தடுமாறிய இந்திய அணி; மழையால் முடிவுக்கு வந்த முதல்நாள் ஆட்டம்

வெலிங்டன்: நியூசிலாந்துக்கு எதிரான முதல் டெஸ்ட் போட்டியில் மழை குறுக்கிட்டதால் முதல் நாள் ஆட்டம் 55 ஓவரிலேயே முடிவுக்கு வந்தது. அதன்படி இந்திய அணி ஆட்டநேர முடிவில் 122 ரன்களுக்கு 5 விக்கெட்டுகளை இழந்துள்ளது. நியூசிலாந்து - இந்தியா மோதும் முதல் டெஸ்ட் போட்டி வெலிங்டனில் தொடங்கியது. இதில் டாஸ் வென்ற நியூசிலாந்து அணி முதலில் பந்து வீச்சை தேர்வு செய்தது. இதனையடுத்து களமிறங்கிய இந்திய அணிக்கு ஆரம்பமே அதிர்ச்சியளித்தது. பிரித்வி ஷா 16, புஜாரா 11, கேப்டன் கோலி 7 ரன்களில் நடையை கட்டினர். ஓரளவுக்கு தாக்குப்பிடித்த அகர்வால் 34 ரன்களிலும், விஹாரி 7 ரன்களிலும் ஆட்டமிழந்தனர். இந்திய அணி 55 ஓவர்களில் 5 விக்கெட்டுகளை இழந்து 122 ரன்கள் எடுத்திருந்த போது மழை குறுக்கீட்டது. இதனையடுத்து முதல்நாள் ஆட்டம் முடிவுக்கு வந்தது. ரஹானே 38 ரன்களும், ரிஷப் பண்ட் 10 ரன்களுடன் களத்தில் உள்ளனர். நியூசிலாந்து பந்து வீச்சில் ஜேமிசன் 3, சவுத்தி, போல்ட் தலா 1 விக்கெட்டுகளை வீழ்த்தினர்...
                 

ஐஎஸ்எல் அரையிறுதியில் யார் மும்பை-சென்னை இன்று மோதல்

மும்பை: ஐஎஸ்எல் கால்பந்து தொடரின் 6வது சீசன் லீக ்போட்டிகள் இறுதிக் கட்டத்தை எட்டியுள்ளன. கோவா, கொல்கத்தா, பெங்களூர் அணிகள் ஏற்கனவே அரையிறுதி வாய்ப்பை உறுதி செய்துள்ளன. எஞ்சிய ஒரு இடத்துக்கான போட்டியில் மும்பை 26 புள்ளி, சென்னை 25புளளி, ஓடிஷா 24புள்ளியுடன் காத்திருக்கின்றன. அந்த ஒரு இடம் யாருக்கு என்பது இன்று நடக்கும் மும்பை சிட்டி எப்சி-சென்னையின் எப்சி போட்டியில் தெரியலாம். மும்பை அணி இந்த கடைசி போட்டியில் வெற்றி பெற்றால் 29 புள்ளிகளுடன் அரையிறுதியை உறுதி செய்துவிடும்.  டிரா செய்தால் அரையிறுதி வாய்ப்பு குறைந்து விடும். சென்னை, ஓடிஷா அணிகளின் வெற்றித் தோல்விக்காக காத்திருக்க வேண்டும்.அதே நேரத்தில் சென்னையும் வெற்றி பெற்றால் 28 புள்ளிகளுடன் அரையிறுதிக்குள் நுழைந்து விடும். ஒருவேளை டிரா ஆனால் 26 புள்ளிகளுடன் அரையிறுதி வாய்ப்பை தக்க வைத்துக் கொள்ளும். வரும் 25ம் தேதி நார்த்ஈஸ்ட் அணியுடனான கடைசி லீக் போட்டியில் வெற்றிப் பெற்றால் அரையிறுதி உறுதியாகும். அந்தப் ேபாட்டியும் டிரா என்றால் ஓடிஷா-கேரளா மோதும் போட்டியின் முடிவை பொறுத்து சென்னைக்கு வாய்ப்பு.   ஆக அரையிறுதியில் நுழைய,..
                 

டிஎன்பிஎல் சீசன்-5 ஏலம்

தமிழ்நாடு பிரிமீயர் லீக்(டிஎன்பிஎல்) தொடரின் 5வது சீசனுக்கான வீரர்கள் ஏலம் சென்னையில் நேற்று நடந்தது. இந்த ஏலத்தில்   633 வீரர்கள் பங்கேற்றனர். ஏ பிரிவு வீரர்கள் 6லட்ச ரூபாயக்கும்,  பி1, பி2 பிரிவு வீரர்கள் 2 முதல் 3 லட்ச ரூபாய்க்கும், சி பிரிவு வீரர்கள் 50 ஆயிரம் முதல் ஒரு லட்ச ரூபாய் வரையிலும் ஏலத்தில் எடுக்கப்பட்டனர். ஒவ்வொரு அணியும் 16 முதல் 22 வீரர்களை வாங்கினர். இந்த முறை டூட்டி பேட்ரியாட்ஸ் அணி ‘சேலம் ஸ்பார்டன்ஸ்’ என்றும், காரைக்குடி காளை ‘திருப்பூர் தமிழன்ஸ்’ என்றும் பெயர் மாற்றப்பட்டுள்ளன. எஞ்சிய அணிகளின் பெயரில் மாற்றமில்லை. இந்த ஆண்டு டிஎன்பிஎல் ஜூன் 10 முதல் ஜூலை 12ம் தேதி வரை திண்டுக்கல், திருநெல்வேலி, சேலம், கோவை நகரங்களில் நடக்கும். உமர் அக்மல் நீக்கம்பாகிஸ்தான் கிரிக்கெட் வீரர் உமர் அக்மல், ஊழல் தடுப்பு விதிகளை மீறியதற்காக பாகிஸ்தான் கிரிக்கெட் வாரியம் நீக்கியுள்ளது. ஐபிஎல் போன்று பாகிஸ்தானில் நடைபெறும் பிஎஸ்எல்-2020 போட்டி நேற்று மாலை தொடங்குவதற்கு சில மணி நேரங்களுக்கு முன்பு அக்மல் மீது நடவடிக்கை எடுத்துள்ளது. நடவடிக்கைக்கான காரணத்தை வாரியம் விளக்காவிட்..
                 

தென்னிந்திய குண்டு எறிதல் போட்டி: அருப்புக்கோட்டை மாணவர் சாதனை

அருப்புக்கோட்டை: தென்னிந்திய அளவிலான குண்டு எறிதல் போட்டியில் அருப்புக்கோட்டை மாணவர் சாதனை படைத்தார். தென்னிந்திய அளவிலான குண்டு எறிதல் போட்டி சென்னை வேலம்மாள் இன்டர்நேஷனல் சிபிஎஸ்சி பள்ளியில் நடந்தது. தமிழகத்தின் பல்வேறு பகுதிகளில் இருந்து ஏராளமான மாணவர்கள் கலந்து கொண்டனர். இதில் அருப்புக்கோட்டை சந்திரா நேஷனல் பள்ளி 8ம் வகுப்பு மாணவர் நவீன் கலந்து கொண்டு வெண்கலப்பதக்கம் பெற்றார். வெற்றி பெற்ற மாணவரை பள்ளி செயலாளர் சரவணன், தாளாளர் பார்த்தீபன், பள்ளி முதல்வர் ராஜசேகரன் ஆகியோர் பாராட்டினர்...
                 

டெஸ்ட் தொடர் சவால்

* இந்தியா - நியூசிலாந்து அணிகளிடையே 2 போட்டிகள் கொண்ட டெஸ்ட் தொடர் நடைபெற உள்ளது. முதல் டெஸ்ட் போட்டி வெலிங்டன், பேசின் ரிசர்வ் மைதானத்தில் நாளை தொடங்குகிறது. வெலிங்டனில் நேற்று நடந்த நிகழ்ச்சியில், இந்த தொடருக்கான கோப்பையுடன் நியூசிலாந்து கேப்டன் கேன் வில்லியம்சன், இந்திய அணி கேப்டன் விராத் கோஹ்லி உற்சாகமாக போஸ் கொடுக்கின்றனர்.*  குஜராத் - கோவா, பெங்கால் - ஒடிஷா, கர்நாடகா - ஜம்மு காஷ்மீர், சவுராஷ்டிரா - ஆந்திரா அணிகள் மோதும் ரஞ்சி கோப்பை கால் இறுதி ஆட்டங்கள் இன்று தொடங்குகின்றன.* நியூசிலாந்து அணி வீரர் நீல் வேக்னர் தனது மனைவியின் பிரசவத்தின்போது உடனிருக்க வேண்டிய கட்டாயம் ஏற்படலாம் என்பதால், முதல் டெஸ்ட் போட்டிக்கான அணியில் ரிசர்வ் வீரராக மேட் ஹென்றி சேர்க்கப்பட்டுள்ளார்.* இங்கிலாந்து கவுன்டி கிரிக்கெட் தொடரில் குளோசெஸ்டர்ஷ்யர் அணிக்காக விளையாட இந்திய வீரர் செதேஷ்வர் புஜாரா ஒப்பந்தம் செய்யப்பட்டுள்ளார்.*  துபாய் டூட்டி பிரீ டென்னிஸ் தொடரின் மகளிர் இரட்டையர் பிரிவு கால் இறுதிக்கு முந்தைய சுற்றில் விளையாட இந்தியாவின் சானியா மிர்சா - கரோலின் கார்சியா (பிரான்ஸ்) ஜோடி தகுதி பெற்ற..
                 

ராஜஸ்தான் அணியின் வீரர் கார் விபத்தில் ‘ஜஸ்ட் மிஸ்’ தீவிர சிகிச்சைக்கு பின் ஓய்வு

கிங்ஸ்டன்: மேற்கிந்திய தீவுகள் அணியின் வீரர் ஓஷானே தாமஸ் கார் விபத்தில் சிக்கியதால், அவருக்கு படுகாயம் ஏற்பட்டுள்ளது. மேற்கிந்திய தீவுகள் வீரர்களில் அசோசியேஷன் தகவல்படி, செயின்ட் கேத்தரினில் உள்ள ஓல்ட் ஹார்பர் அருகே காரில் சென்றபோது இரண்டு வாகனங்கள் மோதியதில் தாமசுக்கு காயம் ஏற்பட்டது. தீவிர சிகிச்சை முடிந்து டிஸ்சார்ஜ் செய்யப்பட்டதால், ஜமைக்கா வேகப்பந்து வீச்சாளரின் வீட்டில் ஓய்வில் இருப்பதாக தாமசின் உதவியாளர் கூறினார். தாமஸ் கடைசியாக மேற்கிந்திய தீவுகள் அணிக்காக கடந்த மாதம் அயர்லாந்துக்கு எதிரான ஒருநாள் போட்டியில் விளையாடினார். இலங்கை சுற்றுப்பயணத்திற்காக அவர் அணியில் இருந்து வெளியேற்றப்பட்டார். அவர் 20 ஒருநாள் போட்டிகள் மற்றும் 10  சர்வதேச டி20 விளையாடியுள்ளார். அதில் முறையே 27 மற்றும் ஒன்பது விக்கெட்டுகளை வீழ்த்தியுள்ளார். வரும் மார்ச் 29ம் தேதி தொடங்கும் ஐபிஎல் போட்டிகளில் பங்கேற்கும் தாமஸ், ராஜஸ்தான் அணியில் விளையாடவுள்ளார் என்பது குறிப்பிடத்தக்கது...
                 

தேசிய குதிரையேற்ற போட்டியில் தமிழக காவல்துறை அணி சாதனை

சென்னை: அகில இந்திய அளவில் காவல்துறையினருக்கான குதிரையேற்ற போட்டியில் தமிழக காவல்துறை அணி தங்கம் உட்பட 3 பதக்கங்களை வென்று சாதனை படைத்துள்ளது. அரியானா மாநிலம் குர்கானில் 38-வது அகில இந்திய காவல்துறையினருக்கான குதிரையேற்ற போட்டி நடைபெற்றது. கடந்த 37 போட்டிகளில் பங்கேற்காத தமிழ்நாடு காவல்துறை, இந்த ஆண்டு முதல்முறையாக பங்கேற்றது. துணை ஆணையர் தேஷ்முக் சேகர் சஞ்ஜய் தலைமையில் களமிறங்கிய தமிழக அணி 3 பதக்கங்கள் மற்றும் ஒரு கோப்பையை வென்று சாதனை புரிந்துள்ளது. இந்தியாவிலேயே முதல் முறையாக குதிரை ஏற்ற போட்டியில் பங்கேற்ற முதல் பெண் காவலர் என்ற பெருமையை தமிழக அணி வீராங்கனை சுகன்யா பெற்றுள்ளார். பதக்கங்களுடன் தமிழகம் திரும்பிய வீரர், வீராங்கனைகளை தமிழக காவல்துறை தலைவர் ஜே.கே. திரிபாதி பராட்டினார்.சர்வதேச போட்டியில் தமிழக சப்-இன்ஸ்பெக்டர்விருதுநகர் மாவட்டம், மொட்டை மலை சிறப்பு இலக்கு படைப் பிரிவில் சப் இன்ஸ்பெக்டராக இருப்பவர் கிருஷ்ணமூர்த்தி. இவர் சமீபத்தில் நடந்த தேசிய அளவிலான வேக நடை போட்டியில் முதலிடம் பிடித்து தங்கம் வென்றுள்ளார். மணிப்பூர் மாநிலம் இம்பாலில் நடந்த இந்தப்போட்டியில் 5000 மீட்டர் த..
                 

உலக கோப்பை பயிற்சி ஆட்டம் 2 ரன் வித்தியாசத்தில் இந்தியா த்ரில் வெற்றி

பிரிஸ்பேன்: ஐசிசி மகளிர் உலக கோப்பை டி20 தொடருக்கான பயிற்சி ஆட்டத்தில், இந்திய அணி 2 ரன் வித்தியாசத்தில் வெஸ்ட் இண்டீஸ் அணியை வீழ்த்தியது. ஆலன் பார்டர் மைதானத்தில் நேற்று நடந்த இப்போட்டியில், டாசில் வென்று பேட் செய்த இந்தியா 20 ஓவரில் 8 விக்கெட் இழப்புக்கு 107 ரன் எடுத்தது. 9வது வீராங்கனையாகக் களமிறங்கிய ஷிகா பாண்டே அதிகபட்சமாக 24 ரன் (16 பந்து, 3 பவுண்டரி, 1 சிக்சர்) விளாசி ஆட்டமிழக்காமல் இருந்தார்.தீப்தி ஷர்மா 21, வஸ்த்ராகர் 13, ஷபாலி 12, கேப்டன் ஹர்மான்பிரீத் 11, டானியா 10 ரன் எடுக்க, மற்ற வீராங்கனைகள் சொற்ப ரன்னில் வெளியேறினர். அடுத்து களமிறங்கிய வெஸ்ட் இண்டீஸ் அணி 20 ஓவரில் 7 விக்கெட் இழப்புக்கு 105 ரன் எடுத்து தோல்வியைத் தழுவியது. அந்த அணியின் தொடக்க வீராங்கனை லீ ஆன் கிர்பி 42 ரன், ஹேலி மேத்யூஸ் 25, கேப்டன் ஸ்டெபானி டெய்லர் 16, சினெல்லி ஹென்றி 17 ரன் எடுத்தனர். இந்திய அணி பந்துவீச்சில் பூனம் யாதவ் 3, ஷிகா, தீப்தி, ஹர்மான்பிரீத் தலா 1 விக்கெட் வீழ்த்தினர். நாளை மறுநாள் சிட்னியில் நடைபெற உள்ள ஏ பிரிவு தொடக்க லீக் ஆட்டத்தில் இந்தியா - ஆஸ்திரேலியா மோதுகின்றன...
                 

கடந்த 2011-ம் ஆண்டு உலகக்கோப்பையை கைப்பற்றிய கிரிக்கெட் வீரர் சச்சின் டெண்டுல்கருக்கு லாரியஸ் விருது

ஜெர்மனி: உலக விளையாட்டுகளில்  உயரிய அங்கீகாரமான லாரியஸ் விருதை கிரிக்கெட் ஜாம்பவான் சச்சின் டெண்டுல்கர் பெற்றுள்ளார். விளையாட்டுத் துறையில் சிறந்து விளங்குபவர்களுக்கு ஆண்டுதோறும் லாரியஸ் விருதுகள் வழங்கப்பட்டு வருகின்றன. அதன்படி, 2019-ஆம் ஆண்டில் சிறந்து விளங்கியவர்களுக்கான விருது வழங்கும் விழா, ஜெர்மனி தலைநகர் பெர்லினில் கோலாகலமாக நடைபெற்றது. இதில், சிறந்த வீரருக்கான விருது, ஃபார்முலா ஒன் கார் பந்தயத்தில் ஆறு முறை சாம்பியனான லீவிஸ் ஹேமில்டனுக்கும், நட்சத்திர கால்பந்து வீரர் லயோனல் மெஸ்ஸிக்கும் பகிர்ந்து அளிக்கப்பட்டது. இதன்மூலம், லாரியஸ் விருதை வென்ற முதல் கால்பந்து வீரர் என்ற சாதனையை மெஸ்ஸி உருவாக்கினார். சிறந்த விளையாட்டு வீராங்கனைக்கான விருதை, அமெரிக்க ஜிம்னாஸ்டிக்ஸ் ஜாம்பவானும், உலக சாம்பியன்ஷிப் தொடரில் அதிக பதக்கங்களை வென்றவருமான சிமோன் பைல்ஸ் தட்டிச் சென்றார்.கடந்தாண்டு நடைபெற்ற ஆடவருக்கான ரக்பி உலகக்கோப்பையை வென்ற தென்னாப்பிரிக்கா, சிறந்த அணிக்கான விருதை வசப்படுத்தியது. லாரியஸ் வாழ்நாள் சாதனையாளர் விருதை, ஜெர்மனி நாட்டைச் சேர்ந்த கூடைப்பந்து ஜாம்பவான் டிர்க் நோவிட்ஸ்கி-க்..
                 

கேப்டன் பதவியை உதறினார் டுபிளெஸ்ஸி

ஜோகன்னஸ்பர்க்: டெஸ்ட் மற்றும் டி20 போட்டிகளுக்கான தென் ஆப்ரிக்க கிரிக்கெட் அணிகளின் கேப்டன் பொறுப்பில் இருந்து விலகுவதாக பேப் டு பிளெஸ்ஸி அறிவித்துள்ளார்.கடந்த மாதம் ஒருநாள் போட்டிகளுக்கான கேப்டன் பதவியை ராஜினாமா செய்த டு பிளெஸ்ஸி (35 வயது), தற்போது டெஸ்ட், டி20 போட்டிகளிலும் புதிய கேப்டனுக்கு வழிவிட்டு ஒதுங்கிக்கொள்ள முடிவு செய்துள்ளார். ஒருநாள் போட்டிகளில் கேப்டனாகப் பொறுப்பேற்றுள்ள விக்கெட் கீப்பர்/பேட்ஸ்மேன் குவின்டன் டி காக், மூன்று வகை கிரிக்கெட்டிலும் தலைமை பொறுப்பேற்கும் வாய்ப்பு உள்ளதாக தென் ஆப்ரிக்க கிரிக்கெட் வாரியத் தகவல்கள் தெரிவிக்கின்றன.தனது பதவி விலகல் குறித்து டு பிளெஸ்ஸி விடுத்துள்ள அறிக்கையில், ‘இது மிகக் கடினமான முடிவு. தென் ஆப்ரிக்க அணி புதிய தலைமையின் கீழ் புதிய பயணத்தை தொடங்கும் நேரம் இது. அணியில் ஒரு சாதாரண வீரராக டி காக் மற்றும் சக வீரர்களுக்கு முழுமையான ஒத்துழைப்பு அளிப்பேன். மூன்று வகை கிரிக்கெட்டிலும் தொடர்ந்து விளையாடுவேன். புதிய கேப்டனுக்கு எனது அனுபவ ஆலோசனைகளை வழங்கத் தயாராக இருக்கிறேன்’ என்று தெரிவித்துள்ளார்.2012ம் ஆண்டு தென் ஆப்ரிக்க அணியின் கேப்டனாகப்..
                 

இந்தியாவுடன் டெஸ்ட் தொடர் நியூசிலாந்து அணியில் மீண்டும் டிரென்ட் போல்ட்: அஜாஸ், ஜேமிசனுக்கும் வாய்ப்பு

வெலிங்டன்: இந்திய அணியுடன் நடைபெற உள்ள டெஸ்ட் தொடருக்கான நியூசிலாந்து அணியில், அனுபவ வேகப் பந்துவீச்சாளர் டிரென்ட் போல்ட் மீண்டும் இடம் பிடித்துள்ளார்.இந்தியா - நியூசிலாந்து அணிகளிடையே 2 போட்டிகள் கொண்ட டெஸ்ட் தொடர் நடைபெற உள்ளது. முதல் டெஸ்ட் போட்டி வெலிங்டன் பேசின் ரிசர்வ் மைதானத்தில் வரும் 21ம் தேதி தொடங்குகிறது. இதைத் தொடர்ந்து 2வது மற்றும் கடைசி டெஸ்ட் கிறைஸ்ட்சர்ச்சில் பிப். 29ம் தேதி தொடங்கி நடைபெறும்.இந்த தொடருக்கான நியூசிலாந்து அணி நேற்று அறிவிக்கப்பட்டது. கடந்த டிசம்பரில் ஆஸ்திரேலியாவுக்கு எதிராக நடந்த பாக்சிங் டே டெஸ்ட் போட்டியின்போது கையில் ஏற்பட்ட எலும்பு முறிவு காரணமாக ஓய்வெடுத்து வந்த டிரென்ட் போல்ட் மீண்டும் அணிக்கு திரும்பியுள்ளார். சமீபத்தில் இந்திய அணியுடன் நடந்த ஒருநாள் தொடரில் அறிமுகமான இளம் ஆல் ரவுண்டர் கைல் ஜேமிசன், டெஸ்ட் போட்டிக்கான அணியிலும் புதுமுக வீரராக இடம் பிடித்துள்ளார். லெக் ஸ்பின்னர் டாட் ஆஸ்டிலுக்கு பதிலாக மற்றொரு சுழற்பந்துவீச்சாளரான அஜாஸ் பட்டேலுக்கு வாய்ப்பு அளிக்கப்பட்டுள்ளது.நியூசி. டெஸ்ட் அணி: கேன் வில்லியம்சன் (கேப்டன்), டாம் பிளண்டெல், டிரென்ட..
                 

கிரிக்கெட் உலகின் ‘அசுரன்’ இன்று (பிப்ரவரி 17) டி வில்லியர்ஸ் பிறந்தநாள்

கிரிக்கெட் ரசிகர்களால் ‘ஏலியன்’, ‘மிஸ்டர் 360’ என அன்போடு அழைக்கப்படும் ஏ.பி.டி வில்லியர்ஸ் பிறந்தநாள் இன்று. ஆபிரகாம் பென்சமின் - டி - வில்லியர்ஸ் 1984 பிப்ரவரி 17ல் தென்ஆப்பிரிக்காவில் உள்ள பெலா பெலாவில் பிறந்தார். பிரெடொரியாவில் உள்ள உயர்நிலை பள்ளியில் கல்வி பயின்றார். இதே பள்ளியில் தான் தற்போது தென்ஆப்பிரிக்க அணிக்காக விளையாடும் டூ பிளெஸ்ஸியும் படித்தார். இவர்கள் இருவரும் பள்ளித் தோழர்கள். டி வில்லியர்ஸ் தந்தை மருத்துவர் ஆவார். தந்தை இளம்வயதில் ரக்பி கால்பந்து விளையாட்டில் விளையாடினார். எனவே தனது மகனையும் விளையாட்டில் ஈடுபடச் செய்தார். டி வில்லியர்ஸ் கிரிக்கெட் வீரர் மட்டுமல்ல. தனது ஆரம்பகாலத்தில் கோல்ப், ரக்பி, கால்பந்து, டென்னிஸ் போன்ற விளையாட்டுகளிலும் கில்லாடியாக இருந்தார்.ஆனால் கடைசியில் அவர் தேர்வு செய்தது கிரிக்கெட்டைதான். 2004ம் ஆண்டில் இங்கிலாந்து அணிக்கு எதிராக நடைபெற்ற போட்டியில் அறிமுகம் ஆனார். அன்று முதலே இவரது ஆட்டத்திற்கு ரசிகர்கள் அடிமையாகிவிட்டனர். டிவில்லியர்ஸ் தரையில் முட்டிப்போட்டு ஸ்கொயர் லெக் பகுதியில் அடிக்கும் சிக்ஸர்கள் ராட்சஸத் தன்மையை கொண்டிருக்கும். டிவி..
                 

2வது இடத்துடன் விடைபெற்றார் பயஸ்: சொந்த மண்ணில் கடைசி போட்டி

பெங்களூரு: இந்திய டென்னிஸ் நட்சத்திரம் லியாண்டர் பயஸ், சொந்த மண்ணில் விளையாடிய கடைசி தொடரில் 2வது இடம் பிடித்து ரசிகர்களிடம் இருந்து பிரியாவிடை பெற்றார்.கடந்த 30 ஆண்டுகளாக டென்னிஸ் களத்தில் கலக்கி வரும் லியாண்டர் (46 வயது), இந்த ஆண்டுடன் ஓய்வு பெறப்போவதாக அறிவித்துள்ளார். பெங்களூரு ஓபன் தொடரின் ஆண்கள் இரட்டையர் பிரிவில் ஆஸ்திரேலியாவின் மேத்யூ எப்டனுடன் இணைந்து களமிறங்கிய அவர், பைனலுக்கு முன்னேறி அசத்தினர்.இறுதிப் போட்டியில் இந்தியாவின் பூரவ் ராஜா - ராம்குமார் ராமநாதன் ஜோடியுடன் நேற்று மோதிய லியாண்டர் - எப்டன் இணை 0-6, 3-6 என்ற நேர் செட்களில் தோற்று 2வது இடம் பிடித்தது. சொந்த மண்ணில் லியாண்டர் விளையாடிய கடைசி போட்டி இது என்பது குற்றிப்பிடத்தக்கது. இந்திய டென்னிஸ் சங்கம் சார்பில் அவருக்கு நினைவுப் பரிசு வழங்கப்பட்டது. பின்னர் பேசிய பயஸ், ‘இந்தியாவில் எனது கடைசி போட்டியை விளையாடிவிட்டேன். ரசிகர்களுக்கு ஆட்டோகிராப் போடும்போதுதான் இதை என்னால் உணர முடிந்தது. இத்தனை ஆண்டுகளாக எனக்கு ஆதரவளித்த ரசிகர்களுக்கு மனப்பூர்வமான நன்றியை தெரிவித்துக்கொள்கிறேன்’ என்று நெகிழ்ச்சியுடன் கூறினார்...
                 

அகில இந்திய ஆர்பிஎப் தடகளம் தெற்கு ரயில்வே வீரர்களுக்கு பாராட்டு

சென்னை: அகில இந்திய அளவில் நடந்த ரயில்வே பாதுகாப்பு படையினருக்கான தடகளப் போட்டியில் சாம்பியன் பட்டம் வென்ற தெற்கு ரயில்வே வீரர்கள் மற்றும் வீராங்கனைகளை, பொது மேலாளர் ஜான் தாமஸ் பாராட்டினார்.மகாராஷ்டிரா மாநிலம் நாசிக்கில் ரயில்வே பாதுகாப்பு படை(ஆர்பிஎப்) வீரர்கள், வீராங்கனைகள் பங்கேற்ற அகில இந்திய தடகளப் போட்டிகள் நடைபெற்றன. இதில் தெற்கு ரயில்வே அதிக போட்டிகளை வென்று முதலிடம் பிடித்ததுடன், சாம்பியன் பட்டமும் வென்றது. போட்டியில் 2வது இடத்தை மத்திய ரயில்வே பாதுகாப்பு  படையும், மூன்றாவது இடத்தை சிறப்பு ரயில்வே பாதுகாப்பு படையும் வென்றன.அதுபோல், தெற்கு ரயில்வே பாதுகாப்பு படை காவலர் வினோத் கண்ணன், வட்டு எறிதல் போட்டியில் 44.10 மீட்டர் தொலைவுக்கு எறிந்து புது சாதனை படைத்தார். போட்டியின் சிறந்த தடகள வீரராக அவர் தேர்வு செய்யப்பட்டார். அதுபோல் பெண் காவலர் திவ்யா, போட்டியின் அதிவேக வீராங்கனையாக தேர்வானார். போட்டியில் சாம்பியன் பட்டம் வென்று  சென்னை திரும்பிய  ரயில்வே பாதுகாப்பு படை வீரர்கள், வீராங்கனைகளை தெற்கு ரயில்வே பொது மேலாளர் ஜான் தாமஸ், ரயில்வே பாதுகாப்பு படை தலைமை இயக்குனர்..
                 

சில்லி பாயின்ட்...

*  இந்திய அணியுடனான முதல் டெஸ்ட் போட்டியில் களமிறங்க உள்ள நியூசி. வீரர் ராஸ் டெய்லர் டெஸ்ட், ஒருநாள், டி20 என மூன்று வகை கிரிக்கெட்டிலும் தலா 100 போட்டிகளில் விளையாடிய முதல் வீரர் என்ற பெருமையைப் பெற உள்ளார்.* ஐபிஎல் டி20 தொடரின் 2020 சீசன் தொடக்கத்தையொட்டி (மார்ச் 29) ஐசிசி உயர்நிலைக் கூட்டத்தை (மார்ச் 27-29) ஒத்திவைக்க வேண்டும் என பிசிசிஐ விடுத்த வேண்டுகோளை சர்வதேச கிரிக்கெட் கவுன்சில் நிராகரித்துள்ளது.* ஆசிய குழு பேட்மின்டன் சாம்பியன்ஷிப் தொடரின் கால் இறுதியில் 3-2 என்ற கணக்கில் தாய்லாந்து அணியை வீழ்த்திய இந்திய அணி அரை இறுதிக்கு முன்னேறி உள்ளது. * மகளிர் டி20 போட்டிகளுக்கான ஐசிசி பேட்டிங் தரவரிசையில் இந்திய வீராங்கனை ஸ்மிரிதி மந்தனா 4வது இடத்துக்கு முன்னேறி உள்ளார்.* ரஞ்சி கோப்பை தொடரின் கால் இறுதியில் விளையாட பெங்கால், கர்நாடகா அணிகள் தகுதி பெற்ற நிலையில், டெல்லி அணி பரிதாபமாக வெளியேறி உள்ளது.* தங்கள் அணி வீரர்கள் தொடர்ச்சியாக விளையாடி வருவதால் பாகிஸ்தான் சுற்றுப்பயணத்தை ரத்து செய்வதாக தென் ஆப்ரிக்க கிரிக்கெட் வாரியம் அறிவித்துள்ளது.* யு-19 கூச் பெகர் கோப்பை கிரிக்கெட் தொடரின..
                 

டெஸ்ட் அணியில் ‘ஷா’வா, ‘கில்’லா?

ஹாமில்டன்: நியூசிலாந்து அணிக்கு எதிரான முதல் டெஸ்ட் போட்டிக்கான இந்திய அணியில் இடம் பிடிக்கப் போகும் இளம் வீரர் பிரித்வி ஷாவா, ஷுப்மன் கில்லா என்ற கேள்வி எழுந்துள்ளது. நியூசிலாந்தில் சுற்றுப்பயணம் மேற்கொண்டுள்ள இந்திய அணி விளையாடும் முதல் டெஸ்ட் போட்டி பிப்.21ம் தேதி வெலிங்டன்னில் தொடங்குகிறது. அதற்கு முன்னதாக 2 அணிகளும் விளையாடும் 3 நாட்கள்  பயிற்சி ஆட்டம் இன்று ஹாமில்டனில் தொடங்குகிறது. விராட் கோஹ்லி தலைமையிலான  இந்திய டெஸ்ட் அணியில்  இளம் வீரர்கள் பிரித்வி ஷா(20), ஷுப்மன் கில்(20) ஆகியோர் இடம் பிடித்துள்ளனர். இந்த 2 பேரில் யாருக்கு ஆடும் அணியில் இடம் யாருக்கு என்ற கேள்வி எழுந்துள்ளது. சுமார் 6மாத தடைக்கு பிறகு பிரித்வி ஷா மீண்டும் அணிக்கு திரும்பியுள்ளார். அவர் நியூசிலாந்துக்கு எதிரான 3ஒருநாள் போட்டியில் முறையே 20, 24, 40 ரன் எடுத்தார். அடுத்தடுத்த ஆட்டங்களில் ஆட்டம் மேம்பட்டுள்ளதால் கவனத்தை ஈர்த்துள்ளார்.  அதே நேரத்தில் நியூசிலாந்து ஏ - இந்திய ஏ அணிகள் மோதிய அங்கீகாரமற்ற டெஸ்ட் போட்டிகளில்  ஷுப்மன் கில் 83, 204*, 136ரன் விளாசி கவனிக்க வைத்துள்ளார். அதன..
                 

10 வயது கேரள சிறுவனின் ‘ஜீரோ டிகிரி’ கார்னர் கோல்: வீடியோ வைரலால் பலரும் பாராட்டு

கோழிக்கோடு: கேரளாவின் கோழிக்கோடு மாவட்டத்தில் விளக்கக்காட்சி பள்ளியின் ஐந்தாம் வகுப்பில் பி.கே.டானி (10) படித்து வருகிறார். இவர், தற்போது கேரள கால்பந்து பயிற்சி மைய (கேஎப்டிசி) கிளப்பில் விளையாடி பயிற்சி பெற்று வருகிறார். 10 வயதான டானி, வயநாடு மாவட்டத்தின் மீனங்காடியில் நடைபெற்ற ஆல் கேரள கிட்ஸ் கால்பந்து போட்டியின் இறுதிப் போட்டியில் ஹாட்ரிக் கோல் அடித்தார்.    அவர் போட்டியின் சிறந்த வீரர் என்ற விருதும் பெற்றார். இப்போட்டியின் போது இவர் அடித்த ‘ஜீரோ டிகிரி’ கார்னர் கோல் வீடியோ தற்போது இணையத்தில் வைரலாகி வருகிறது. இதனை முன்னாள் இந்திய கால்பந்து கேப்டன் மணி விஜயனும் பாராட்டி ட்விட் செய்துள்ளார். இதனால், உலகம் முழுவதும் பி.கே.டானி பாராட்டப்பட்டு வருகிறார். இதுகுறித்து டானியின் தந்தை அபு ஹாஷிம் கூறுைகயில், “கால்பந்து டானிக்கு மிகவும் பிடித்த விளையாட்டு. அவர் அதை மிகவும் நேசிக்கிறார். எத்தனை கால்பந்து வாங்கி கொடுத்தாலும், அவர் எப்போதும் இன்னொன்றைக் கேட்கிறார். அடுத்த ஆண்டு தனது பள்ளி விடுமுறையில் புகழ்பெற்ற கால்பந்து வீரர் லியோனல் மெஸ்ஸியை சந்திக்க ஸ்பெயினுக்கு செல்ல டானி விர..
                 

ஐசிசி ஒருநாள் பவுலிங் தரவரிசை ஜஸ்பிரித் பூம்ராவுக்கு பின்னடைவு

துபாய்: ஒருநாள் போட்டிகளுக்கான ஐசிசி பந்துவீச்சு தரவரிசை பட்டியலில், இந்திய வேகம் ஜஸ்பிரித் பூம்ரா நம்பர் 1 அந்தஸ்தை பறிகொடுத்தார். நியூசிலாந்துக்கு எதிராக சமீபத்தில் நடந்த ஒருநாள் போட்டித் தொடரில் விக்கெட் வேட்டை  நடத்தத் தவறிய பூம்ரா 2வது இடத்துக்கு பின்தங்கினார். நியூசி. வேகம் டிரென்ட் போல்ட் முதலிடத்தை பிடித்துள்ளார். பேட்டிங் தரவரிசையில் இந்தியாவின் கோஹ்லி, ரோகித் முதல் 2 இடங்களில் நீடிக்கின்றனர். ஆல் ரவுண்டர்களுக்கான  ரேங்கிங்கில் ஆப்கானிஸ்தானின் முகமது நபி முதலிடத்தில் உள்ளார். இந்தியாவின் ஜடேஜா 3 இடம் முன்னேறி 7வது இடத்தை பிடித்துள்ளார்.அணிகள் டாப் 10ரேங்க்    அணி    புள்ளி1    இங்கிலாந்து    1252    இந்தியா    1213    நியூசிலாந்து    1124    தென் ஆப்ரிக்கா    1105    ஆஸ்திரேலியா    1106    பாகிஸ்தான்    987    வங்கதேசம்    868 ..
                 

முத்தரப்பு டி20 போட்டி: இந்திய அணியை வீழ்த்தி சாம்பியன் பட்டத்தை வென்றது ஆஸ்திரேலிய மகளிர் அணி

மெல்போர்ன்: முத்தரப்பு டி20 போட்டியில் இந்திய அணியை வீழ்த்தி ஆஸ்திரேலிய மகளிர் அணி சாம்பியன் பட்டத்தை வென்றது. இந்தியா - ஆஸ்திரேலியா மகளிர் அணிகளுக்கு இடையிலான மகளிர் டி20 முத்தரப்புத் தொடரின் இறுதிச்சுற்று ஆட்டம் ஆஸ்திரேலியாவின் மெல்போர்னில் இன்று நடைபெற்றது. டாஸ் வென்ற ஆஸ்திரேலிய அணி, பேட்டிங்கைத் தேர்வு செய்து 20 ஓவர்களில் 6 விக்கெட் இழப்புக்கு 155 ரன்கள் எடுத்தது. இந்திய அணி 20 ஓவர்களில் 144 ரன்கள் மட்டுமே எடுத்து அனைத்து விக்கெட்டுகளையும் பறிகொடுத்தது. ஆஸ்திரேலிய பந்துவீச்சாளர் ஜெஸ் ஜொனாஸ்ஸென் 5 விக்கெட்டுகளை வீழ்த்தினார். இறுதிச்சுற்று ஆட்டத்தை 11 ரன்கள் வித்தியாசத்தில் வென்ற ஆஸ்திரேலிய மகளிர் அணி, முத்தரப்புத் தொடரை வென்றது...
                 

ரஞ்சி கோப்பை அரை இறுதியில் கர்நாடகா-பெங்கால் மோதல்: குஜராத்- சவுராஷ்டிரா பலப்பரீட்சை

ஜம்மு: ரஞ்சி கோப்பை கால் இறுதிப் போட்டியில் கர்நாடகா அணி ஜம்மு காஷ்மீரை வீழ்த்தி அரை இறுதிக்கு தகுதி பெற்றது. நடப்பு ரஞ்சி கோப்பை தொடரின் கால் இறுதிப் போட்டிகள் நேற்றுடன் முடிவடைந்தன. ஜம்முவில் நடந்த போட்டியில்  கர்நாடகா - ஜம்மு காஷ்மீர் அணிகள் மோதின. கர்நாடகா முதல் இன்னிங்சில் 206 ரன், 2வது இன்னிங்சில் 316 ரன் எடுத்தது. முதல் இன்னிங்சில் 192 ரன்னில் சுருண்ட ஜம்மு காஷ்மீர், 330ரன் எடுத்தால் வெற்றி என்ற இலக்குடன் 2வது இன்னிங்சை விளையாடியது. அந்த அணி கடைசி நாளான நேற்று 163 ரன்னுக்கு ஆட்டமிழந்தது. கர்நாடகா 167 ரன்னில் அபாரமாக வென்று அரையிறுதிக்கு முன்னேறியது. அந்த அணியின் கிருஷ்ணப்பா கவுதம் 7 விக்கெட்,  ரோனித் மோரே, பிரசித் கிருஷ்ணா, ஜெகதீசா சுசித் ஆகியோர் தலா ஒரு விக்கெட் வீழ்த்தினர். ஆந்திர மாநிலம் ஒங்கோலில் நடந்த மற்றொரு கால் இறுதியில்  சவுராஷ்டிரா-ஆந்திரா டிரா செய்தன. முதல் இன்னிங்ஸ் முன்னிலை காரணமாக சவுராஷ்டிரா கூடுதல் புள்ளிகள் பெற்று அரை இறுதிக்குள் நுழைந்தது.மேலும் ஒடிஷா மாநிலம் கட்டாக்கில் நடந்த  பெங்கால் - ஓடிஷா அணிகளுக்கு இடையிலான ஆட்டமும் நேற்று டிரா ஆனது...
                 

இந்திய அணிக்கு எதிரான வெலிங்டன் டெஸ்டில் நியூசிலாந்து 10 விக்கெட் வித்தியாசத்தில் வெற்றி

                 

தென் ஆப்ரிக்கா அசத்தல்

பெர்த்: ஐசிசி மகளிர் உலக கோப்பை டி20 தொடரின் பி பிரிவில், இங்கிலாந்து அணியுடன் நேற்று மோதிய தென் ஆப்ரிக்கா 6 விக்கெட் வித்தியாசத்தில் வென்றது. வாகா மைதானத்தில் நடந்த இப்போட்டியில், டாசில் வென்ற தென் ஆப்ரிக்கா முதலில் பந்துவீசியது. இங்கிலாந்து 20 ஓவரில் 8 விக்கெட் இழப்புக்கு 123 ரன் குவித்தது. நதாலியே ஸ்கிவர் 50, ஏமி ஜோன்ஸ் 23, பிரான் வில்சன் 14 ரன் எடுக்க, மற்ற வீராங்கனைகள் சொற்ப ரன்னில் வெளியேறினர். அடுத்து களமிறங்கிய தென் ஆப்ரிக்கா 19.4 ஓவரில் 4 விக்கெட் இழப்புக்கு 127 ரன் எடுத்து வென்றது. கேப்டன் டேன் வான் 46, மரிஸன்னே காப் 38, குளோ டிரையன் 12, மிக்னன் டு பிரீஸ் 18* ரன் (11 பந்து, 1 பவுண்டரி, 1 சிக்சர்) விளாசினர். டேன் வான் சிறந்த வீராங்கனை விருது பெற்றார். தென் ஆப்ரிக்கா 2 புள்ளிகளை தட்டிச் சென்றது...
                 

ஆயிரம் போட்டிகளில் விளையாடி பிரபல கால்பந்து வீரர் ரொனால்டோ புதிய சாதனை: 724 கோல்கள் அடித்து அசத்தல்

போர்ச்சுக்கல்: ஆயிரம் போட்டிகளில் விளையாடி பிரபல கால்பந்து வீரர் ரொனால்டோ புதிய சாதனை படைத்துள்ளார். 35 வயது ஆகும் ரொனால்டோ இதுவரை 724 கோல்கள் அடித்து அசத்தியுள்ளார். பிரபல கால்பந்து வீரர் கிறிஸ்டியானோ ரொனால்டோ 400 போட்டியில் விளையாடி சாதனை படைத்துள்ளார். ஐரோப்பிய கால்பந்து கிளப் அணிகளுக்கு இடையேயான போட்டிகள் நடைபெற்று வருகிறது. இதில் பிரபல கால்பந்து வீரர் கிறிஸ்டியானோ ரொனால்டோ ரியல் மாட்ரிட் அணிக்காக விளையாடி வருகிறார். இந்நிலையில் இன்று நடைபெற்ற போட்டியில் ரியல் மாட்ரிட் அணி 3-1 என்ற கோல் கணக்கில் வெற்றி பெற்றது. இந்த போட்டியின் மூலம் ரொனால்டோ தனது 400-வது கால்பந்து போட்டியில் விளையாடி சாதனை படைத்துள்ளார். 400 போட்டிகளில் விளையாடியுள்ள ரொனால்டோ இதுவரை 411 கோல்களை அடித்துள்ளார் என்பது குறிப்பிடத்தக்கது. அணி வீரர்கள், பயிற்சியாளர்கள், சக வீரர்கள் இல்லாமல் இந்த சாதனையை எட்ட இயலாது. அவர்களுக்கு நன்றி சொல்லியாக வேண்டும். என்னுடைய கால்பந்து வாழ்க்கையில் இது சிறப்பானதுதான் என கூறினார்...
                 

கிரிக்கெட் வீரர்களின் வாழ்க்கை வெப் தொடர்

சென்னை: கிரிக்கெட் வீரர்கள் தங்கள் வாழ்க்கை, விளையாட்டு அனுபவங்களை விவரிக்கும் இணைய தொடரை கிரிக்பஸ் நிறுவனம் தயாரித்துள்ளது. ‘ஸ்பைசி பிட்ச்’ என்ற பெயரில் அறிமுகமாகி உள்ள இந்த தொடரில் ஆர்.அஸ்வின், பூம்ரா, புஜாரா, ஷ்ரேயாஸ் அய்யர், குல்தீப் யாதவ் உட்பட முன்னணி கிரிக்கெட் நட்சரத்திரங்கள் தங்கள் முன்னேற்றத்திற்கு காரணமானவர்கள், சிறந்த வீரர்களாக மாறக் காரணமான உண்மைச் சம்பவங்களை விளக்குகிறார்கள். வீரர்களின் பயிற்சியாளர்கள், நண்பர்கள், குடும்பத்தினர் குறித்த காட்சிகளுடன், விறுவிறுப்பான விளையாட்டு காட்சிகளும் இடம் பெறும்.இந்த இணைய தொடரில் இதுவரை 20 பாகங்கள் தயாரிக்கப்பட்டுள்ளன. ரசிகர்கள் பார்க்க வசதியாக  முதல் பாகம் இப்போது வெளியிடப்பட்டுள்ளது. இனி ஒவ்வொரு சனிக்கிழமையும் புதிய பாகங்கள் வெளியிடப்படும் என்று கிரிக்பஸ் தெரிவித்துள்ளது...
                 

துபாய் டென்னிஸ்: பைனலில் ஹாலெப்

துபாய்: துபாய் டூட்டி பிரீ டென்னிஸ் தொடரின் மகளிர் ஒற்றையர் பிரிவு இறுதிப் போட்டியில் விளையாட, ருமேனியா வீராங்கனை சிமோனா ஹாலெப் தகுதி பெற்றார். அரை இறுதியில் அமெரிக்காவின் ஜெனிபர் பிராடியுடன் (52வது ரேங்க்) மோதிய ஹாலெப் (2வது ரேங்க்) 6-2, 6-0 என்ற நேர் செட்களில் மிக எளிதாக வென்று பைனலுக்கு முன்னேறினார். இப்போட்டி 1 மணி, 2 நிமிடத்தில் முடிவுக்கு வந்தது. மற்றொரு அரை இறுதியில் கஜகஸ்தானின் எலினா ரிபாகினா (19வது ரேங்க்) 7-6 (7-5), 7-6 (7-2) என்ற நேர் செட்களில் குரோஷியாவின் பெத்ரா மார்டிச்சை (15வது ரேங்க்) வீழ்த்தினார். விறுவிறுப்பான இப்போட்டி  2 மணி, 12 நிமிடத்து நீடித்தது. இறுதிப் போட்டியில் ஹாலெப் - ரிபாகினா மோதுகின்றனர்...
                 

டேபிள் டென்னிஸ் கவின் மோகன், பிரீத்தி சாம்பியன்

காஞ்சிபுரம்: தமிழ்நாடு  விளையாட்டு மேம்பாட்டு  ஆணையம் (எஸ்டிஏடி),  சந்திரா டேபிள்  டென்னிஸ்  மையம் சேர்ந்து டாக்டர் இந்திரா  பிஸ்வகுமார் நினைவு டேபிள் டென் னிஸ் போட்டி நடத்தின.பள்ளிகளுக்கு இடையிலான இந்த போட்டி காஞ்சிபுரம்,  கீழம்பி திருமலை பொறியியல் கல்லூரியில்  நடந்தது.   மாணவர்களுக்கான  4ம் வகுப்பு வரை பிரிவில்  பி.நிதின் (எஸ்பிஓஏ), 6ம் வகுப்பு வரை பிரிவில்  டி.வத்சன் (எஸ்பிஓஏ), 9ம் வகுப்பு வரை பிரிவில் கே.அஸ்மித் (டிஏவி), 12ம் வப்பு வரை பிரிவில் கவின் மோகன் (டிஏவி)  ஆகியோர்  முதலிடம் பிடித்து  சாம்பியன் பட்டம் வென்றனர். மாணவிகளுக்கான  4ம் வகுப்பு வரையிலான பிரிவில்  ஆர்.ஸ்ரியா (மன்தன்), 6ம் வகுப்பு வரையிலான பிரிவில்  எம்.அனன்யா (சங்கரா), 9ம் வகுப்பு மற்றும் 12ம் வகுப்பு  வரையிலான  பிரிவுகளில்  எம்.ஆர்.ஆர்.பிரீத்தி (பிவிஎம்) ஆகியோர் முதலிடம் பிடித்து  சாம்பியன் பட்டத்தை கைப்பற்றினர்...
                 

இந்தியாவுக்கு எதிரான முதல் டெஸ்ட் 2ம் நாள் ஆட்ட நேர முடிவில் 51 ரன்கள் முன்னிலை பெற்றது நியூசிலாந்து

                 

நியூசிலாந்துடன் முதல் டெஸ்ட் ரன் குவிக்க முடியாமல் இந்திய அணி திணறல்: ஜேமிசன் அபார பந்துவீச்சு

வெலிங்டன்: நியூசிலாந்து அணியுடனான முதல் டெஸ்ட் போட்டியில், இந்திய அணி முதல் இன்னிங்சில் 122 ரன்னுக்கு 5 விக்கெட் இழந்து திணறி வருகிறது. பேசின் ரிசர்வ் மைதானத்தில் நேற்று தொடங்கிய இப்போட்டியில், டாசில் வென்ற நியூசிலாந்து அணி முதலில் பந்துவீச முடிவு செய்தது. அந்த அணியில் இளம் வேகப் பந்துவீச்சாளர் கைல் ஜேமிசன் (25 வயது) அறிமுகமானார். இந்திய அணி தொடக்க வீரர்களாக பிரித்வி ஷா, மயாங்க் அகர்வால் களமிறங்கினர்.பிரித்வி ஷா 16 ரன் எடுத்து (18 பந்து, 2 பவுண்டரி) சவுத்தீ வேகத்தில் ஸ்டம்புகள் சிதற வெளியேறினார். அடுத்து வந்த புஜாரா 11 ரன், கேப்டன் விராத் கோஹ்லி 2 ரன் மட்டுமே எடுத்து ஜேமிசன் பந்துவீச்சில் விக்கெட்டை பறிகொடுக்க, இந்திய அணி 17.5 ஓவரில் 40 ரன்னுக்கு 3 விக்கெட் இழந்து தடுமாறியது.இந்த நிலையில், மயாங்க் அகர்வால் - அஜிங்க்யா ரகானே ஜோடி பொறுமையாக விளையாடி 4வது விக்கெட்டுக்கு 48 ரன் சேர்த்தது. அகர்வால் 34 ரன் (84 பந்து, 5 பவுண்டரி) விளாசி, போல்ட் வேகத்தில் ஜேமிசன் வசம் பிடிபட்டார். அடுத்து வந்த ஹனுமா விஹாரி 7 ரன் எடுத்து ஜேமிசன் வேகத்தில் விக்கெட் கீப்பர் வாட்லிங்கிடம் கேட்ச் கொடுத்து பெவிலியன்..
                 

ஆசிய சாம்பியன்ஷிப் மல்யுத்த இறுதிப்போட்டியில் இந்திய வீராங்கனை சாக்க்ஷி மாலிக் தோல்வி

                 

நியூசிலாந்துக்கு எதிரான முதல் டெஸ்ட்: முதல் நாள் ஆட்ட நேர முடிவில் இந்திய அணி 122/5

நியூசிலாந்துக்கு எதிரான முதல் டெஸ்ட் போட்டியின் முதல் நாள் ஆட்ட நேர முடிவில் இந்திய அணி 122/5 எடுத்துள்ளது. 55வது ஓவரில் குறுக்கிட்ட மழை தொடர்ந்து பெய்ததால் முதல் நாள் ஆட்டம் பாதியிலேயே முடித்துக் கொள்ளப்பட்டுள்ளது. முதல் நாள் ஆட்டநேர முடிவில் ரஹானே 38 ரன்கள், ரிஷப் பந்த் 10 ரன்களுடன் களத்தில் உள்ளனர்...
                 

இன்று முதல் டெஸ்ட் நியூசிலாந்து-இந்தியா மோதல்

வெலிங்டன்: நியூசிலாந்து இந்தியா மோதும் முதல் டெஸ்ட் போட்டி இன்று வெலிங்டன்னில் தொடங்குகிறது. நியூசிலாந்தில் சுற்றுப் பயணம் மேற்கொண்டுள்ள விராட் கோஹ்லி தலைமையிலான இந்திய அணி  5 போட்டிகள் கொண்ட டி20 தொடரை5-0 என்ற கணக்கில் கைப்பற்றியது. அதேபோல் 3 போட்டிகள் கொண்ட ஒருநாள் தொடரை 0-3 என்ற கணக்கில் நியூசிலாந்திடம் இழந்தது. இந்நிலையில் இந்த அணிகளும்  2 போட்டிகளை கொண்ட ஐசிசி  உலக டெஸ்ட் சாம்பியன் தொடரில் விளையாட உள்ளன. அதில் முதல் டெஸ்ட் இன்று  வெலிங்டன்னில் தொடங்குகிறது. இந்த சுற்றுப் பயணத்தில் ஆளுக்கொரு தொடரை வென்று  2 அணிகளும் சமனிலையில் உள்ளன. இந்த டெஸ்ட் தொடரை கைப்பற்றி முன்னிலை  பெற 2 அணிகளும் வேகம் காட்டும். ஆனால் ஐசிசி உலக ெடஸ்ட் சாம்பியன் தொடரில் இதுவரை 7 டெஸ்ட்களில் விளையாடி உள்ள இந்தியா எல்லாப் போட்டிகளிலும் வென்று புள்ளிப் பட்டியலில் முதல் இடத்தில் இருக்கிறது. நியூசிலாந்து இதுவரை 5 போட்டிகளில் விளையாடி ஒரு டெஸ்ட்டில் வெற்றி 4 டெஸ்ட்டில் தோல்வியை சந்தித்து புள்ளிப்பட்டியலில் 6வது இடத்தில் இருக்கிறது.எனவே வலுவான இந்திய அணியை சொந்த மண்ணில் வீழ்த்தி கூடுதல் ..
                 

மாநில கராத்தே போட்டி: மெஞ்ஞானபுரம் பள்ளி மாணவர்கள் வெற்றி

உடன்குடி: மாநில அளவிலான கராத்தே போட்டியில் மெஞ்ஞானபுரம் பள்ளி மாணவர்கள் வெற்றி பெற்றனர். சாயர்புரம் புனித மேரிஸ் தொடக்கப்பள்ளியில் வைத்து நடந்த மாநில அளவிலான கராத்தே போட்டியில் சுமார் 500க்கும் மேற்பட்ட மாணவர்கள் கலந்து கொண்டனர். இதில் மெஞ்ஞானபுரம் எஸ்தர் சாந்தம் மேல்நிலைப்பள்ளி மாணவர்கள் அஜித், ரஞ்சித் ஆகியோர் கட்டா பிரிவில் வெண்கலப்பதக்கம் வென்றனர். வெற்றி பெற்ற மாணவர்களையும், பயிற்சி அளித்த மாஸ்டர் டென்னிசனையும் மெஞ்ஞானபுரம் பஞ்சாயத்து தலைவர் கிருபா, வியாபாரிகள் சங்க தலைவர் பிரபு, பள்ளித்தலைமைஆசிரியர் ஜெஸி, தாளாளர் பாஸ்டர் நெல்லைகுமார் ஆகியோர் பாராட்டினர்...
                 

லஞ்ச புகாரில் சிக்கிய பாக். வீரருக்கு அனைத்து போட்டிகளிலும் விளையாட தற்காலிக தடை: கிரிக்கெட் வாரியம் அதிரடி

இஸ்லாமாபாத்: பாகிஸ்தான் கிரிக்கெட் வீரர் உமர் அக்மலுக்கு அனைத்து வகையிலான கிரிக்கெட் நடவடிக்கைகளிலும் ஈடுபடுவதற்கு அந்நாட்டு கிரிக்கெட் வாரியம் தற்காலிக தடை விதித்துள்ளது. பாகிஸ்தான் கிரிக்கெட் அணியின் முன்னணி பேட்ஸ்மேனான உமர் அக்மல் 2009ஆம் ஆண்டு முதல் சர்வதேச போட்டிகளில் விளையாடி வருகிறார். இந்நிலையில், லஞ்ச புகார் அவர் மீது நிலுவையில் இருப்பதால், அந்த விசாரணை முடியும் வரை உமர் அக்மல் தொடர்ந்து கிரிக்கெட் போட்டிகளில் பங்கேற்க முடியாது என தடை விதித்து பாகிஸ்தான் கிரிக்கெட் வாரியம் உத்தரவிட்டுள்ளது. லஞ்ச குற்றச்சாட்டு தொடர்பான விசாரணை தொடர்ந்து நடைபெற்று வருவதால், இது குறித்து விரிவாக எதையும் விவரிக்க முடியாது. ஊழல் சட்ட விதி 4.7.1யின் படி இந்த நடவடிக்கை எடுக்கப்பட்டிருப்பதாகவும் கூறப்பட்டுள்ளது. ஐஎஸ்எல் பாணியில் பாகிஸ்தானில் நடைபெறும் பாகிஸ்தான் சூப்பர் லீக் தொடரில் இந்த ஆண்டுக்கான சீசன் தொடங்குவதற்கு சில மணி நேரங்கள் முன்னதாக இந்த நடவடிக்கையை பாகிஸ்தான் கிரிக்கெட் வாரியம் எடுத்துள்ளது. பிரபல பேட்ஸ்மேனான உமர் அக்மல், பாகிஸ்தானில் நடைபெற்று வரும் பாகிஸ்தான் சூப்பர் லீக் தொடரில் குவெட்ட..
                 

உலக கோப்பை பயிற்சி ஆட்டம்: தாய்லாந்துக்கு எதிராக நியூசிலாந்து வெற்றி

அடிலெய்டு: ஐசிசி மகளிர் டி20 உலக கோப்பை  பயிற்சி ஆட்டத்தில் நியூசிலாந்து அணி 81 ரன் வித்தியாசத்தில் தாய்லாந்து  அணியை வீழ்த்தியது. ஐசிசி  மகளிர் டி20 உலக கோப்பை போட்டி ஆஸ்திரேலியாவில் நாளை கோலாகலமாகத் தொடங்குகிறது. இந்த தொடரில் பங்கேற்க உள்ள அணிகள் பயிற்சி ஆட்டங்களில் விளையாடி  வருகின்றன. அடிலெய்டில் நேற்று நடைபெற்ற பயிற்சி ஆட்டத்தில்  நியூசிலாந்து - தாய்லாந்து அணிகள் மோதின. டாஸ் வென்ற தாய்லாந்து  பந்துவீச்சை தேர்வு செய்தது. நியூசிலாந்து  சிறப்பாக விளையாடி 20 ஓவர் முடிவில் 4 விக்கெட் இழப்புக்கு 194 ரன்  குவித்தது. அந்த அணியின் சூசி பேட்ஸ் 78, அமெலியா கேர் 54, மேடி கிரீன்  34,  கேப்டன் ரேச்சல் பிரீஸ்ட் 15, கேத்தி பெர்கின்ஸ் 8*ரன் எடுத்தனர்.தாய்லாந்து பந்துவீச்சில் சானிதா சுத்திரங் 2, நாட்டயா பூச்சதம், ரத்னாபொர்ன் ஆகியோர் தலா ஒரு விக்கெட் வீழ்த்தினர். தொடர்ந்து  195 ரன் எடுத்தால் வெற்றி என்ற இலக்குடன் களம் கண்ட தாய்லாந்து, 20ஓவர்  முடிவில் 8 விக்கெட் இழப்புக்கு 113 ரன் மட்டுமே எடுத்து 81 ரன் வித்தியாசத்தில் தோல்வியைத் தழுவியது. ..
                 

நாளை மறுநாள் முதல் டெஸ்ட் தொடக்கம் கோஹ்லிதான் எனது முதல் இலக்கு: களத்துக்கு வரும் நியூசி. பவுலர் பேட்டி

வெலிங்டன்: நியூசிலாந்து கிரிக்கெட் அணியின் முன்னணி இடதுகை வேகப்பந்து வீச்சாளர் டிரென்ட் போல்ட், சமீபத்தில் ஆஸ்திரேலியாவுக்கு எதிரான டெஸ்ட் போட்டியில் பங்கேற்று விளையாடியபோது கையில் பலத்த காயம் ஏற்பட்டது. இதனால், இந்தியாவுக்கு எதிரான டி20, ஒருநாள் கிரிக்கெட் தொடர்களுக்கான நியூசிலாந்து அணியில் போல்ட் இடம் பெறவில்லை. இரு அணிகளுக்கும் இடையிலான முதல் டெஸ்ட் கிரிக்கெட் போட்டி நாளை மறுநாள் (பிப். 21) வெலிங்டனில் ஏக்லி ஓவல் அரங்கத்தில் தொடங்க உள்ளது. இந்த போட்டியில் டிரென்ட் போல்ட் விளையாடுவது உறுதியாகியுள்ளது.இந்நிலையில், விராட் கோஹ்லியின் விக்கெட்டை வீழ்த்துவதற்காக வெயிட் பண்ண முடியாது என்று டிரென்ட் போல்ட் தெரிவித்துள்ளார். இதுகுறித்து அவர் மேலும் கூறுகையில், ‘‘நான் போட்டியில் விளையாடும்போது விராட் கோஹ்லி போன்ற முன்னணி வீரர்களின் விக்கெட்டுகளை வீழ்த்த வேண்டும் என்று தனிப்பட்ட முறையில் விரும்புவேன். எனக்குள்ளே இப்படியொரு எண்ணத்தை உருவாக்கிக் கொள்வேன். அதனால், விராட் கோஹ்லியின் விக்கெட்டை எடுக்க காத்திருக்க முடியாது. அதேசமயம், கோஹ்லி தலைசிறந்த வீரர். அவர் எப்படி சிறப்பான ஆட்டத்தை விளையாடுவார்..
                 

துளித் துளியாய்

* 2020 ஐபிஎல் டி20 தொடருக்கான அட்டவணையை பிசிசிஐ நேற்று அதிகாரப்பூர்வமாக வெளியிட்டது. மும்பை வாங்கடே ஸ்டேடியத்தில் மார்ச் 29ம் தேதி நடக்கும் தொடக்க லீக் ஆட்டத்தில் நடப்பு சாம்பியன் மும்பை இந்தியன்ஸ் அணியுடன் சென்னை சூப்பர் கிங்ஸ் மோதுகிறது. மொத்தம் 57 நாட்களுக்கு நடைபெற உள்ள இந்த தொடரின் இறுதிப் போட்டி மே 24ம் தேதி நடைபெறும். இம்முறை 6 பிற்பகல் ஆட்டங்கள் மட்டுமே நடக்க உள்ளன. * பிபா யு-17 மகளிர் உலக கோப்பை கால்பந்து போட்டித் தொடர் இந்தியாவில் நவம்பர் 2ம் தேதி தொடங்கி 21ம் தேதி வரை நடைபெற உள்ளது. அகமதாபாத், கவுகாத்தி, புவனேஸ்வர், கொல்கத்தா, நவி மும்பையில் போட்டிகள் நடைபெறும். இறுதிப் போட்டி நவம்பர் 21ம் தேதி நவி மும்பையில் நடக்கும் என அறிவிக்கப்பட்டுள்ளது.* அடிலெய்டில் இன்று நடைபெறும் ஐசிசி மகளிர் உலக கோப்பை டி20 தொடருக்கான பயிற்சி ஆட்டத்தில் நியூசிலாந்து - தாய்லாந்து அணிகள் மோதுகின்றன. நாளை நடக்க உள்ள கடைசி பயிற்சி ஆட்டத்தில் வங்கதேசம் - பாகிஸ்தான் அணிகள் களமிறங்குகின்றன...
                 

துபாய் டூட்டி பிரீ டென்னிஸ் கிறிஸ்டினா முன்னேற்றம்

துபாய்: துபாய் டூட்டி பிரீ டென்னிஸ் தொடரின் மகளிர் ஒற்றையர் பிரிவு கால் இறுதிக்கு முந்தைய சுற்றில் விளையாட, பிரான்ஸ் வீராங்கனை கிறிஸ்டினா மிளாடெனோவிச் தகுதி பெற்றார். இரண்டாவது சுற்றில் பெலாரசின் அலெக்சாண்ட்ரா சாஸ்னோவிச்சுடன் நேற்று மோதிய கிறிஸ்டினா 6-4, 6-3 என்ற நேர் செட்களில் வெற்றியை வசப்படுத்தினார். விறுவிறுப்பான இப்போட்டி 1 மணி, 32 நிமிடத்துக்கு நீடித்தது. மற்றொரு 2வது சுற்றில் எலினா ஸ்விடோலினா (உக்ரைன், 3வது ரேங்க்) 2-6, 1-6 என்ற நேர் செட்களில் அமெரிக்காவின் ஜெரிமி பிராடியிடம் (54வது ரேங்க்) அதிர்ச்சி தோல்வியடைந்தார். நடப்பு சாம்பியன் பெலிண்டா பென்சிக் (சுவிஸ், 4வது ரேங்க்) 6-1, 1-6, 1-6 என்ற செட் கணக்கில் ரஷ்யாவின் அனஸ்டேசியா பாவ்லியுசென்கோவாவிடம் (31வது ரேங்க்) தோற்று ஏமாற்றத்துடன் வெளியேறினார்...
                 

நாளை நியூசிலாந்துக்கு எதிரான முதல் டெஸ்ட் சாதிக்குமா கோஹ்லி தலைமையிலான அணி?

வெலிங்டன்: சொந்த மண்ணில் வலிமையாக திகழும் நியூசிலாந்து அணியை, வெலிங்டனில் நாளை துவங்கும் முதலாவது டெஸ்ட் போட்டியில் எதிர்கொள்கிறது விராட் கோஹ்லி தலைமையிலான இந்திய அணி. ஒருநாள் தொடரில் ஒயிட் வாஷ் தோல்வியை பெற்றுள்ள இந்திய அணி, டெஸ்ட் தொடரில் மீண்டு எழுமா என்ற எதிர்பார்ப்பில் இந்திய கிரிக்கெட் ரசிகர்கள் காத்திருக்கின்றனர். விராட் கோஹ்லி தலைமையிலான இந்திய கிரிக்கெட் அணி, நியூசிலாந்தில் பயணம் மேற்கொண்டுள்ளது. நியூசிலாந்து மண்ணில் இறங்கியதுமே இரு அணிகளுக்கும் இடையேயான 5 போட்டிகள் கொண்ட டி20 தொடரை, நம்பவே முடியாத வகையில் 5-0 என இந்திய அணி கைப்பற்றியது. ஆனால் இந்த மகிழ்ச்சி, அதிக நாட்கள் நீடிக்கவில்லை. பதிலுக்கு நியூசிலாந்து அணி 3 போட்டிகள் கொண்ட ஒருநாள் தொடரை 3-0 என ஒயிட் வாஷ் செய்து பழிதீர்த்துக் கொண்டது. டி20 தொடரில் அற்புதமான ஆட்டத்தை வெளிப்படுத்திய இந்திய வீரர்கள், ஒருநாள் தொடரில் எதிர்ப்பே இல்லாமல் முழுவதுமாக சரணடைந்து விட்டனர்.இந்நிலையில் இரு அணிகளும் தற்போது 2 போட்டிகள் கொண்ட டெஸ்ட் தொடரில் மோதவுள்ளன. இரு அணிகளுக்கும் இடையேயான முதலாவது டெஸ்ட் போட்டி, நாளை வெலிங்டன் நகரின் பேசின் ரிசர்..
                 

பேட்மின்டன்: தமிழகம் முதல் வெற்றி

சென்னை: தேசிய சீனியர் பால் பேட்மின்டன் போட்டித் தொடர் சென்னை, செயின்ட் ஜோசப் பொறியியல் கல்லூரியில் நேற்று தொடங்கியது.ஆண்கள் பிரிவில்  புதுச்சேரி, ரயில்வே, இஸ்ரோ,  ஆந்திரா, சட்டீஸ்கர், உத்தரப்பிரதேசம் , கேரளா உட்பட 36 அணிகள் லீக் சுற்றில் களமிறங்குகின்றன. தமிழ்நாடு இடம் பெற்றுள்ள பி-பிரிவில்  கர்நாடகா, ஏஜேபி (சிபி), ஜேஎஸ்டபிள்யூ ஆகிய அணிகள் உள்ளன.மகளிர் பிரிவில் மகாராஷ்டிரா, மேற்கு வங்கம்,  கோவா, பஞ்சாப் உட்பட 31 அணிகள் விளையாட உள்ளன. இதில் பி-பிரிவில்  தமிழ்நாடு, கேரளா, தெலங்கானா,  பீகார் ஆகிய அணிகள் இடம் பெற்றுள்ளன. மொத்தம் 1200 வீரர், வீராங்கனைகள் பங்கேற்றுள்ள இந்த தொடரின் இறுதிப் போட்டிகள் மற்றும் பரிசளிப்பு விழா நாளை மறுநாள் நடைபெறும். நேற்று நடந்த ஆடவர் இரட்டையர் பிரிவு ஆட்டத்தில் தமிழ்நாடு 35-28, 35-30 என நேர் செட்களில் கர்நாடகாவை வீழ்த்தி அடுத்த சுற்றுக்கு முன்னேறியது. மகளிர் ஐவர் குழு போட்டியில்  நேற்று இஸ்ரோ அணி  ராஜஸ்தானையும், மணிப்பூர் அணி ஜம்மு காஷ்மீரையும், ஒடிஷா அணி அசாமையும், மேற்கு வங்க அணி  இமாச்சலப் பிரதேசம் மற்றும் மத்தியப..
                 

ஒரு நாள் தொடரில் மோசமான தோல்வி இவங்களுக்கு என்னாச்சு..! இணையத்தில் ரசிகர்கள் கலாய்ப்பு

வெலிங்டன்: நியூசிலாந்து சென்ற இந்திய கிரிக்கெட் அணி, 3 போட்டிகள் கொண்ட ஒருநாள் தொடரில் பங்கேற்றது. இத்தொடரை இந்திய அணி 3-0 என இழந்தது. ஆனால் முன்னதாக நடந்த டி20 கிரிக்கெட் தொடரை 5-0 என இந்திய அணி வென்றது. இதற்கு பின்னர் நடந்த ஒருநாள் தொடரை இந்திய அணி இவ்வளவு மோசமாக இழக்கும் என யாரும் எதிர்பார்க்கவே இல்லை. தற்ேபாது நியூசிலாந்து நாட்டில் உள்ள இந்திய அணி 2 டெஸ்ட் போட்டிகள் கொண்ட தொடரில் பங்கேற்கிறது. முதல் டெஸ்ட் போட்டி பிப். 21ம் தேதி துவங்குகிறது. அதற்காக இந்திய அணி, நியூசிலாந்து லெவன் அணிக்கு எதிரான மூன்று நாட்கள் கொண்ட பயிற்சி போட்டியில் பங்கேற்று விளையாடி வருகிறது. இதற்கிடையில் இந்திய கிரிக்கெட் அணியின் கேப்டன் விராட் கோஹ்லி, வேகப்பந்துவீச்சாளர் முகம்மது ஷமி, பிரித்வி ஷா ஆகியோருடன் சேர்ந்து எடுத்த போட்டோ ஒன்றை அவரது சமூகவலைதள பக்கத்தில் வெளியிட்டுள்ளார். அதில், ‘புது போஸ்ட் அழகான நண்பன்‘ என்று குறிப்பிட்டுள்ளார். அந்த போட்டோவில் மூன்று வீரர்களும் வித்தியாசமான முறையில் முக பாவனைகளை மாற்றிக் கொண்டு வேடிக்கையான செய்கையில் ஈடுபட்டுள்ளனர். இந்த போட்டோ சமூக வலைதளத்தில் தற்போது வைரலாகி வருக..
                 

பயிற்சி ஆட்டம் டிராவில் முடிந்தது: அகர்வால், பன்ட் அரை சதம்

ஹாமில்டன்: நியூசிலாந்து லெவன் - இந்தியா லெவன் அணிகள் மோதிய 3 நாள் பயிற்சி ஆட்டம் எத்தரப்புக்கும் வெற்றி தோல்வியின்றி டிராவில் முடிந்தது. நியூசிலாந்தில் சுற்றுப்பயணம் மேற்கொண்டுள்ள இந்திய அணி முதலில் விளையாடிய டி20 தொடரில் 5-0 என்ற கணக்கில் அபாரமாக வென்று ஒயிட்வாஷ் சாதனை படைத்தது. அடுத்து நடந்த ஒருநாள் போட்டித் தொடரை நியூசிலாந்து அணி 3-0 என்ற கணக்கில் கைப்பற்றி பழிதீர்த்தது.இதைத் தொடர்ந்து, இரு அணிகளும் 2 போட்டிகள் கொண்ட டெஸ்ட் தொடரில் மோதவுள்ளன. முதல் டெஸ்ட் போட்டி வெலிங்டனில் வரும் 21ம் தேதி தொடங்குகிறது. இந்த போட்டிக்கு பயிற்சி பெறும் வகையில் இந்தியா லெவன் - நியூசிலாந்து லெவன் மோதிய 3 நாள் ஆட்டம் செடான் பார்க் மைதானத்தில் கடந்த 14ம் தேதி தொடங்கி நடந்து வந்தது. இப்போட்டியில், டாஸ் வென்று பேட் செய்த இந்தியா லெவன் 263 ரன்னுக்கு முதல் இன்னிங்சை இழந்தது (78.5 ஓவர்). புஜாரா 93 ரன், விஹாரி 101 ரன் விளாசினர். நியூசி. லெவன் முதல் இன்னிங்சில் 235 ரன்னுக்கு ஆல் அவுட்டானது (74.2 ஓவர்). ஹென்றி கூப்பர் அதிகபட்சமாக 40 ரன் எடுத்தார். இந்திய லெவன் பந்துவீச்சில் ஷமி 3, பூம்ரா, உமேஷ், சைனி தலா 2, அஷ்வி..
                 

தேசிய கேரம் தமிழகத்துக்கு வெண்கலம்

சென்னை: மகாராஷ்டிரா மாநிலத்தில் நடந்த தேசிய அளவிலான கேரம் போட்டியில் ஒட்டுமொத்த மாக அதிக வெற்றிகள் குவித்த வரிசையில், தமிழ்நாடு 3வது இடத்தை பிடித்து வெண்கலப் பதக்கத்தை வென்றுள்ளது. மகாராஷ்டிரா மாநிலம் ஜலகானில் 48வது சீனியர் தேசிய மாநிலங்களுக்கு இடையிலான கேரம் போட்டி நடந்தது. இதில் மொத்தம்  29 மாநிலங்களை சேர்ந்த 600 வீரர், வீராங்கனைகள் பங்கேற்றனர். தமிழ்நாடு சார்பில் பெண்கள், ஆண்கள் ஒற்றையர் பிரிவுகளிலும், மூத்த வீரர்கள் பிரிவுகளிலும் வீராங்கனைகள், வீரர்கள் பங்கேற்றனர். மூத்த வீரர்களுக்கான ஒற்றையர் பிரிவில், தமிழகத்தை சேர்ந்த ஏ.சுரேந்தர் பாபு 2வது இடம் பிடித்து வெள்ளிப் பதக்கம் வென்றார். அதுபோல், நிறைய போட்டிகளில் அதிகமான வெற்றிகள் குவித்ததின் அடிப்படையில், 3ம் இடம் பிடித்த தமிழ்நாடு அணிக்கு வெண்கலப் பதக்கம் கிடைத்தது. பதக்கங்களை வென்று தமிழகம் திரும்பிய சுரேந்தர் பாபு உள்ளிட்ட தமிழக வீரர், வீராங்கனைகளுக்கு சென்னை சென்ட்ரல் ரயில் நிலையத்தில்  தமிழ்நாடு கேரம் சங்கத்தின் சார்பில் வரவேற்பு அளிக்கப்பட்டது...
                 

13-வது ஐ.பி.எல். டி-20 கிரிக்கெட் போட்டி தொடருக்கான அட்டவணை வெளியீடு

                 

வாசவதா அபார சதம்: முதல் இன்னிங்சில் முன்னிலை பெற போராடுகிறது சவுராஷ்டிரா

ராஜ்கோட்: தமிழக அணியுடனான ரஞ்சி கோப்பை எலைட் பி பிரிவு லீக் ஆட்டத்தில், சவுராஷ்டிரா அணி முதல் இன்னிங்சில் 6 விக்கெட் இழப்புக்கு 346 ரன் எடுத்துள்ளது. சவுராஷ்டிரா கிரிக்கெட் சங்க ஸ்டேடியத்தில் நடந்து வரும் இப்போட்டியில், டாசில் வென்று பேட் செய்த தமிழகம் முதல் இன்னிங்சில் 424 ரன் குவித்து ஆல் அவுட்டானது. முகுந்த் 86, ஜெகதீசன் 183, சாய் கிஷோர் 27, முகமது 42 ரன் எடுக்க, மற்ற வீரர்கள் கணிசமாக ரன் எடுக்கத் தவறினர். சவுராஷ்டிரா பந்துவீச்சில் ஜெய்தேவ் உனத்கட் 6 விக்கெட் கைப்பற்றினார்.  அடுத்து களமிறங்கிய சவுராஷ்டிரா 2ம் நாள் ஆட்ட முடிவில் 3 விக்கெட் இழப்புக்கு 103 ரன் எடுத்திருந்தது. அவி பரோட் 38, அர்பித் வாசவதா 11 ரன்னுடன் நேற்று 3ம் நாள் ஆட்டத்தை தொடங்கினர். இந்த ஜோடி 4வது விக்கெட்டுக்கு 108 ரன் சேர்த்தது. பரோட் 82 ரன் (206 பந்து, 10 பவுண்டரி, 1 சிக்சர்) விளாசி வெளியேறினார்.சமர்த் வியாஸ் 10, பிரேரக் மன்கட் 13 ரன்னில் விக்கெட்டை பறிகொடுத்தனர். ஒரு முனையில் விக்கெட் சரிந்தாலும், உறுதியுடன் விளையாடிய வாசவதா சதம் அடித்து அசத்தினார். மூன்றாம் நாள் ஆட்ட முடிவில் சவுராஷ்டிரா அணி 6 விக்கெட் இழப..
                 

மகளிர் டி20 உலக கோப்பை கபில்தேவ் அணிபோல் சாதிக்கும்: பயிற்சியாளர் டபிள்யூ வி ராமன் கருத்து

புதுடெல்லி: ‘உலககோப்பையை முதன்முதலில் வென்ற கபில்தேவ் தலைமையிலான அணியை போல் டி20 மகளிர் உலககோப்பையை இந்திய அணி வென்று சாதனை படைக்கும்’  என்று பயிற்சியாளர் டபிள்யூ வி ராமன் தெரிவித்துள்ளார்.  மகளிர் டி20 உலக கோப்பை கிரிக்கெட் போட்டி இம்மாதம் 21ம் தேதி ஆஸ்திரேலியாவில் தொடங்குகிறது. அதற்காக ஆஸ்திரேலியா சென்றுள்ள இந்திய மகளிர் அணி உலக கோப்பைக்கு முன்னதாக பிப்.16ம் தேதி  பாகிஸ்தான், பிப்.18ம் தேதி வெஸ்ட் இண்டீஸ் அணிகளுடன் பயிற்சி ஆட்டங்களில் விளையாடுகிறது. இந்நிலையில் அணியின் பயிற்சியாளர் டபிள்யூ.வி.ராமன் அளித்த பேட்டி  ஒன்றில், ‘இந்திய மகளிர் அணி திறமையான, அனுபவமிக்க  வீராங்கனைகளை கொண்ட அணியாக உள்ளது. அணியில் கிட்டதட்ட பாதி பேர் இளம் வீராங்கனைகள். கேப்டன் ஹர்மன்பிரீத் சிங், ஸ்மிரிதி மந்தனா, தானியா பாட்டீயா, தீப்தி சர்மா என பலரும் சிறப்பாக விளையாடி வருகின்றனர். உணர்ச்சி வசப்பட அதிக வாய்ப்புள்ள டி20 போட்டியில் உணர்ச்சிகளை தவிர்த்து போட்டியை எதிர்கொள்ள வேண்டும்.அப்படி செய்து முடித்தால் இந்திய மகளிர் அணி,  1983ல் கபில்தேவ் தலைமையிலான இந்திய அணி வென்றது போல் முதல்ம..
                 

மகளிர் முத்தரப்பு டி20 தொடர் ஆஸ்திரேலியா சாம்பியன்: பைனலில் இந்தியா ஏமாற்றம்

மெல்போர்ன்: மகளிர் முத்தரப்பு டி20 தொடரின் இறுதிப் போட்டியில், இந்திய அணியை 11 ரன் வித்தியாசத்தில் வீழ்த்திய ஆஸ்திரேலிய அணி சாம்பியன் பட்டத்தை தட்டிச் சென்றது. ஆஸ்திரேலியாவில் நடைபெற்று வந்த இந்த தொடரில்  ஆஸ்திரேலியா, இந்தியா, இங்கிலாந்து மகளிர் அணிகள் தங்களுக்குள் தலா 2 முறை லீக் ஆட்டங்களில் மோதின. லீக் சுற்றின் முடிவில் 3 அணிகளுமே தலா 2 வெற்றி, 2 தோல்வியுடன் 4 புள்ளிகள் பெற்று சமநிலை வகித்ததால், மொத்த ரன்  ரேட் அடிப்படையில் முதல் 2 இடங்களைப் பிடித்த ஆஸ்திரேலியா, இந்தியா பைனலுக்கு முன்னேறின. இங்கிலாந்து அணி வெளியேற்றப்பட்டது.இந்த நிலையில், ஜங்ஷன் ஓவல் மைதானத்தில் நேற்று நடந்த பைனலில் இந்தியா -  ஆஸ்திரேலியா மோதின. டாசில் வென்று பேட் செய்த ஆஸ்திரேலியா 20 ஓவரில் 6 விக்கெட் இழப்புக்கு 155 ரன் குவித்தது. தொடக்க வீராங்கனை பெத் மூனி இறுதி வரை ஆட்டமிழக்காமல் 71 ரன் (54 பந்து, 9 பவுண்டரி) விளாசினார். ஆஷ்லி கார்ட்னர், கேப்டன் மெக் லான்னிங் தலா 26 ரன், ரச்சேல் ஹேய்ன்ஸ் 18 ரன் எடுத்தனர். இந்திய பந்துவீச்சில் தீப்தி ஷர்மா,  ராஜேஸ்வரி கெயிக்வாட் தலா 2, ராதா யாதவ், அருந்ததி ரெட்ட..
                 

விளையாட்டு துளிகள்

* ஏப்ரல் 19ம் தேதி தொடங்க இருந்த சீன கிராண்ட் பிரீ பார்முலா 1 கார் பந்தயம், கொரோனா வைரஸ் பாதிப்பு காரணமாக ஒத்திவைக்கப்படுவதாக அறிவிக்கப்பட்டுள்ளது.* அறுவை சிகிச்சை செய்துகொண்டு ஓய்வெடுத்து வந்த ஆல் ரவுண்டர் ஹர்திக் பாண்டியா, பெங்களூருவில் உள்ள தேசிய கிரிக்கெட் அகடமியில் பயிற்சியை தொடங்கி உள்ளார். வேகப் பந்துவீச்சாளர் இஷாந்த் ஷர்மாவுக்கு பிப். 15ம் தேதி  இங்கு உடல்தகுதி சோதனை நடைபெற உள்ளது.* ஐக்கிய அரபு கிரிக்கெட் வாரியத்தின் இயக்குனராக இந்திய அணி முன்னாள் ஆல் ரவுண்டர் ராபின் சிங் நியமிக்கப்பட்டுள்ளார்.* ரோட்டர்டாம் ஓபன் டென்னிஸ் தொடரின் ஆண்கள் இரட்டையர் பிரிவு கால் இறுதியில் விளையாட இந்தியாவின் ரோகன் போபண்ணா - டெனிஸ் ஷபோவலாவ் (கனடா) ஜோடி தகுதி பெற்றுள்ளது. * இந்தியா லெவன் - நியூசி. லெவன் அணிகள் மோதும் 3 நாள் பயிற்சி ஆட்டம் ஹாமில்டன் செடான் பார்க் மைதானத்தில் நாளை தொடங்குகிறது...
                 

Ad

மகளிர் டி20 உலகக்கோப்பை: வங்கதேச அணியை 18 ரன்கள் வித்தியாசத்தில் வீழ்த்தியது இந்திய மகளிர் அணி

                 

துபாய் டூட்டி பிரீ டென்னிஸ்: ஹாலெப் சாம்பியன்

துபாய்: துபாய் டூட்டி பிரீ டென்னிஸ் தொடரின் மகளிர் ஒற்றையர் பிரிவில் ருமேனியா வீராங்கனை சிமோனா ஹாலெப் சாம்பியன் பட்டம் வென்றார். இறுதிப் போட்டியில் கஜகஸ்தானின் எலினா ரிபாகினாவுடன் மோதிய ஹாலெப் 3-6 என்ற கணக்கில் முதல் செட்டை இழந்து பின்தங்கினார். இரண்டாவது செட்டில் அதிரடியாக விளையாடிய அவர் 6-3 என வென்று பதிலடி கொடுக்க சமநிலை ஏற்பட்டது. இதைத் தொடர்ந்து 3வது மற்றும் கடைசி செட் ஆட்டத்தில் அனல் பறந்தது. இரு வீராங்கனைகளும் மாறி மாறி புள்ளிகளைக் குவிக்க, டை பிரேக்கர் வரை இழுபறியாக நீடித்த அந்த செட்டில் ஹாலெப் 7-6 (7-5) என போராடி வென்று கோப்பையை முத்தமிட்டார். மிகவும் விறுப்பாக அமைந்து ரசிகர்களை மகிழ்வித்த இந்த போட்டி 2 மணி, 27 நிமிடத்துக்கு நடந்தது. ஹாலெப் வென்ற 20வது சாம்பியன் பட்டம் இது...
                 

Ad

நியூசிலாந்துக்கு எதிரான முதல் டெஸ்ட் கிரிக்கெட் போட்டி: 3-ம் நாள் முடிவில் 4 விக்கெட்டுகள் இழப்பிற்கு 144 ரன்கள் எடுத்தது இந்தியா

                 

Ad

ஆயிரம் போட்டிகளில் விளையாடி பிரபல கால்பந்து வீரர் ரொனால்டோ புதிய சாதனை

                 

Ad

சில்லி பாயின்ட்...

* தேசிய அளவில் முதல் முறையாக நடத்தப்படும் கேலோ இந்தியா பல்கலை. விளையாட்டு போட்டித் தொடரை ஒடிஷா மாநிலம் கட்டாக், நேரு உள்விளையாட்டரங்கில் பிரதமர் மோடி நேற்று வீடியோ கான்பரன்ஸ் மூலம் தொடங்கிவைத்தார். இந்த தொடரில் நாடு முழுவதும் இருந்து 159 பல்கலை. அணிகளை சேர்ந்த 3400 வீரர், வீராங்கனைகள் பங்கேற்கின்றனர்.* வெஸ்ட் இண்டீசுடன் கொழும்புவில் நேற்று நடந்த முதல் ஒருநாள் போட்டியில் இலங்கை அணி 1 விக்கெட் வித்தியாசத்தில் த்ரில் வெற்றி பெற்றது. வெ. இண்டீஸ் 50 ஓவரில் 289/7 (ஹோப் 115 ரன்). இலங்கை 49.1 ஓவரில் 290/9.* தென் ஆப்ரிக்க அணியுடன் ஜோகன்னஸ்பர்கில் நடந்த முதல் டி20ல் ஆஸ்திரேலியா 107 ரன் வித்தியாசத்தில் வென்றது. ஆஸி. 20 ஓவரில் 196/6 (பிஞ்ச் 42, ஸ்மித் 45); தென் ஆப்ரிக்கா 14.3 ஓவரில் 89 ரன் ஆல் அவுட். ஆஷ்டன் ஏகார் ஹாட்ரிக் உட்பட 5 விக்கெட் கைப்பற்றி ஆட்ட நாயகன் விருது பெற்றார்...
                 

தாய்லாந்தை வீழ்த்தியது வெஸ்ட் இண்டீஸ்

பெர்த்: ஐசிசி மகளிர் உலக கோப்பை டி20 தொடரின் பி பிரிவு லீக் ஆட்டத்தில், வெஸ்ட் இண்டீஸ் அணி 7 விக்கெட் வித்தியாசத்தில் தாய்லாந்து அணியை வீழ்த்தியது. வாகா மைதானத்தில் நேற்று நடந்த இப்போட்டியில், டாஸ் வென்று பேட் செய்த தாய்லாந்து 20 ஓவரில் 9 விக்கெட் இழப்புக்கு 78 ரன் எடுத்தது. நன்னாபத் கொஞ்சரோயன்கி 33, நருமோல் சாய்வாய் 13 ரன் எடுக்க, மற்ற வீராங்கனைகள் சொற்ப ரன்னில் வெளியேறினர். வெஸ்ட் இண்டீஸ் பந்துவீச்சில் ஸ்டெபானி டெய்லர் 3 விக்கெட் கைப்பற்றி அசத்தினார்.அடுத்து களமிறங்கிய வெஸ்ட் இண்டீஸ் 16.4 ஓவரில் 3 விக்கெட் இழப்புக்கு 80 ரன் எடுத்து வென்றது. ஹேலி மேத்யூஸ் 16, லீ ஆன் கிர்பி 3, தியாந்த்ரா டோட்டின் 2 ரன்னில் பெவிலியன் திரும்பினர். சிறப்பாக விளையாடிய கேப்டன் ஸ்டெபானி டெய்லர் 26 ரன், ஷெமைன் கேம்ப்பெல் 25 ரன்னுடன் ஆட்டமிழக்காமல் இருந்தனர். வெஸ்ட் இண்டீஸ் 2 புள்ளிகள் பெற்றது. ஆல் ரவுண்டராக அசத்திய ஸ்டெபானி டெய்லர் சிறந்த வீராங்கனை விருது பெற்றார்...
                 

பெங்களூர் கராத்தே: வேப்பேரி அகடமி சாம்பியன்

சென்னை: தேசிய அளவிலான கராத்தே ஓபன் சாம்பியன்ஷிப் போட்டியில், சென்னை வேப்பேரியை சேர்ந்த டாஸ்ஸி அகடமி ஒட்டுமொத்த  சாம்பியன் பட்டம் வென்றது. பெங்களூரு, இன்டர் நேஷனல் அச்சீவர்ஸ் ஷிட்டோ-ரியூ கராத்தே-டூ அசோசியேஷன் ஆஃப் இந்தியா (ஐ.ஏ.எஸ்.கே) சார்பில் நடைபெற்ற இந்த போட்டி தொடரை கர்நாடக அமைப்பாளர் சென்செய் எம்.பிலிப்ஸ் ராஜ் தொடங்கி வைத்தார்.  போட்டிகள் யு9, யு12, யு15 வயதினருக்கு  கட்டா, குமிட் ஆகிய பிரிவுகளில் நடைபெற்றன.அதில் ஒட்டுமொத்த சாம்பியன்ஷிப்  பட்டத்தை சென்னை வேப்பேரியில் உள்ள இன்டர்நேஷனல் டாஸ்ஸி  சாண்டோ ஷிட்டோ-ரியூ கராத்தே-டோ இந்தியா (ஐ.டி.எஸ்.எஸ்.கே ) என்ற அகடமி கைப்பற்றியது. இந்த அகடமியில் பயிற்சி பெற்ற புரசைவாக்கம்  இ.எல்.எம் ஃபேப்ரியூஸ் பள்ளி, வேப்பேரி செயின்ட் ஜோசப் பள்ளி, அனிதா மெதடிஸ்ட்  பள்ளி, அண்ணாநகர்  எஸ்.பி.ஓ.ஏ பள்ளி  மாணவர்கள்  தங்கம், வெள்ளி, வெண் கலப்   பதக்கங்களை வென்றனர். அவர்களை ஐ.டி.எஸ்.எஸ்.கே கராத்தே அகடமி  மாஸ்டர்கள் சென்செய் எஸ்.சந்தோஷ் குமார்,   சென்பாய் எஸ்.சாந்தகுமார் ஆகிய இருவரும் பாராட..
                 

இந்தியாவுக்கு எதிரான முதலாவது டெஸ்ட் கிரிக்கெட் போட்டி: நியூசிலாந்து அணி முன்னிலை

நியூசிலாந்து: இந்தியாவுக்கு எதிரான முதலாவது டெஸ்ட் கிரிக்கெட் போட்டியில் நியூசிலாந்து அணி முன்னிலை பெற்றது. வெலிங்டனில் 3 விக்கெட்டுகளை மட்டும் இழந்து 166 ரன்களை எடுத்து நியூசிலாந்து அணி விளையாடி வருகிறது. நியூசி. பந்துவீச்சை சமாளிக்க முடியாமல் முதல் இன்னிங்சில் இந்திய அணி 165 ரன்களுக்கு ஆல்அவுட்டானது...
                 

மகளிர் உலக கோப்பை டி20 தொடக்க போட்டியில் இந்தியா அபார வெற்றி: பூனம் சுழலில் மூழ்கியது ஆஸ்திரேலியா

சிட்னி: ஐசிசி மகளிர் உலக கோப்பை டி20 தொடரின் தொடக்க லீக் ஆட்டத்தில், நடப்பு சாம்பியன் ஆஸ்திரேலிய அணியுடன் மோதிய இந்தியா 17 ரன் வித்தியாசத்தில் அபாரமாக வென்று அசத்தியது.ஆஸ்திரேலியாவில் நடைபெறும் இந்த தொடரில் மொத்தம் 10 அணிகள் இரண்டு பிரிவுகளாக லீக் சுற்றில் மோதுகின்றன. ஏ பிரிவில் நேற்று நடந்த தொடக்க போட்டியில் ஆஸ்திரேலியா - இந்தியா மோதின. டாஸ் வென்ற ஆஸி. அணி முதலில் பந்துவீசியது. இந்தியா 20 ஓவரில் 4 விக்கெட் இழப்புக்கு 132 ரன் குவித்தது.தொடக்க வீராங்கனைகள் மந்தனா 10 ரன், ஷபாலி வர்மா 29 ரன்னில் வெளியேற, கேப்டன் ஹர்மான்பிரீத் கவுர் 2, ஜெமிமா ரோட்ரிகியூஸ் 26 ரன் எடுத்து ஆட்டமிழந்தனர். தீப்தி ஷர்மா 49 ரன் (46 பந்து, 3 பவுண்டரி), வேதா 9 ரன்னுடன் ஆட்டமிழக்காமல் இருந்தனர். ஆஸி. பந்துவீச்சில் ஜெஸ் ஜோனசன் 2, எல்லிஸ் பெர்ரி, கிம்மின்ஸ் தலா 1 விக்கெட் வீழ்த்தினர்.இதைத் தொடர்ந்து, 20 ஓவரில் 133 ரன் எடுத்தால் வெற்றி என்ற இலக்குடன் ஆஸ்திரேலியா களமிறங்கியது. அலிஸ்ஸா ஹீலி, பெத் மூனி இருவரும் துரத்தலை தொடங்கினர். ஒரு முனையில் ஹீலி அதிரடியாக விளையாடி ரன் குவிக்க, மூனி 6 ரன், கேப்டன் மெக் லான்னிங் 5 ரன்னி..
                 

பெண்களுக்கான உலகக்கோப்பை டி20 கிரிக்கெட் போட்டியில் ஆஸ்திரேலியாவை வீழ்த்தியது இந்தியா

சிட்னி: பெண்களுக்கான உலகக்கோப்பை டி20 கிரிக்கெட் போட்டி ஆஸ்திரேலியாவில் இன்று தொடங்கியது. இதில் தொடக்க ஆட்டத்தில் இந்தியாவும், ஆஸ்திரேலியாவும் மோதின. இதில் இந்திய அணி 17 ரன்கள் வித்தியாசத்தில் வெற்றிப் பெற்றுள்ளது.தொடக்க நாளான இன்று சிட்னியில் நடைபெற்று வரும் முதல் லீக் போட்டியில், நடப்பு சாம்பியனான ஆஸ்திரேலியாவும், இந்தியாவும் விளையாடின. டாஸ் வென்ற ஆஸ்திரேலிய கேப்டன் மெக் லானிங் , பந்துவீச்சை தேர்வு செய்ய, ஹர்மன்ப்ரீத் கவுர் தலைமையிலான இந்திய அணி பேட்டிங் செய்தது.தொடக்க வீராங்கனை ஷஃபாலி வெர்மா 29 ரன்களில் வெளியேற, பெரிதும் எதிர்பார்க்கப்பட்ட ஸ்ம்ரிதி மந்தனா 10 ரன்களில் ஆட்டமிழந்தார். கேப்டன் கவுர் வெறும் 2 ரன்களில் வெளியேற, இந்திய அணி 100 ரன்களுக்கு 4 விக்கெட்டுகளை இழந்தது. இறுதிக் கட்டத்தில் தீப்தி ஷர்மா 49 ரன்கள் எடுக்க, இந்தியா 4 விக்கெட் இழப்பிற்கு 132 ரன்கள் எடுத்தது.தொடர்ந்து களமிறங்கிய ஆஸ்திரேலிய அணியில் தொடக்க வீராங்கனை அலிசா ஹீலே 35 பந்துகளில் 51 ரன்கள் விளாசினாலும், மற்றவர்கள் அடுத்தடுத்து ஆட்டமிழந்தனர். கார்ட்னர் மட்டும் 34 ரன்கள் எடுக்க, மற்ற வீராங்கனைகள் சொற்ப ரன்களில் வெ..
                 

அனல் பறக்கும் நியூசி பந்து வீச்சு; அடுத்தடுத்து விக்கெட்டுகளை இழந்து தடுமாறும் இந்திய அணி

வெலிங்டன்: நியூசிலாந்து - இந்தியா மோதும் முதல் டெஸ்ட் போட்டி வெலிங்டனில் தொடங்கியது. இதில் டாஸ் வென்ற நியூசிலாந்து அணி முதலில் பந்து வீச்சை தேர்வு செய்தது. இதனையடுத்து களமிறங்கிய இந்திய அணிக்கு ஆரம்பமே அதிர்ச்சியளித்தது. பிரித்வி ஷா 16, புஜாரா 11, கேப்டன் கோலி 7 ரன்களில் நடையை கட்டினர். ஓரளவுக்கு தாக்குப்பிடித்த அகர்வால் 34 ரன்களிலும், விஹாரி 7 ரன்களிலும் ஆட்டமிழந்தனர். இந்திய அணி 43 ஓவர்களில் 5 விக்கெட்டுகளை இழந்து 106 ரன்கள் எடுத்து திணறி வருகிறது. ரஹானே 33 ரன்களில் விளையாடி வருகிறார். நியூசிலாந்து பந்து வீச்சில் ஜேமிசன் 3 விக்கெட்டுகளை வீழ்த்தினார்...
                 

பெண்கள் டி20 உலக கோப்பை இன்று கோலாகல தொடக்கம் : முதல் போட்டியில் இந்தியா-ஆஸ்திரேலியா மோதல்

சிட்னி: கிரிக்கெட் உலகின் அடுத்த திருவிழாவாக 7வது ஐசிசி பெண்கள் டி20 உலக கோப்பை  போட்டி ஆஸ்திரேலியாவின் சிட்னி நகரில் இன்று தொடங்குகிறது. இந்தப்போட்டியில் மொத்தம் 10 நாடுகள் பங்கேற்கின்றன. இந்தியா உள்ளிட்ட 8 அணிகள் நேரடியாகவும், தகுதிச் சுற்றுப் போட்டி மூலம் வங்கதேசம்,  முதல்முறையாக தாய்லாந்து அணியும் தேர்வு செய்யப்பட்டன.  மார்ச் 3ம் தேதி இறுதிப்போட்டி நடக்கும்.சாதிக்குமா இந்தியா: இதுவரை நடைபெற்ற 6 உலக கோப்பை ேபாட்டிகளிலும் பங்கேற்ற இந்தியா இதுவரை ஒருமுறை கூட கோப்பையை வென்றதில்லை. ஆனால்  2009, 2010, 2018 ஆண்டுகளில் என 3முறை மட்டும் அரையிறுதியை எட்டியுள்ளது.இந்த முறை அதிக எதிர்பார்பை ஏற்படுத்தியுள்ள அணியாக  இந்தியா உள்ளதால் கோப்பையை வெல்லும் வாய்ப்பும் அதிகமாக இருக்கிறது. அதற்கு ஏற்ப வெஸ்ட் இண்டீஸ் உடனான பயிற்சி ஆட்டத்தில் இந்தியா வென்று கணக்கை தொடங்கியுள்ளது. கூடவே கடந்த 6 உலக கோப்பை ெதாடர்களில் விளையடிய அனுபவமிக்க மிதாலி ராஜ், ஜாலன் கோஸ்வாமி  இல்லாததை இளம் வீராங்கனைகள் ஈடுகட்டுவார்கள். இன்று முதல் போட்டியில் இந்தியா-ஆஸ்திரேலியா அணிகள் மோதுகின்றன. இந்திய அ..