Video: કેન્સર સામે લડી રહેલી સોનાલી બેન્દ્રેની પોતાને હિંમત આપતી નવી પોસ્ટ

આપણે અંદરથી કેટલા મજબૂત છીએ

અભિનેત્રી લખે છે કે હું પોતાના મનપસંદ લેખક ઈઝાબેલ એલેડે વિશે જણાવુ છુ જે લખે છે કે આપણે નથી જાણતા કે આપણે અંદરથી કેટલા મજબૂત છીએ જ્યાં સુધી આપણને આપણી તાકાત બતાવવા માટે મજબૂર કરવામાં ન આવે. આગળ લખે છે કે પહેલાના સમયમાં યુદ્ધ અને ત્રાસના સમયમાં લોકો એકથી એક ચડિયાતી વસ્તુઓ કરતા હતા કે કે જે ઘણી અદભૂત હતી.

લેખકની વાર્તાઓ મને લડવાની હિંમત આપે છે

આ ઉપરાંત સોનાલી લખે છે કે સતત તેમના પ્રિયજનો પાસેથી તેને જે પ્રેમ મળી રહ્યો છે તેમની તે આભારી છે. વળી, તે લખે છે કે મારા મનપસંદ લેખકની વાર્તાઓ મને લડવાની હિંમત આપે છે અને પોતાના લોકોએ મારી આમાં મદદ કરી છે. આનાથી મને લાગે છે કે આ લડાઈમાં હું એકલી નથી. સોનાલી કહે છે કે તે એક સકારાત્મક વિચાર સાથે આ લડાઈ સામે લડી રહી છે. આ પહેલા પણ સોનાલીની એક પોસ્ટ આવી હતી જેમાં તેણે લખ્યુ હતુ.....

હું પોતાને ભાગ્યશાળી માનુ છુ

જ્યારે તમે તમારા જીવનથી કંઈક વધુ અપેક્ષા રાખો છો ત્યારે જ તમારી સામે જીવન કંઈક એવી રીતે પ્રહાર કરે છે જે તમને ઘાયલ કરી દે છે. હાલમાં હું એક ભયંકર બિમારી કેન્સર સામે લડી રહી છુ જે મને ઘણી પીડા પહોંચાડી રહી છે. તેણે કહ્યુ કે હું એક વાતથી ખુશ પણ છુ કે આ હાલતમાં મારા પરિવાર અને મિત્રો મારી સાથે છે જેના કારણે મને હિંમત મળી રહી છે. હું એ બધાનો આભાર માનવા ઈચ્છુ છુ જેમણે આ મુશ્કેલ સમયમાં મારો સાથે છોડ્યો નથી અને મારી સાથે ઉભા છે. આના માટે હું પોતાને ભાગ્યશાળી માનુ છુ અને તમારા સૌનો આભાર વ્યક્ત કરુ છુ. તમને જણાવી દઈએ કે સોનાલી ન્યૂયોર્કમાં પોતાની કેન્સરની બિમારીનો ઈલાજ કરાવી રહી છે. તેણે આજે આ પોસ્ટ દ્વ્રારા લોકોનો આભાર વ્યક્ત કર્યો છે અને સાથે એક ફોટો પણ પોસ્ટ કર્યો છે.